((الشـــعـر ))

[راشد فاروع]

السلام عليكم ورحمة الله وبركاته

على حزين الجاش هبّي يا ذعاذيـع البـراد=اللي نواياه السليمـه مـن خصيمـه نجّتـه
عايش على الفطره وله نظرات رغم الإبتعاد=والعولمه لو رجّت عقول البشـر مـا رجّتـه
يا كثر ما اجْهد يا الله اتعوّض عَلَيْ الإجتهـاد=بعض البشر لو كان ما تلقى خطاي احتجّتـه
ياللي تقول الشعر ما يسلم شوايـب وإنتقـاد=أنا عجزت أوحيك من كثر الزحـام وصجّتـه
مير الأكيد إن الكلام اللـي عليـه الإعتمـاد=الذيب يعشق مرقبه .. والحر يعشـق لجّتـه
كلٍّ من إسمه له نصيبه جـل خـلاّق العبـاد=اللي عباده تسجـد لوجهـه وبيتـه حجّتـه
أفسّر المقصود من بـاب إستفـاده وإزديـاد=النور لو من مثقـب الإبـره يحصّـل فجّتـه
والذيب منه الحرص حيث إنه يصيد ولا يصاد=والثور يكحل عين من حافـظ عليـه بعجّتـه
والحر لا شق الزّراق يتـوق صـدره للهداد=والبوم ينعق في ظـلام الليـل يرثـي دجّتـه
والشعر وادي صيد والمستشعره كثر الجـراد=ما عاد يلقى فيـه قنّـاص الفرايـد سجّتـه
غابات في غابات يعني مثل غايـات المـراد=من حاول يكمّل عطاهـا فـي مداهـا حجّتـه
ما جفت الأنهار والمصفوط نـار بـلا زنـاد=إصفـرت الأزهـار والأنهـار ماهـا زجّتـه
العقل حاير والضمايـر قـام يدخلهـا سـواد=هامت بنطق الزور لين الصدق ضاق وبجّتـه
رمية سهم خايب ومن هايب يبي ذبح الجواد=لكن يد الرعديد لو صابت نحـر مـا فجّتـه
بين التجاهل والتعامل في صفـوف الإنحيـاد=أصوات صاحت للعناصر والمعاصـر ضجّتـه
هذا الصحيح ومن يجامل لا يفيد ولا استفـاد=واللي معه حجّه لَجاه الدور يفـرض حجّتـه

[منيع]

ياسلام
حرصت على قرائتها بيت بيت بعيدا عن مقولة القذافي ههههههه
نعم هنا شعرا يفرض نفسة بقوة ويحلق بك في عالم الابداع والتميز
بصراحة اسجل اعجابي لك ولحرفك الرائع
تحياتي لكم

[فارس القوافي]

حياك الله

نعم نعم ياراشد

هنا متنفس للشعر

هنا كل حرف يساوي قصيدة

ابداع يفوق الوصف

صح لسانك

لاهنت


يعطيك العافية


دمت بخير

[حرف وشعر]

المشاركة الأصلية كتبت بواسطة راشد فاروع

السلام عليكم ورحمة الله وبركاته

على حزين الجاش هبّي يا ذعاذيـع البـراد=اللي نواياه السليمـه مـن خصيمـه نجّتـه
عايش على الفطره وله نظرات رغم الإبتعاد=والعولمه لو رجّت عقول البشـر مـا رجّتـه
يا كثر ما اجْهد يا الله اتعوّض عَلَيْ الإجتهـاد=بعض البشر لو كان ما تلقى خطاي احتجّتـه
ياللي تقول الشعر ما يسلم شوايـب وإنتقـاد=أنا عجزت أوحيك من كثر الزحـام وصجّتـه
مير الأكيد إن الكلام اللـي عليـه الإعتمـاد=الذيب يعشق مرقبه .. والحر يعشـق لجّتـه
كلٍّ من إسمه له نصيبه جـل خـلاّق العبـاد=اللي عباده تسجـد لوجهـه وبيتـه حجّتـه
أفسّر المقصود من بـاب إستفـاده وإزديـاد=النور لو من مثقـب الإبـره يحصّـل فجّتـه
والذيب منه الحرص حيث إنه يصيد ولا يصاد=والثور يكحل عين من حافـظ عليـه بعجّتـه
والحر لا شق الزّراق يتـوق صـدره للهداد=والبوم ينعق في ظـلام الليـل يرثـي دجّتـه
والشعر وادي صيد والمستشعره كثر الجـراد=ما عاد يلقى فيـه قنّـاص الفرايـد سجّتـه
غابات في غابات يعني مثل غايـات المـراد=من حاول يكمّل عطاهـا فـي مداهـا حجّتـه
ما جفت الأنهار والمصفوط نـار بـلا زنـاد=إصفـرت الأزهـار والأنهـار ماهـا زجّتـه
العقل حاير والضمايـر قـام يدخلهـا سـواد=هامت بنطق الزور لين الصدق ضاق وبجّتـه
رمية سهم خايب ومن هايب يبي ذبح الجواد=لكن يد الرعديد لو صابت نحـر مـا فجّتـه
بين التجاهل والتعامل في صفـوف الإنحيـاد=أصوات صاحت للعناصر والمعاصـر ضجّتـه
هذا الصحيح ومن يجامل لا يفيد ولا استفـاد=واللي معه حجّه لَجاه الدور يفـرض حجّتـه

نص فاخر ياراشد


جميل ماقرأت هنا

[ماجد الراشد الهيري]

تسلم ياراشد على الادهاش الشعري والجزاله
نص فاق الوصف وقاف كايف وطرق جميل
ماشاء الله عليك

[الحربي عبدالله]

الشاعر / راشد
صح لسانك وعلآ شانك
قصيده جزله من شاعر جزل
تحياتي لك ..

[الـزلـزال]

راشد فاروع

نص مميز ورائع وجميل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دمت بخير وسلام ودام لنا حرفك الراقي
صح لسانك ملايين ملايين
ولك فائق تحياتي وتقديري

[داعي الشوق]

صح لساااااااااااانك مليووووووووون يا راشد

والحمدلله على السلامه

حضرت و حضر الابداع أخي العزيز

شاعر جزل و مبدع و رائع دائما

صح لسانك مدد

ويا هلا بك من جديد

ولاهنت

***********

[الخنساء]

صح لسانك مليوووون

قصيدة جزلة من شاعر متمكن

سلمت ودام حرفك

[احمد القاسم]

صح لسانك واعتلى شانك

قصيده جزله ووافيه .

ابدعت وامتعت يا مبدع

تحيتي لك ولنصك الفاخر