![]() |
رقم المشاركة : 1 | ||
|
تركي بن فوزان بن ماضي من المزاريع من بني عمرو بن تميم امير روضة سدير
ياعبيد أنا ليحان صدري حطيمي=تكسرت ويلاه من زور الأفكار
تهشمت والجاش جابه جحيمي=وعزتاه بأقصى الضماير شعل نار درعي غرامي والولع ياعليمي=والوجد ياعلام غمقات الاسرار ترحم غريم ٍ ذاق فرقا نديمي=وأعذر وجاك من الحيا قد الاقدار كلن تعوض عن نديمه نديمي=ووافق وعانق من مها عين الابكار والا فانا مابرح قلبي يهيمي=في وادي احبابه بوادي الهزى حار حل الفراق وقربو نقل هيمي=وشالوا على مثل اليعاسيب الاكوار يوم نوى الفرقا وهب النسيمي=ومال عن دفيه ثوب الملس طار راعي المشجر والخضر والبريمي=يطويه طي ٍ فيه صف الدنق دار عليه بيبان الضماير هشيمي=وصبي عيني من مقاسا العنا غار يامن عفر الوجنات مايستقيمي=مااقوى على فراقك معشار معشار يوم عسى لي بالنجايب تقيمي=اشرب من شفاك المراهيف الابكار هذا وسيوف الدهر يانديمي=مير أنت ودعي على كتم الاسرار وكم فرقت سلمى بشمل سليمي=وكم لايمت شمل ٍ تشتت بالاقطار وماعرجو للمدعي والحطيمي=الا وتسليمي عد طاير ٍ طار |
||
![]() |
![]() |
رقم المشاركة : 2 | ||
|
قم يابن نازي سو ماينعش البال= امن الكيف سوه كنت راعي شطاره
كيف لنا ماهوب كيف ٍ للانذال =اللي عن الجودا يهاب الخساره قم سو لي ياريف الاجناب فنجال =ادغث لها الطبخه وكيف بهاره اشقر حمره نبذل من شانه المال =وان جنب المسبوع دربه يساره وان جو مناكيف على السير وعجال= عقب التعب يبغون منا وقاره نقلط لهم ميسورنا مع رخا البال = يوم ولد اللاش غلس بداره واليوم من صرف الدهر جاب الاهوال = ماقال قبلي قوي العباره خف القنا والثقل جا مثل ماقال = خف الرديف وراعي الكور داره واستنعج السرحان والبس ماسال = عن ذيب غدرا ً مايهاب السماره في دارنا نطفي كدا المر بزلال = يكود برد الما يجلي حراره دارن بها يعجز عن الحق عيال = واللاش فيها شيد اليوم كاره دارن لعل الوسم عن جالها زال = وصيف ماحقت عليها خطاره الحيف مايصبر على الحيف رجال = من كان في راسه زعانف سطاره ان كان ماتنحي المعادي على الجال = ويشرب حفيف الدار منا مراره |
||
![]() |
![]() |
رقم المشاركة : 3 | ||
|
الا يالورق صابتك المصايب =عناك اللوم مني والملامه
على اليوم جريت السبايب = سقيت المبتلي زايد غرامه نحيف الحال منه القلب لايب = تعرض من شقاها مستهامه جلبت الغي غالتك النوايب= بصوت الجشا مزع الحامه ذكرت ايام لاماي الحبايب = وساعات انقضت من عوامه مع الشبان احباب ٍ لبايب = شفا قلبي شقاه وهي سقامه الى ماهب لي نسيم الهبايب = بشم الطيب منهن من شمامه صحا المفجوع واضحا الكيف طايب = بنفح المسك صاحي من مدامه كما شم القميص بريح غايب = جلا حزن الحزين من اشمامه فلا واغل قلب بات ذايب = دنيف ٍ من هوى زاهي وشامه عليه الوصف من قب عرايب = بردف وانعزاله رخ دامه وحد عنه نور الشمس غايب = حيا من نور وجهه وابتسامه انوح الى الضحا والدمع رايب = واراعي بالمسامن المسامن ابتلامه لعل اولى عسا مع كل سايب = نسيم الريح يوصل لي سلامه فلا كثر التجلد لي بثايب = وصبر مس حالي بانخاطمه على ماقال