العودة   منتديات الفطاحله > منتديات الأدب العربي/يمنع الفيديو > القصة والرواية والمقال

إضافة رد
 
أدوات الموضوع
قديم 26-01-2006, 10:22 AM   رقم المشاركة : 1
ذيب السنافي




معلومات إضافية
  النقاط :
  الحالة :

 

Talking سلسلة سوالف ذيب السنافي (الحلقة الثانية)


الحلقة الثانية من سوالف ذيب السنافي

============================== =========

طبعاً تابعتو معنا قصة زنيفر يوم تزوج وضحى وأول يوم لهم وكيف تزوجوا الآن مضى على زواج زنيفر 45سنة وبدأ زنيفر مراحل المراهقة المتأخرة الي تصيب بعض خبول الرجال

============================== ========

لا لا لا مايمتكن مايمتكن مايمتكن <<<<<<<هذه الكلمات الي قالها شليويح عندما قابل زنيفر في سوق الشمال للخضار في حي المروج عندما تقابلا صدفة وهم في المطعم وكانا كل واحد منهم جاي يشتري صيادية,,

زنيفر : معقولة شليويح الله يالدنيا طار الغبار ياولد

شليويح : الا شليويح بلحمه وشحمه أرحب أرحب (أموه أموه وتناقروا بالخشوم)

زنيفر : مشاء الله عليك يارجال ماتغيرت هذا أنت من يوم كنت سكسوكة وكرشه وعصاقيل وعقال كنه كفر تريله

شليويح : وأنت بعد ماتغيرت صارن عينك وطايره فوهتك وشنبك واصل اذنيك

زنيفر : هههههههه الله يقطعك من الأرض ألا بنشدك وشلون حمير عساه طيب ؟؟

شليويح : أبشرك اعرس خذله هاك اللبنانيه الي تطرح الطير من السماء

زنيفر : ؟؟!!!!!!! ماغير ذاك الدب خذ لبنانيه كل شيء جايز طيب وموسى أبو كشة الي كان معنا في الكشافة وش أخباره

شليويح : ذاك بعد أبشرك خذ له يمانيه لأنها أقرب له يقول مناك يم ديرته

زنيفر : عمى وش بلى هذولا يتسابقون على العرس

شليويح : يارجال أنت ماتدري شف صحتي وشلونها شفني وشلون محمر ولذيذ ووجهي منتفخ من النعمة ماغير آكل في هالفتوش والحمص والمشاوي وزاينتن حالي

زنيفر : الا والله من ضرب يمناك طال عمرك بس لا تقول أنك ماخذ لبنانيه بعد

شليويح : ألا والله ماخذ لي حبه على الطاير نقنق عليها لين نمل وناخذ غيرها نجدد الشباب

زنيفر : أبك أنت وينك رايح ماخذ سندوتشه أنت تنقنق عليها

شليويح : أسمع خل عنا كثر الكلام أنا عندي لك لبنانيه ياهي طلقه مووووت تعجز وأنت تقول حلوة تبيها ولا لا

زنيفر : عمى كانك تعرفها يالرخمة

شليويح : لا يارجال أخت مرتي الصغيرة تبيها ولا لا
======================
#(هنا زنيفر غرق في الهواجيس وقعد يكلم نفسه ياولد ذا الدب الداشر ماهوب أطيب مني وتذكر وضحى وقوة وجهها وطول لسانها وتذكر دايم تزاعق عليها بس هو يحبها لا لا مايحبها بس أكيد خايف من رشاش أخوها مسلط الظرنط لازم أحسم أمري وآخذ وحده مثل شليويح أجدد نشاطي فيها وأنبسط تالي عمري )بالفعل قرر زنيفر
======================
زنيفر : شليويح توكلنا على الله

شليويح : خلاص وعدنا بعد أسبوع مطار الملك خالد أوكي

زنيفر : أبشر ياعديلي

شليويح : ههههههههههه من الحين شكلك لزقه أنت

=====================

في البيت كانت الأوضاع عادية البنات عند التلفزيون وش حليلهن مزنة تاكل حلا مصلحتها ولا طلع زين بس تبرد حرتها وتاكله تعويض عن تعبها ,, وسوير جالس ترسم في دفترها موديلات فساتين لنفسها وترسم درعات وكرتات لجداتها ,,ونشمية جالسه تابع مسلسل مصري غبي على التلفزيون على القناة الأولى مسلسل إنتاج سنة ألف وحطبة,,مريام القعدة آخر العنقود قاعدة ومعها حلاوة مدري وش تسوي,,

