يالله يامحيي العظام الي هشيمه

[نجم الإبداع]

(يالله يامحيي العضام الي هشيمه=تقطع الراس الذي مافيه شيمه)
ويل حالي وين راح اهل الحشيمه =والعلوم علوم وابصر لي جهاله
شعب تونس ثار والريس تركهم=شد من داره عقب ماهو ملكهم
مير تاهو والعوايق في سككهم=راح زين العابدين الوضع هاله
ثم ثارت مصر فالاقصر وبنها=ثورة الاحرار لاحبت وطنها
مير ماعند العرب تدفع ثمنها=كل مصري صار مايطعم عياله
وانتهى في ليبيا المشهد وغنى=وانتهى بالطاغيه قتل وتعنى
شر قتله بشر القاتل ودنى=والامور اليوم ماهي في سهاله
في بلاد الشام بشار اطلق ايده=يقتل الشعب الذي لازم يبيده
لو معه فالناس له حكمه رشيده=كان قمنا معه وارثينا لحاله
واليمن ثارت على صالح مدنها=في تعز والا عدن شفنا وكنها
جو ليا صنعا وصالح ممتهنها=مايفيده واسطه والا رساله
العرب راحو وطي والوقت شاهد=باينه ضيعاتهم بين المشاهد
والجزيره ماتظن على المشاهد=كل عربي ماعرفنا ويش حاله
يالله احفظ ديننا واحفظ وطنا=وانشر العدل الذي يصلح زمنا
واحم من كيد العدا يالله ملكنا=قايد الاسلام رجلْ ينتخى له

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[نجم الإبداع]

المشاركة الأصلية كتبت بواسطة الطائر المهاجر

جزل ومبدع
صح لسانك
ولاهان راسك
تحيتي واحترامي

ارحب يابو عبدالله

صح بدنك وجزيل الشكر لمرورك

والابداع هو مرورك


لاعدمتك

[جهاد الشعلان]

صح لسانك وعلا شانك

اخوي فلاح ابن منشار

كتبت فأبدعت

تقبل مروري

[نجم الإبداع]

المشاركة الأصلية كتبت بواسطة جهاد الشعلان

صح لسانك وعلا شانك

اخوي فلاح ابن منشار

كتبت فأبدعت

تقبل مروري

صح بدنك ياجهاد

ويشرفي مرورك

لاعدمتك

[عبدالعزيز العمار]

صح لساااانك يافلاح

رائع وجزل في كل حالاتك

تحياتي لك

[فارس القوافي]

الله الله يابو محمد

هذا هو الحال

صح لسانك

لاهنت

يعطيك العافية

دمت بخير

[داعي الشوق]

يا سلام يا سلام

وصح لسانك يا نجمنا المبدع

طرق رائع و المعنى جزل

لاهنت يا بو محمد

وصح لسانك مدد

[روح الشعر]

صح فكرك يافلاح

جزله من راس جزل

ودي وتقديري

[ساير الرماحي]

صح لسانك

ودمت بخير

تحياتي