يا حمود هاك العلم

[ماجد الزيد]

بمناسبة زيارتي تلبية ٍ لدعوة بني العم خوالد حائل
واقول

سلام منّي فايح ٍ بازرق العود=ومبهر ٍ من دم قلبي بدلّه
صبيت لي فنجال يغني عن شدود=حماسة الهبسي طبيعة من الله
يا حمود هاك العلم يا حمود يا حمود=الطيب والناموس انتم هلن له
يا معرّب الجدّين يا راعي الجود=يالسّيف ابو حدّين خطو الاهلّه
سلّم على الضاري ابو سبعة فهود =القرم ابو ضاري ومن ثم قل له
ما بغيركم نقْصٍ ولكن بكم زود=يا اخوان شمّا يالنّجوم المدلّه
زانت آجا وسلمى بكم شيخة الخود=حايل بكم يا قرومها مستهلّه
كبار البيوت اهل السّطر مِنَّع الذّود=اهل البطر ريح المطر حين هلّه
ما ينبنى بيت العرب دون عامود=وانتم عمود البيت كل ٍ يدلّه
منسل امير الحرب من خالد العود=الله على ارقاب النماريد سلّه
جدّي وجدّك ليث قايد له أسود=وحنّا عياله وارثينن محلّه
ربعي بني خالد كما قلت يا حمود=ونا فتى هَبس ٍ فلا احيد لله
جيش ٍ عرمرم لا على الجوّ بارود=والي ربط حبل الوفا ما يفله
ما اقول من عند الحديثة للاخدود=تحت السّماء بايّات أرض ٍ تقله
لولا الله وثم الخوالد فلا آسود= والخالدي دمّي فدن له فدن له
حنّا هل الطولات والضّد مقرود=وحنّا هل الحيزا هل الطّيب جلّه
شدنا الدّول حدها مثل شامخ الطود=يعني اكتفاء ذاتي على خير ملّه
في كل ريع شهود .قصر ٍ ومشهود=والا الفخر من دون الاشهاد قِلّه
وفخر ٍ بلا وصل ٍ للارحام منقود=ووصل ٍ بلا دوم العلاقات . عِلّه
الله فتح باب ٍ له اعوام موصود=وصار الشّمل شمل ٍ وهو كان ثُلّه
هبّت هبايب هَبْس هبّت تقل نود=هبايب ٍ شالت عن القلب غلِّه
يا حمود انا للطيب قيفاني جنود=وإلا على كبد الردي تقول مله
وجهه بياض ومخفي ٍ قلبه السّود=وانتم بياض وجيه وقلوب كلّه
ضلعان حايل تطلع اصغر من الدود=لو جيت اقارنها بكم .مستقله
صغيركم قلبه من حجار بالود=وكبيركم فيه المراجل جبلّه
عمّ السلام وخصّ لي زيد1 يا حمود=فرز الوغى كاني اعرْف الشّبله
ال هبس به له حاجة ٍ يوم موعود=يركي على كبود المعادين ذلِه
به طنخة ٍ تطبخ وبه زايد الفود=لو ينطح الكايد وكاد إن يشلّه
درب العلا ماهو رياحين و ورود=عسّرن على اللي همّته ما تشلّه
ارقى بها يا زيد . وطلوعك سنود=وتحيزم بصبر الجمال المكلّه
ون بان لك من صاحبك شيٍّ يكود=سامح وخلّه , والليالي تدلّه
وعليك بالثّنتين والعالم رقود=اتل الكتاب وصل والدّمع هِلّه
احد ٍ يموت اسمه مع النّاس موجود!=واحد فنى وطاريه شمس ٍ مطله
خلّد نباك وخلّ ربعك بك ترود=و من دونهم يا زيد عمرك وتلّه
راس ٍ بلا ربع ٍ . من الوقت مضهود=والقوم ون زادوا بلا راس . قله
خذها من اللي بين ضلعيه صاهود=جبري وحوش الجنّ له مستذله
دزّيتها يا زيد مع ازرق العود=والقاف بعد سنين ودّي تحلّه
وصلاة ربّي عدّ ماذعذع النود=وطيبٍ بْكم يا زيد انتم هلن له

[الطائر المهاجر]

والنعم بك ياخالي ومن مدحته
صح لسانك وقلبك
ولا هنت
تحياتي

[عبدالعزيز البليهد]

عزالله كفو يابن العم ونعم بني خالد دون قصور بباقي القبايل

صح لسانك واعتلا شانك ولاهنت

[ماجد الزيد]

المشاركة الأصلية كتبت بواسطة الطائر المهاجر

والنعم بك ياخالي ومن مدحته
صح لسانك وقلبك
ولا هنت
تحياتي

صح الله بدنك اخي الفاضل الطائر المهاجر
واشكرك على مرورك الراقي والكريم
احترامي وتقديري

[ماجد الزيد]

ابن العم عبد العزيز البليهد
صح الله بدنك ولا عليك زود
احترامي وتقديري

[عمر ال شيبي]

صح لسانك لا هنت

والنعم منك ومن ربعك

[ماجد الزيد]

المشاركة الأصلية كتبت بواسطة عمر ال شيبي

صح لسانك لا هنت

والنعم منك ومن ربعك

ماعليك زود وصح الله بدنك اخي الفاضل
احترامي وتقديري

[حي الضمير]

وافي وصح لسانك ياجزل وكفو ويستاهلون
قصيده رائعه يابوحمد
وابدعت وعوااايدك بارك الله فيك
أجزل التحايا والاحترام
ـــــــــــــــــــــــــــــ

[منيع]

والنعم فيكم وتستاهلون المدح وانتم اهلا له
تحياتي لكم

[صعبة المنال]

صح لسانك

عقبال ما تسوى فينى مدح

صعووووووووووب