نتحرك بالمشهد شوي ونطلع في حوش البيت الأولاد مترك ومريح يطاقون على سيكل قديم ومنكسر وجالسين يتخابطون بالنعال ( الله يكرمكم) ويتسابون ,,شري قاعد يتلفت يمين ويسار عند حوض النخلة الوحيدة في البيت والي مصفرة من العطش ومن شيء ثاني وشري قاعد يتلفت تحس أنه خايف يوم شاف ماحد يمه وهو الي يسويها في حوض النخلة ويمشي وكنه ماسوى شيء ,, رامي آخر الأولاد جالس ومعه فروة وغترها وقاعد يشخص ويسوي نفسه رجال ويدور حول المشب ويركز الدلال


نتحرك شوي نشوف ألا والله وضحى القشرى (بس ترى قلبها طيب على فكرة ) جالسه تدهن بنيفيا لأنها خايفه على أيديها تطلع حرش يعني خشنات بسبب الغسيل والطبخ والأمور هذي شوي ويدخل زنيفر ولا أنتبه لها قاعد يفكر بتصريفه لوضحى وش يقولها شوي يوم تكلمت وضحى

======================

وضحى : وش فيك وش تهوجس فيه ياعملي الأسود يمال الصرمة

زنيفر : أرتاع هلا والله بأم شري وش فيتس

وضحى : أنت وش فيك عسى ماشر وش تفكر فيه عسى ماهوب في الصخلة الشهبى بنت العنز السوريه حنا قلنا ماتبيع يعني ماتبيع

زنيفر : هاه وشو مرته وشو لبنانيته

وضحى : !!!!!!!!؟؟؟ مرة ؟؟؟ لبنانيه لا لا لا أنت في بالك شيء (قلب وضحى حساس دايم يحس بالشيء قبل وقوعه وزنيفر بعد ثور ماعليه قصيرة دايم من الخوف يفضح نفسه)

زنيفر : (يصرف) ترى أنا عزمت أخوتس مسلط عندنا على العشاء اليوم مشتاق له

وضحى : (أنبسطت وأنفرجت أساريرها )والله زين والله أني مشتاقه له بس غريبه تعزمه خابرتك مادانيه وش فيه

زنيفر : مافيه شيء بس ترى بطلع البر الأسبوع الجاي

وضحى : (أطمأنت ) زين في الي مايردك لا تنسى تجيب علف للغنم قبل لا تروح وبكيفك

زنيفر : (أنبسط ) أبشري

=======================
مر العشاء بسلام وجاء يوم السفر وسافر للبنان وأول ماوصلوا راحوا السوليدير وقام شليويح بتخريب زنيفر وأرغمه على أن يشيش وكحكح لين داخ وطلعوا بعد مالاعت كبده وراحوا لأهل المرة وخذوها وخذوا من دراهمن واجد وزنيفر مزهب وضعه وماخذ أذن من الداخليه بواسطه ورجع قبل زوجته اللبنانيه على أن تجيه الأسبوع الجاي في الخبر لأنه بيستقبلها هناك يبي شهر عسل ثاني ويبي يرجع يصرف وضحى ويزهب الوضع كله.
=======================

زنيفر : (يكلم الباب وهو مدخل المفتاح فيه) أنفتح الله يرحم والديك االله يستر من هالقشرى

(أنفتح الباب ودخل والا وضحى بوجه )

وضحى : هلا والله بالطيب الغالي هلا بالي يعالجني ويداويني شوفه ومسياره هلا

زنيفر : أيه أكيد مشتاقه هذا أنتي ماتعرفين الكلام الحلو ألا لين جيت وأنا مبطي مالت عليتس

وضحى : أفا يابو عيالي شري ومترك ورامي يانن عيني

زنيفر : (قوي ظهره يوم شافها لانت) أنقلعي في الي مايردك يالعجوز

(صحيح أنها رجال وصحيح أنها قويه وقلبها أبيض بس في النهايه إمرأة حست بالجرح من كلمت عجوز)

(زنيفر طلع من عندها وراح للغرفة وهو يفكر ببنت لبنان )

المهم زهب الشاليه وطق بذاك العذر الممتاز زرزح للشرقيه ومتواعد ويا الحمرا هناك بس ترى وضحى لحقته مع أخوها مسلط شاكه فيه وشلون جابت العلم أنه بيروح الشرقيه الله وأعلم

