بالعالم الثالث الشهره والغنى

[الطائر المهاجر]

بالعالم الثالث اذا ودك تصير= معروف عند الناس واموالك كثير
خلك مع الكوره واذا لك واسطه= يسجلك تلعب مع النادي الشهير
او صر مطوع تفتفه في كل وقت= يهمل شعره ويلبس الثوب القصير
او صر مشعوذ بالدجل ماله حدود= يلعب على السذج ومن عقله صغير
وان كان تبغى العز والظهر القوي= خلك صديقٍ او خوي لاحدٍ كبير
والا فخلك كاتبٍ او شاعرٍ = يمدح نفاق وكذب تسمع له صفير
والا تسلق مثل باقي الأمعات= عند كل نافذ مثل عبدٍ له حقير
تطق بشت ودرب راسك وابتسم= ولو جيت مقلع مايهم مهما يصير
ولا تقول انا عندي شهاده دكتره= علم بليا واسطه طير كسير
عالم فسادٍ والبطاله ناخره = ونصب وكذب في ثياب اللي خبير
يلقى به المستعمرين اللي يبون= من كل خاين ميّتٍ فيه الضمير
يتحكموا بالأرض مع ثرواتها = واللي يخالفهم فلا يدري المصير
مستعمرٍ من بعد ما كان بسلاح=صار اقتصادي يجلب الشر الخطير
يمص ثروات البلد وكنوزها = ولا فكر بشعبِ غدى جايع فقير

[بنت النور]

الله يكفينا من امور دنوويه
صح لسانك ملاييين

جزله من راس جزل

لك ودي،،،

[منيع]

هههههههههههه
اجدت يادكتور الوضع لايبشر بخير
كل ماسطرتة واقعي للأسف
شكرا لك

[داعي الشوق]

يلقى به المستعمرين اللي يبون
من كل خاين ميّتٍ فيه الضمير
يتحكموا بالأرض مع ثرواتها
واللي يخالفهم فلا يدري المصير
مستعمرٍ من بعد ما كان بسلاح
صار اقتصادي يجلب الشر الخطير
يمص ثروات البلد وكنوزها
ولا فكر بشعبِ غدى جايع فقير
............

الله الله

صح لسانك وفكرك ياعود

قصيدك ع الوتر الحساس دائما

الله يكفينا شرك

وصح لسانك مدد ولاهنت

[الطامي]

صح السانك
ولاهنت

[الطائر المهاجر]

شكرا بنت النور
على كريم المتابعه
لاهنتي
اطيب التحيه

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا
اطيب التحيه