لحظه حزينه المصافحه الثانيه

[تركي الجسّاس]

وافق تاريخ اليوم لحظة حزينه=وتجددت كل المعانات ياخل
روحك ترى وسط الحنايا رهينه=تركي وياما من جفاكم تحمّل
أحيان أقول الوقت هذا غبينه=ياقلب فكّر بالليالي تأمل
وأحيان أقول الحظ غايب ياوينه=حظي زمان(ن)ماعليّا تجمّل
ودموع عيني ياحياتي سجينه=خوفي من الأنذال تفرح تناقل
كنت البحروأنتي بوسطي سفينه=والموج حبّك يسعد القلب لا أقبل
رمشك عذابي والعيون الحسينه=كنك قمر ونجوم ربي تساأل
عن هالجمال الفذ طفله يازينه=حتى المرايه غايره وتململ
أنتي شتاتي والهموم الدفينه=وأنتي حروفي في وصوفك تفاأل
يازهرة الروض الخضروالمدينه=ياعودموز(ن)مايلن وسط مشتل
من شوفتك حتى العقول الرزينه=لو شافتك يابنت لابد تختل

شكرا ًللجمع

[نجم الإبداع]

ارحب ياتركي

صح لسانك على المصافحه الجميله

عاطفيه راقيه

لاهنت

فائق الاحترام

[الأموره]

الجســــاس ،،

يا هلا بك في الفطاحله ،،

و يا زين هالمنطوق ،،

صح لسانك و دام نبضك ،،

الف شكر لك ،،

دمت برعاية الخالق ،،

[ســُلاف]

تركي
قصيدة رائعة حزن وحب وجفاء وخوف وحذر من العذال وغزل
صح لسانك

[محمد العسكر]

أنتـي شتاتـي والهـمـوم الدفيـنـه
وأنتي حروفي في وصوفك تفاأل


الله الله

انسيابيه وروعه

لابعد حد


صح لسانك

مدد

[منيع]

ابيات رائعه
بارك الله فيك
تحياتي

[الطائر المهاجر]

هلا بك اخي الكريم
القصيدة طيبة وتكون أطيب
لو حافظت في قافيتها الأخيرة
على مل .
صح لسانك ولاهان راسك
تحياتي الطيبة
ملاحظه : الرجو تزويدنا ببعض
روابط قصائدك في المنتديات الشعرية المعروفه

[عذب القوافي]

صح لسانك وجاد بيانك

تقديري .

[مبروك بن ماضي]

الأخ العزيز الشاعر / تركي الجسّاس
صح لسانك وجاد بيانك
قصيدة جزله من رأس جزل
دمت بخير حال
أخوك / بن ماضي

[الخنساء]

صح لسانك اخي الشاعر تركي

لاهان راسك قصيدة رااائعة
سلمت وسلم شعرك
دمت بخير