محاوره لعدد من الفطاحلة بتاريخ 14/2/1430

[سناعيس]

هذه المحاوره لكل من الشاعر محمد بن عمار والشاعر فلاح بن منشار
وشارك بها بعض شعراء الفطاحلة

(محمد)لاطاب لك وقتك بانس ٍ وسمراء = ترى مقابيل الليالي يدورون
(فلاح)هلا هلا يابو عوينن حمراء=كنك خوي المرت والا ابن قريون
(محمد)انادم الفنجال في ضي قمرا = مع الجهام الا تخطّت على الهون
(فلاح) ياخوي هذي البنت تشبه لعفراء =باقولها والناس حولي يشوفون
(محمد)كيفي دلال وحمسة البن شقراء = تجلي العماس اللي به الراس مشحون
(فلاح)لاهيب لاسمراء ولاهيب صفراء = والظن ياخي من سلالات قارون
(محمد)الا اقبلت مثل الوضيحي تمدرا = بشعل العيون اللي بها الموت مدفون
(عالي مستواها)البيض نيتنا لو جلودنا سودا =مهايب طبوعنا مفاخر بلون
(فلاح)يالله تفرغ لي على القول صبرا=يوم العرب بالهرج قامو يخورون
(محمد)اتوه الا مرت بفكري تخطرا = مشاعري لاجت على البال يبكون
(فلاح) سلطان عذرا منك ياصاح عذرا = مثلك كريم ولابتك ناس يغزون
(محمد)ياويل منهو صابه السهم غدرا = لاصار من نظرة غرير ٍ ومزيون
(فلاح) حاسب على قلبك لراجع وعذراء = لاتمنحه ياصاح للي يقنون
(محمد) اصبح بوسط القلب يسهج ويبرى = شيء ٍ به العشاق دايم يموتون
(فلاح)خلك على قردك ولاتخالف الراء= وش لك بحرباء او عقيرب يمنون
(محمد)تنسف جديل ٍ ذوّب القلب واغرا = ظلالها اللي بجنبها وقف مفتون
(فلاح)خلك كما صاحبك ماعشق بتراء = ولا يعرْف الا طريق ابن خلدون
(محمد) قامت تثنّى لي بردف ٍ وخصرا = وبين الشفايف يشبه الدر مكنون
(سناعيس)الله على اللي ماتباع ولا تشرى=كل البني هم عندها مايساوون
(محمد) ماقد رأت عيني بهالكون غذرا = تشبه لها في الوصف والحسن واللون
(فلاح)لاتدعي بعيون زرقاء وشقراء = وانا اعرفك ياعود بالسمر مجنون
(سناعيس)يامحمد العمار ياشوق عذرا=فيها عباد الله دايم يحلمون
(محمد)لاطاب لك وقتك بانس ٍ وسمرا = ترى مقابيل الليالي يدورون
(فلاح) في خنشليله شفتها العصر تقراء = تقول بن عمار بالجن مسكون
(محمد) اغنم مادام القلب والنفس خضراء = وباكر بعلم الغيب ماهو بمضمون
(سناعيس)الله على اللي مبسمه فيه جمرا=فيه الزمرد والبرد دوم مكنون
(محمد)اسهر ورب البيت عن حالي ادرى = لكثرت هواجيس ٍ بها الفكر مشطون
(فلاح)قلبي معك ياصاحبي دون غدراء = والحب لاصاب الفتى فاض مكنون
(محمد)فلااح طرت اليوم من وسط وكرا = وضيعت ميزان العقل صرت مجنون
(سناعيس)لاتتعب أفكارك حذاريك حذرا=يابن الكرام اللي بحايل لهم كون
(سناعيس)ياقيس ابن عمار ياليت تدرا=قلب تعلق في ضلوعك ومجنون
(فلاح)الظن صابه ياسناعيس سحراء = وده لدكتور الهوى ينحش النون
(سناعيس)الطامي اللي طامر كم طمرا=يامحمد العمار علمه وشلون
(محمد) اللي براسه سحر انته به ادرى = وياكثر منهم جاهزينن ويكوون
(فلاح)ماشلت لاهل الطيب ياصاحب اصراء= ماغير نمزح نطرب الي يمرون
(سناعيس)فلاح تكفى لاتزيده بكدرا = خله يروح وجروح قلبه يخفون
(محمد)عساك سالم يالخوي وحالك احرى = للطيب يامنشار واللي يدوجون
(فلاح)ياصاحبي ماجبت علمن تحدرا = ماقلت غير الشعر والكل ممنون
(سناعيس) ياسر لفاكم يالفطاحل بسطرا=فيه السلام ولابكم من يردون
(الطامي)ياساري بالليل والليل غدرا = حذرا تحوشك يافتى لبسة اجنون
(محمد)اهلا هلا باللي بدا فيه هدرا = مثل البعير اللي بصندوق مشحون
(فلاح)لاتامن العقرب ولو جاك ندرا= يلدغك من ذيله وراسه في الكون
(منصور)فلاح اشبك تسوق نفسك لقبرا =حاسب على نفسك وتمشى على الهون
(محمد)لا فيك لا نهي ٍ ولا فيك امرا = مثل الورر دايم بهالجحر مدفون
(فلاح)الكاهن الي سافر اليوم مصرا= وشبه تلوى مثل ثعبان مرهون
(منصور)خلك مثل سنعوس ماشي بقمرا = وهو يحسب انه في ظلامٍ بلا عيون
(سناعيس) الله صرتو كنكم طيور سدرا=كل على كيفه يوصوص ومغبون
(فلاح)سيفي يريح كل من قام هذراء= على النقاء والعلم مافيه مضنون
(محمد)يبي علومك والتنبي بقدرا = وتعطيه من لفايفك غرشة دهون
(فلاح)لاتحسب ان البحر يشبهه نهراء = هذا سناعيس الوفاء يابو غليون
(منصور)وهذاك ابن عمار اينوش سمرا = متكرننن التكرون يشبه لشمغون
(محمد)اقول رح للهند وجبك كم بقرا = وخل العلامه باللهب بين لعيون
(الاحمري)وشهو الحكي قولولنا صار سرا=بكتم سراير بس ودي تقولون
(منصور)لأنت لاسنعوس والدرب عبرا = وابن عمار اللي له اعلوم بالعون
(سناعيس) يالاحمري حياك وارجوك صبرا=وشوف الفطاحل حربهم حرب بفنون
(فلاح)صب الذهب والحقه ياصاح قِطراء = وارسل صواريخك على كل فرعون
(منصور)والاحمري والخالدي والمسمرا = بالشات جاوونا وتشوف العيون
(الاحمري)الله يعين احروبنا ماتسرا=دامي اشوف امراجم(ن) بين لعيون
(منصور)هاذي حركات ومقاديم جمرا = جعلت على صهيون وابليس ملعون
(سناعيس) الطامي اللي كنه كويس تمرا = مايضره اللاحوس ايضا ولا عيون
(الاحمري)ماشوف ماسمع وفعلوها بجهرا=الحرب شعلل ظنتي مايدارون
(محمد)انا دخيل الله من كل هذرا = ذا علم ابن منشار وانتم تشوفون
(الطامي)انا انتهيت المعذره حوش عذرا = ابي المنام ياعساكم تسلمون
(فلاح)يالاحمري حياك بدلال صفراء = مهيله بالهيل والتمر بالجون
(الاحمري)منشار علمه طيب العلم صبرا=يصبر على جور الحكي لو تقولون
(سناعيس) بعض الحروب اللي تجي دوم قسرا=ماتنتهي وتدوم حتى يموتون
(محمد)ماغير ابن منشار بالعلم ادرا = وانا حشا مالي بديرتكم ضعون
(الاحمري)يامرحبابك صاحبي وانت أدرى=متربع(ن) وسط الحشى لو يعادون
(فلاح)جرد حسامك وانتفر مثل نمراء = ولاتدس الراس ياكل شيهون
(سناعيس)سيفه بغمده ماطلع او تجرا=ياليتهم ياخوي بعجرا يهوشون
(الاحمري)خذني يمينك وبشر بظرب كسرى=غصب(ن) عليهم لديننا له يسلمون