ننتقل لدخول الزوجه اللبنانيه الشاليه ومعها زنيفر

زنيفر : هلا وغلا أرحبي والله أن ترحبين ياشيهانة قلبي يامزعه مصاريني يامطيره النوم من عيني

ماريا : أهلا وسهلا فيك بس مابدك تخبرني شو الكلام الي ألته أبل شوي

زنيفر : ماعليتس هذي شفرة موريس السحريه لدخول القلوب الفتيه

ماريا : الله هاد هو بيتك

زنيفر : أحم أحم أيه هذا هوبيتي يابيتي أنتي

ماريا : شو أنا بيتك شو عم بتسبني

زنيفر : لا يابعد عمري هذي مدحه

ماريا : عبالي شي تاني

زنيفر : لا ماهوب شيء ثاني لبى حكيك وسوالفك أزين من ذيك المخيسة الخبلا القشرى وضحى ياله ياعيوني الغرفة فوق خليني أفرجك عليها

ماريا : هههه ياله بدي أدلعك

==============
في هذا الوقت الي طلعوا فيه والي عليهم بالخير كان مسلط وأخته وضحى ورشاش مسلط دخلوا الشاليهات ووصلوا للشاليه المطلوب

دخلوا ويوم توسطت وضحى وسط الشاليه قدام الدرج ألا صوت زنيفر ينزل مع الدرج ويغني

============================== =======

زنيفر : ياراكبن حمرا طويله ,, أي حمرا طويله لازم أبدل ,, الأمــــــــــــــــاكن كلها مشتاقـــ أ أ أ وضحى ؟؟!!!!

وضحى : أيه وضحى ياثور وتغني متزوج علي وتغني مالت عليك يالخاين يالداشر ماخذ حمرا علي وش فيها زود علي علمني علمني ياخاين العشرة

زنيفر : وضحى عسى موب الظرنط مسلط معتس تكفين والله ما أحــــــــــ أفا مالت على وجهك حايبها وجايب سلاح بعد كنك كفو

مسلط : أخس يالخاسي يالخاين تاخذ على أختي بذبحك أنا

زنيفر : تكفين ياوضحى الفزعه

وضحى : مسلط أنت الخاين لا تتكلم مع زيزي كذا (تحبه حتى وهو متزوج عليها )

شوي في تلك اللحظات جتك اللبنانيه نازلة ولافه راسها بالفوطة وكنها صاروخ من طولها وعليها ذيك العيون الي كنها فناجيل وقاعدة تغني مبسوطه,,,

ماريا : ألك ياراكب هيدي الحمرا الطويلة (تأثرت بزنيفر) الي عم بيأولها زنيفر

وضحى : (فغرت فاها وهي تشوف هالزينه وتلعثم لسانها )

مسلط : (وهو طاق بنت البكار وفاتحن جيبه ) أعقبي يالطماطه

زنيفر : أتغطي يامرة توزي عن عيون ذا الثور

ماريا : شبك حبيبي شو تور مين هيدا

خش عرض مسلط وهو يسكر جيبه وينزل الغترة ويرمي السلاح على الأرض

مسلط : معك مسلط بن خنيفس جندي في البندق ومقطع أربع وهواياتي جمع الطوابع وركوب الخيل وبياع تجارة حرة

ماريا : شو أنت بتركب خيل فيه ليه فيه خيل بالدنيا بيتحمل وزنك التأيل

زنيفر:أخسي يالخاسيه

وضحى : قلبي غضبان عليك ألا يوم الدين يا مجرم ياخاين ولا لقيت ألا هالزينه تاخذها

زنيفر : ياعمري براضيك بعطيك طقم ذهب وأرض وادي لبن لك هديه ولك يوم وهي يوم

وضحى : لا مابي يوم

زنيفر : خلاص هي يوم وأنتي ويومين

وضحى : لا مانيب ما أبي

زنيفر خلاص أنتي ثلاث أيام وهي يوم

وضحى : لا ما أبي

زنيفر : كلي تراب وش تبين اخلصي علي

وضحى : تاخذها يوم وأنا آخذها يوم

زنيفر : ؟؟!!!!!!!!!

مسلط : ؟؟!!!!!!!

