|
الشعر المنقول(خاص بالشعر النبطي) يشترط كتابة اسم صاحب القصيدة الصريح |
![]() |
|
أدوات الموضوع |
![]() |
رقم المشاركة : 1 | ||
|
السلام عليكم ورحمة الله وبركاته
البارح أدموعي علـى الخـد سايلـه=في ليلـة(ن) سـودا عليـه ومايلـه غديـت فيهـا والطـواري تخالطـت=والهـم راودنـي وثبـت رحايـلـه بسباب من خـان المحبـه وعهدهـا=لنـه تمـادى فـي غـلاه وفعايلـه خل(ن) رحل وأقفـا ولا ادري بيمتـه=والروح من فرقـاه بالحـزن هايلـه طاع العواذل والرجـا فيـه منقطـع=وهموم صدري صايلات(ن) وجايلـه حبل الموده عقـب فرقـاه مرتخـي=والقلب مقدر كيف أبوصـف غلايلـه لمواصلـه كـل الطرايـق تعـقـدت=وحبال وصله مدري اشلـون قايلـه من زود حرماني ومن زود ضيقتـي=نظمت مـن بحـر الهلالـي جزايلـه أنقا علـى جـزال المعانـي مثايلـي=وأترك كثير الهـرج وأبـدع قلايلـه تاخذني الذكرى ومن حـر ضامـري=أروح معهـا والعيـون أمتسايـلـه يلوح بـرق الشـوق لاخيّـم الدجـا=وارعا مخايل برق شوقـه واخايلـه فرقاه هم(ن) كل يـوم(ن) وأسايـره=هم(ن) ثقيل(ن) في خوا الجاش شايله هـم الفقيـر اللـي تزايـد مطالبـه=يبغى الفـرج لكـن ماهـوب طايلـه حالـه سقيـم(ن) والليالـي تعانـده=والوقت ماجـازاه بأحسـن جمايلـه ترمي به الدنيا على اطـراف جالهـا=واحزان ما يخفـي بجوفـه تعايلـه ولا ضاقت الدنيا واذا ضاق خاطـري=اطالـع الصـوره واراعـي مثايلـه اعانـق الاحـزان وانثـر مدامعـي=وامسح دموع العين واقرى رسايلـه دواي شوفه يا عـرب حـي شوفتـه=قانـع ولـو فينـي تـردت عمايلـه ودامه على هجـره ملـزَم ومقتنـع=يجزاه رب(ن) كامـلات(ن) خصايلـه مافيه ضيق الا يجـي بعـده الفـرج=لـو الفـرج مـالاح بـارق دلايلـه وسلامتكم اخوكم الشاعر:عبدالرحمن العازمي |
||
![]() |
![]() |
رقم المشاركة : 2 | ||
|
هلا بك |
||
![]() |
![]() |
رقم المشاركة : 3 | ||
|
حسب كلامك فأنت عمرك 16 |
||
![]() |
![]() |
رقم المشاركة : 4 | ||
|
|
||
![]() |
![]() |
رقم المشاركة : 5 | ||
|
اختياااااااااااااااار رائع |
||
![]() |
![]() |
رقم المشاركة : 6 | ||
|
احسنت |
||
![]() |
![]() |
رقم المشاركة : 7 | ||
|
شكراً لك |
||
![]() |
![]() |
رقم المشاركة : 8 | ||
|
شكرا لك |
||
![]() |
![]() |
رقم المشاركة : 9 | ||
|
لك الشكر |
||
![]() |
![]() |
رقم المشاركة : 10 | ||
|
جزاك الله خيراً |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|