[عالي مستواها]

عاليه)البيـض نيتنـا لـو جلودنـا ســودا
مهـايـب طبوعـنـا مـفـاخـر بـلــون

سناعيس هذا احلى بيت هههههههههههههههههههههههههههههه هههاااي

<<بيت واحد وفرحانه به <<ياملحي وانا شاعره ككككككككككك <<اوماشاعره ماصدقت

صح لسا111111111111111111111111111 111نكم جميع ابدعتوا سلمتوا

يعطيكم العافيه جميع

[الطامي]

عهههههههههههههههههههههههه
سناعيس
شكرا لك على النقل
صح السان الجميع ولاهانو

[داعي الشوق]

صح لسان كل شاعر

أبدعتوا وما قصرتوا

و صح لسانك يا عالي

بيت واحد سوّا الهوايل ،

لعبتي فيهم لعب ما شاء الله عليك

يعطيك العافية

،،،،،،،،،،،،،،،،،،

[محمد عبدالله البدراني]

يا سلمووووووووووووووووووووووو



تحيتي وتقديري للفطاحله

وكل الشكر ياسناعيس للنقل وصحة الالسن

[ياسر عبدالرحمن الخالدي]

صح السنتهم جميعاً

جميعهم مبدعين بارك الله فيهم,,

يعطيك العافية ياسناعيس

[رفيعة الشان]

الله
رااائعين
صح الله السنتكم جميـــعاً

ولاااهنتوا

محااوره جميله

صح السان الشعراااء

عالي مستوااها وش هالزين

صخ الساانك

ولا هنتم

موج القصيد

[نجم الإبداع]

شكرا ابو محمد على النقل الجميل

لاهنت

تحياتي لك ولكل

من مر و سيمر

من هنا

[حي الضمير]

ابدعتم وامتعنم ياشعار
وصح السنتكم