بعض العذارى في زمان الانفتاح

[الطائر المهاجر]

بعض العذارى في زمان الانفتاح= تجاهلن للعرف والأمر المباح
تدوج بالأسواق من غير احتشام= تظهر مفاتنها ولوكانت قباح
وان كان زوجه غيرت من طبعها= تلاقي بعلها بالصياح وبالنباح
تبيه عبد ما يعدي امرها= مكينةٍ للصرف في ليل وصباح
واولادها في رأيها ملك لها = والبعل هالمسكين ماحس ارتياح
ولو هو بغى يصلح بحالها والعيال=تقول طلقني فلا لك من صلاح
بعض العوايل بانقسام او طلاق=وهذي العنوسه زايده ماهو مزاح
وحتى الجريمه للمتابع بازدياد= وكله نتيجة سوء فهم الانفتاح
اي انفتاح بمجتمع مغلق سنين = من دون درس وتهيئه ماله نجاح
اي انفتاح مع جهل امره عظيم= في مجتمع صعبٍ يساير للرياح
فالتهيئه مطلوبةٍ في كل حال = في شكل تدريجي ولا هو باجتياح
بالمدرسه تعديل في بعض الدروس=وخلط الطفوله بالمدارس عن سماح
ومن بعد اجيالٍ ثلاثه نلتقي= شعبٍ مهيئ لبعض تغببر متاح
ما نترك الفرصه لعاذل او عميل=يلعب بعقل البيض من عجز وملاح
من كل متطرف يمينٍ او يسار= يخدم عدوٍ بالفكر دون السلاح

[منيع]

اشهد انك صادق يادكتور
اي انفتاح بمجتمع مغلق سنين = من دون درس وتهيئه ماله نجاح
اي انفتاح مع جهل امره عظيم= في مجتمع صعبٍ يساير للرياح
فالتهيئه مطلوبةٍ في كل حال = في شكل تدريجي ولا هو باجتياح

شكرا لك ولحرفك السديد
تحياتي

[داعي الشوق]

صح لسانك وفكرك ياشاعر
الله يصلح الحال والاحوال
ابدعت واجزلت ياجزل
ولاهنت

[الطامي]

الله المستعان يادكتور
قرب الساعه والعولمه وما تفعل
صح السانك
ولاهنت

[صعبة المنال]

صح نبض
جبت السالفه

صعووب

[الطائر المهاجر]

شكرا منيع
على كريم المتابعه
لا هنت
تحياتي

[الراقي]

كتبت وتألقت
سلم لنا بوحك ودام نبضكـ الرائع
صح السانك

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا الطامي
على كريم المتابعه
لاهنت
تحياتي

[بنت النور]

صح لسانك وفكرك
لا هنت ولاهان ابداعدك
احترامي وودي