من قال الغرايب = فهيم ٍ بالمعاني وافتهامه خلي البال ما لاح النوايب = سوات الفيل نفعه في عظامه مريح ٍ من هوا سمر النوايب = نفاذ زاد همه مع سقامه مع الخفرات داما له ربايب = يغرس اغروس نوم ٍ في منامه كثير اللوم حزات النشايب = صحيب بالرخا رخو احزامه فلا بالقول قول ٍ له بصايب = ولا فعل جرا له في تمامه نشا ما ناس يوم ٍ له وجايب = ولا رام المعالي باهتمامه فذا وقت ٍ ترا منه العجايب = علام الوقت ياذا قلل علامه بوصف اهل المعالي والرتايب = و رفع اجناس ناس من خدامه فعاش وناش حضي الزرايب = ( و الليث ان غاب مسفوه ٍ كلامه ) وصار الحر في ذا الجيل سايب = وطير البوجلي غالي مسامه وراعي مد جزلات الوهايب = يجازى عن مدبحه بالملامه ولايعتاش من للزور هايب = ولامن لاتمعنا بالنمامه فلا تامن قريب ٍ من قرايب = ولا تهمل عدو ٍ عن غشامه ولو صافا فله خيل جنايب = تشد سروجها تثنا ولامه عليك إن شاف له ولم ٍ وثايب = تشوف العجها يوم ٍ كتامه فشم واشهر عن ادناس المعايب = ولاق الموج بحر ٍ بالتطامه بحد السيف ترس العز دايب = الى غابت مفاهيم الفهامه وعز النفس في دفع النجايب = بشوحات الزيازي والمهامه وصيور الفنا للروح صايب = ومجروعك على ماقيل خامه |
||
![]() |
![]() |
رقم المشاركة : 4 | ||
|
ألذ ما جاني و يطرب له البال = عصرية ٍ سقو ٍ كلما نــريد
نقرة هدبها ثار عج ٍ وزلزال = و ابها أغتنى الغوار هو و المراويد حرش علينا الشيخ كساب الانفال = و الزم على كل قروم ٍ و اجاويد كفوا عن الغارة و طاعوا لما قال = و خدر امهار كنها في ضحى العيد و ارخص لنا نرخص على كل مشوال = قب يشع اذيالها بالتسانيد وردن اخو نورة على الزمل ليا جال = بقطيع خيل ٍ مثل كدر المعاويد و يفضي لنا والخيل عجلات الانفال = وهو مديح ٍ يكثر عليه التواريد زعج ٍ له في حومة الطرد مرسال = عود يرد البغض زود ٍ بتنكيد ماناشد عن مود ٍ ولو سال = و لاسايل ٍ عن مبغض ٍ عقب اخو زيد مودع حصان الروم ولو كان صهال = يرتع بلاحبل ٍ يشده و لاقيد الخيل تبغي يابن سعدون خيال = ماقط يسند لين ما تكرر البيد ولو هي عليكم مايكره البال = في خيلكم مركاض مابه تسانيد |
||
![]() |
![]() |
رقم المشاركة : 5 | ||
|
يا الله يا مجـري تصـاريـف الافـلاك=محصي قضى ما بلقضـا صار بالكـون
حـلال عسـرات الدواهـي والاشبـاك=اللي دعاه لكشـف الاهـوال ذا النـون وانجيت يوسف من دواهيـم الاشـراك=سامـع دبيـب النمـل عـلام مكنـون محيي ورق ميت الشجـر وأنت فكـاك=عاقات من عاقه طريـحٍ ضحى الكـون يامن على أمـره حل الافـلاك بعـلاك=يجري الفلـك بامـره و لمره يطيعـون ترحـم غريـمٍ ظيـم بسهـام الادراك=هذا تمـام الحـول من طـاح مكيـون ما سال حيٍّ أو شكـى الحـال لسـواك=أنت الـذي أمـرك ابكـافٍ مع النـون ارحـم ورم مـن رام بالريـم شـرواك=وصلك وصل من له وليـفٍ ومرهـون قلبي بصافي الولـف خصك و صافـاك=قـل ليـه ما لمولـع القلـب تصفـون يا زين لا تشمـت بي اعداي و اعـداك=اعرف و شف كني من الولف مسجـون نحيـف حـال فـارق الحـي فريـاك=اليــوم ودي بالنجايـب تـريضـون آخــذ ثمـانٍ مـن ثمـانٍ بحسنــاك=مجروح روحٍ عن فنا الـروح تسقـون راحٍ رحيــقٍّ ذيـب يا زيـن بشفـاك=من كالوالـو سـال صافـي ومعيـون أقفـا و قـال صخيـف الاقـدام ليّـاك=تمشي حذا ناسٍ على السيـر يمشـون له قلـت ينعشنـي الى شفـت رؤيـاك=وابصرت لك زاهـر احجاجٍ كما النون ما و الـذي بالزيـن خصـك و سـواك=و ادعانِ يا عذب النبـا فيـك مفتـون إنك على بالـي إلى أوحيـت طريـاك=خوف الوشات و جملـة الناس يـدرون ساعة نظرتك بالنظـر و ابتسـم فـاك=وحبك بلاجي مهجـة الروح مقـرون لا قيـس لا غيـلان لا فايـح الـراك=مثلي و لا مثلي مـع الحـي مشجـون لــولاك تاعدنـي و لـولاك لـولاك=أدرا ورود النفس ما جيـت محـزون زرتك و لو دونـك صناديـد الاتـراك=بمخظـبٍّ لـه وافـي الحـد مسنـون مع ذا وخف لي من تعاريـض مـولاك=واعرف تراي اليوم هايـم ومشطـون ما بالحشـا مني برسـم القلـم جـاك=وآرجي عسى يا سِيد الاشباب تـاوون للي قضـى صبـره والانجاب بحراك=عصـر الثلاثـا ذاك و انتـم تشـدون يوم أنت عني صنـت واضح ثنايـاك=و من الجفـا سنيـت لي غير مسنـون يا قلب ما تصغـي لعذلي و أنا أنهـاك=عن عين شبـانٍ بالانشـاب يرمـون بالحـاظ فيها الطرف وإن صار به ذاك=لا حـي لا ميت مع المِيــت مدفون و إن دار لك دالوب الأفكار ما ادعـاك=ظيم الهوى رامو مع الظيـم يصفـون دهـش دنيـف مـن هواهـم تعنـاك=داعي الغرام أشقـاك و اغراك مظنون |
||
![]() |
![]() |
رقم المشاركة : 6 | ||
|
يا بوحمد ا شكي لك اليـوم شكـوى=قلبي غدا بـه قايـد الريـم منهـوب
كنه من اقصا مهجة الـروح يلـوى=ليَ الشريط بثومـة الكـاز مجـذوب قلبـي بلـى واعزتـالـي ببـلـوى=في حب رعبوب من البيض مصبوب سكـران دجـران الـى ماتخـلـوى=له مبسم ٍ كن الشهد فيـه مـذ يـوب يافرز ربعه شف ترى القلـب يلـوى=ياليث يامدى ضحا الكـون ماجـوب غرو ٍ بعينيـه ادعـا القلـب دلـوى=كنـه بيـر بيـن مايـح ٍ وجـاذوب رماني رميـة مولـم ٍ لـي تعلـوى=علي ساق سهـوم عنيـه خرعـوب قبله على المشروب والزاد انا اشـوى=واليوم واعـزا لحالـي وانـا الـوب من كاعبٍ حكيه كمـا الـدر حلـوى=عينه تشادي بالمها عيـن الأشبـوب هايـفٍ غدنـان ٍ ريـان ٍ يـسـوى=عندي ثلاث ميـه وستيـن رعبـوب خده كما القنديل مـن سحـر نـزوى=به شع واشعل مشعل النور مشبـوب قلت آه من قلبٍ على الزيـن يكـوى=ياعزتـاه ويـلاه ياحـول مسلـوب قلبي خذه منـي علـى غيـر ملـوى=ليته يـرده نـاب الارادف واتـوب لو هو جلس مقـدار منـه اتقهـوى=واسقان من كـاس لولـوه مسكـوب راح اشفتيـن فيـه للقلـب سـلـوى=يبرا شقا قلب على الزيـن مشعـوب افهـم وقـاك الله ياطيـر شـلـوى=مضمون سر قوم على الطرس مكتوب من لب مجروح غريب جـد اهـوى=مسكين من ليات الاشبـاب منعـوب ختم القوافـي ماحـدا خيـل علـوى=مال ٍ على وضح النقا جيب مسكـوب اورى طيـر بالجناحـيـن اهــوى=للمصطفى من صلاةٍ علـى الـذوب |
||
![]() |
![]() |
رقم المشاركة : 7 | ||
|
بانت موارى الـدار ورسـوم الأطـلال=وانهل هامـي دمـع الأحـداق هطالـي