=======================

أنتهت الحلقة

((القصة هذي نكته مطورة ومطوله))
=======================

أنتظرونا في الحلقة القادمة والتي سيكون أبطالها أعضاء من المنتدى بإذن الله

وأرجوا أن ما أحد يزعل وترى كلنا يعني أخوان







توقيع ذيب السنافي
 
  رد مع اقتباس
قديم 26-01-2006, 07:37 PM   رقم المشاركة : 2
ابو زياد
(عبدالله الحسن)شاعر
 الصورة الرمزية ابو زياد





معلومات إضافية
  النقاط : 10
  الحالة :ابو زياد غير متواجد حالياً

 

افتراضي


اجل تبي تقاسمها معه

يمتكن انها ما تنلام







توقيع ابو زياد
 
  رد مع اقتباس
قديم 26-01-2006, 11:12 PM   رقم المشاركة : 3
ذيب السنافي




معلومات إضافية
  النقاط :
  الحالة :

 

افتراضي


أبوزياد لبى قليبك

هلابك

وش رايك شكلها ماتنلام حسبي عليها

المراد ياغلاي أنت الوحيد الي رد علي وهذا يرفع معنويات الواحد يحاول يطور من نفسه ويضبط أم المواضيع المرات الجاية

مشكور







توقيع ذيب السنافي
 
  رد مع اقتباس
قديم 27-01-2006, 03:02 AM   رقم المشاركة : 4
نسناس الهوى
عبدالرحمن الحسن/شاعر
 الصورة الرمزية نسناس الهوى





معلومات إضافية
  النقاط : 10
  الحالة :نسناس الهوى غير متواجد حالياً

 

افتراضي


هههههههههههههههههههههههههههههه هههههههه

الله يسعد قلبك .. اما ذا البدويّه ، ابليس

متااابعين وننتظر الحلقه الجايه ، غطيت على طاش







توقيع نسناس الهوى
 
  رد مع اقتباس
قديم 27-01-2006, 03:19 AM   رقم المشاركة : 5
ذيب السنافي




معلومات إضافية
  النقاط :
  الحالة :

 

افتراضي


نسناس هلابك

أرحب ياشيخ

أضحك الله سنك
مشكور على المرور والمجاملة اللطيفة







توقيع ذيب السنافي
 
  رد مع اقتباس
قديم 27-01-2006, 04:45 AM   رقم المشاركة : 6
الخنساء
عضو شرف
 الصورة الرمزية الخنساء





معلومات إضافية
  النقاط : 10
  الحالة :الخنساء غير متواجد حالياً

 

افتراضي


والله ماقصرت اخوي ذيب رااائعة وتسلم تحياتي







توقيع الخنساء
 
  رد مع اقتباس
قديم 27-01-2006, 02:21 PM   رقم المشاركة : 7
ثار التميميه
V.I.P مؤسس
 الصورة الرمزية ثار التميميه





معلومات إضافية
  النقاط : 20
  الحالة :ثار التميميه غير متواجد حالياً

 

افتراضي


الله يغربل ابليسك انت وسوالفك

خخخخخخخخخخخخخخخخخ







توقيع ثار التميميه
 
  رد مع اقتباس
قديم 28-01-2006, 11:57 AM   رقم المشاركة : 8
ذيب السنافي




معلومات إضافية
  النقاط :
  الحالة :

 

افتراضي


الاخت الخنساء ياهلا والله ومرحبا أرحبي ياذيبانه

جعل يسلمك ربي

الأخت ثار

هلا بك

مشكورة على المرور والرد

يسلمك ربي







توقيع ذيب السنافي
 
  رد مع اقتباس
قديم 18-05-2007, 02:53 PM   رقم المشاركة : 9
الأموره
عضو شرف
 الصورة الرمزية الأموره






معلومات إضافية
  النقاط : 10
  الحالة :الأموره غير متواجد حالياً

 

افتراضي رد على: سلسلة سوالف ذيب السنافي (الحلقة الثانية)


من جد ضحكتنا في كل جمله

جدا روعه

ربي يسعدك دوم زي ما اسعدتنا بالقصه







توقيع الأموره
 
  رد مع اقتباس
قديم 03-12-2010, 08:15 PM   رقم المشاركة : 10
البواسل
ضيف





معلومات إضافية
  النقاط : 10
  الحالة :البواسل غير متواجد حالياً

 

افتراضي


سلمت يداك
على ما املاه فكرك
تحياتي







توقيع البواسل
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:18 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة