يهزمني الشوق

[عبدالعزيز العقيدي]

يهزمني الشوق يوم القاه وأشوفه=***وأحس قلبي قفز له من مصاريعه ‏
لو يدري بحالتي ما يشكي ظروفه=***ولو يدرك الشوق ما قلب مواضيعه
نفسي على شوفته بالحيل ملهوفه=***وقلبي توقد و جمره زاد توليعه ‏
أهوجس بخلوتي وأقلب حروفه =***وأتخايل أنه حضني في مزاميعه
النفس ما تشتهي شي كثر شوفه =***والقلب ما يرغب ألا أن زاد تلويعه
أبعثر الشوق له وأنثره و الوفه =***وأن شفت قلبه عصاني لازم أطيعه
يا أبو ثنايا شرى البلور مصفوفه=***في مبسم ما بسم بسمه تصنيعه
عليه أهل الدمع و العين موغوفه =***وأقطم صبوعي باهاتٍ وتوجيعه‏

[داعي الشوق]

صح لسانك يالشاعر عبد العزيز العقيدي

قصيدة مشوقه بشوق الشاعر الولهان

صح لسانك ..

تصوير جميل والمعنى كذلك

تحياتي لك مع التقدير ،،،

[منصور العبدالله]

صح لسانك يالقرم


اخوى الشاعر عبد العزيز

مفرده سلسه ومبسطه ومتفرده بنفس الوقت

لا يصيغها بسلاستها الا الجزل

تحياتى لقلبك

واتشرف ان اكون باول الصف المرحب بنبضك

[الطامي]

العقيدي
صح السانك
عنك انك مغرم
الله يعينك
شكرا لك على هالرائعه التي اتحفتنا بها
لاهنت

[عذب القوافي]

صح لسانك أخي الشاعر / عبدالعزيز العقيدي

وافيه من وافي

تقديري وفيض ودي

أبوابراهيم,,,,,,

[مبروك بن ماضي]

الاخ الكريم الشاعر/ عبدالعزيز العقيدي

النفس ما تشتهـي شـي كثـر شوفـه
****************والقلب ما يرغب ألا أن زاد تلويعه
أبعثر الشـوق لـه وأنثـره و الوفـه
***************وأن شفت قلبه عصاني لازم أطيع



ما أجمل الوقوف على عتبات كلماتك
صح لسانك .. فقد أستمتعت بكل حروفها
لك مني كل الإعجاب والإشادة
تقبل تحياتي وتقديري
أخوك / بن ماضي

[عبدالله المسعودي]

عبدالعزيزي العقيدي ..؛
صح لسانك وعلا شانك ..؛
لاهنت ..؛

[سناعيس]

عبدالعزيز العقيدي
صح لسانك
قصيدة رائعه ومعبره
لاهنت وبيض الله وجهك

تحياتي

[حي الضمير]

ياسلام عليك شاعرنا الرائع العقيدي
ابدعت وامتعت بهذه القصيده العذبه
والف صح لساااااانك يامميز

[الخنساء]

--------------------------------------------------------------------------------

صح لسانك اخي الشاعر عبد العزيز
لاهان را سك قصيدة رائعه
سلمت وسلم شعرك
دمت بخير