وحييت ربـع الـدار مـن دون حيهـا=ولا جاب ربع الدار عـن ذاك بسؤالـي فقلـت يالربـع الـذي كـان قـبـل ذا=لنـا فيـك مربـاع عـذى ومنـزالـي أرى البيت من تصريف الأقدار غيـرك=تبدلـت وأبديـت الجفـا لـي والأبـدال ولا جابني فيها سـوى اليـوم والصـدا=وداعي غراب البين بالبيـن ينعـى لـي على مامضى من صرف الأيام وانقضى=برفع الوضيع ووضعه أشبـال الأشبـال عصر دعا بفـراق مـن راق ناظـري=عليـه بـاه القلـب ســاه ومهتـالـي اروم انتهـاض دون سلمـى بصارمـي=وأدري العواقب من وصف صيرم الجالي لـولاه مـا غـرد شقـى البيـن بيننـا=وعز من سعى لي على فرقـاه ماسالـى |
||
![]() |
![]() |
رقم المشاركة : 8 | ||
|
لعـاد لـي زنـد وحـد إلـى سـطـا=على الضـد وطـى الحـد لـه زالـي
ولـي عصبـة تعـزا لعمـرو ومنـذر=هلا الشيمة العليا فنا الضـد و المالـي مزاريـع مـا دانـوا لحـى مخـافـة=ولا دنـوا بأفعالهـم حـد الأفعـالـي لهم يلتجى المنيـوب وإن نيـب نايـب=ومنهم رجا المعسور مدات الأجزالـي أهل ردة كبرى ضحى الكون بالوغـى=إلى عاد مايفنى رقـاب علـى التالـي ولا مـات منـا خيرنـا لـه الفـنـى=على الفراش الأبين الأقفي و الأقبالـي و موت على شرث الراهيـف مفخـر=إلى ذل من لفح الوغى كـل سردالـي بالنور سل الله ياعيد والشمس و الضحى=والأعراف و آيات المعارج و الأنفالـي يرد لي بلطفه من الكيـف مـا مضـى=عنـا وجنـح الليـل معتكـر الأذيالـي و الا لهـا بالكـاف و النـون يـامـر=عليهـا بغربـان و خسـف و زلزالـي |
||
![]() |
![]() |
رقم المشاركة : 9 | ||
|
أرسل من أولاد المنيعـي رفاقـه = أدلو عليها قبـل ينضـاح نورهـا مناعير الورى من ذرا روس لابـة = تميمية من هـم حماهـا وسورهـا على رأي من منهم ولو شمر العدى = عن ساق حرب زارها في قصورها ومنها ...
جنـد مـن أولاد المنيعـي لكنهـم = أسود الشرى طلق الأيادي ذكورهـا كم أنصفو بأرض العدى طالب الندى = ربع على الشدات تافـى شبورهـا وياما رموا لأضدادهم مـن رميـة = وكم جددوا لأبطـال حـي قبورهـا وياما جلا عنـا مـن الهـم فعلهـم = إذا الغير هذار بـلا نـو هذورهـا صبوا لنـا فـي كـل فـن حميـة = بها كسروا أنيـاب ذيـخ عقورهـا وكم أغضبوا في حقهم طالب الرضا = ولا ثمنوا قـواف دروب خفورهـا ومنها ...
أبو ناصر السامي إلى كل طوله = بعزم قطع همات الاعدا شرورها
يذود العدا بمرهف الحـد والقنـا = من الضد يعطى كل عين ذرورها |
||
![]() |
![]() |
رقم المشاركة : 10 | ||
|
اقسم بالله مهما كتبت كلمات شكر تعجز توفيك اخوى الطائر المهاجر حقيقه حقيقه حقيقه اوفيت بجميع الاقسام وجميع الشعراء واثريت المكتبه الادبيه وخصوصن المكتبه الشعبيه او النبطيه وبصراحه تامه الباحث ليس له غنى عن مشاركاتك الكريمه دمت بود |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 11 ( الأعضاء 0 والزوار 11) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ثوب زفافي مالبسته. | نجود | وسع صدرك | 15 | 16-12-2010 06:50 AM |
مفتاح النحو | مازن حجازي | مرآة الأدب العربي | 15 | 16-12-2010 06:50 AM |
مبروك بن ماضي مراقبا عاما للشعر | الطائر المهاجر | الصحافة والعلاقات العامه | 12 | 03-09-2007 04:18 AM |
هلا بالغالي تركي الماضي | الطائر المهاجر | قصر الفطاحلة | 6 | 06-01-2006 05:57 AM |