كان الاستعمار..الاستعمار والمستشرقين

[الطائر المهاجر]

بالصوت
youtube.com/watch?v=wkqg2c8FbNU&t=7s

كان الاستعمار في ماضي السنين= قبل ما يحتل ارض الآمنين
يرسل عيونه الى تلك الديار= يجمعوا معلومات باسم المستشرقين
يخبروه بكل ثروه بكل موقع=وكل نعره تفرّق اللي ساكنين
ينهب الثروات ويذل الشعوب= وينكح جنوده بنات المستضعفين
والنتيجه اجيال فيها اختلاف= بالشكل واللون مثل المستعمرين
بعضهم يصبح عميل للغزاة= خائن لداره واهله اجمعين
لكن الناس ما ترضى احتلال= يبدأون بدعم كل الثائرين
يبدأ الاستعمار بتغيير المسار= ويصبح استعمار مخفي ما يبين
يظهر الود والدعم لكل غافل = من رؤوس كاسبه للجاهلين
ويدخل اللي له عميلٍ وتابع = من ضراب الجند في ماضي السنين
يدخلوها بكل اذلال وخنوع = وياصلوا للروس بثوب الناصحين
يمسكون بكل مفرص بالبلاد= يوجههوها لكل امر راغبين
يبدأ التغريب في كل اتجاه = يعزز الاستعمار وضعه بكل لين
ولا عصى المسؤول امر او تردد= يفضحوا سره مداموا عارفين
يدوروا ايّات شيٍ يزعجه = من حقوق انسان او امرٍ دفين
حتى يستبدل وإلا ينتهي = وياصل اللي يعرفوا من الطائعين
هذا ما يجري من استعمار خفي= بالبلاد اللي اهلها غافلين

[منيع]

جزل وفي الصميم
شكرا لكم
تحياتي

[الطائر المهاجر]

شكرا منيع
على كريم المتابعه
لاهنت
اطيب التحيه

[داعي الشوق]

صح لساانك وفكرك ابوعبدالله
الله يحفظ البلاد والعباد من شرهم
ولاهنت

[الطائر المهاجر]

شكرا داعي
على كريم المتابعه
لاهنت
اطيب التحيه

[الطامي]

صح السانك
وما قلت هو الصحيح
لاهنت استاذي

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا
اطيب التحيه