(مــلامــحـي)

[راشد فاروع]

السلام عليكم ورحمة الله وبركاته

من الجديد اتمنى لها القبول

أشتاق للنسناس لا هب من شرق=واقول يا حيّه ويا حي داره
اسج معه شوي واجاوب الورق=في لحظةٍ تسوى كنوز التجاره
صدري شبيه البحر وامواجه الزرق=له بالفرح غاره وللحزن غاره
يا مدوّرٍ فرق العبي والعبي برق=من خامة الجوده تبين النداره
نبذه من الاسرار عن مبدع الطرق=الشعر واقع والمواجع بهاره
ما كنّه إلا لاهب القيض في عرق=مع زود نسناسه تزيد الحراره
ما حن رعاّده ولا لاح به برق=تم السنه مارشَت السحب داره
وانا الذي همي حرق مهجتي حرق=وانا الذي فيني عن الغير شاره
ملامحي من بيني وبينها فرق=صمتي عذاب وضحكتي مستعاره
اسرق من هموم الدهر بسمتي سرق=رغم الالم عندي عزوم وصطاره
الطبع يلحق مثل مايلحق العرق=وأنا وسيع بطان طبع ونماره
الوقت لو عن ما نبي سكر الطرق=يبقى شموخ أهل الوفاء والصداره
عشّاقة العليا عدا البوق والدرق=من لاقتدى فيهم حياته خساره

[العصفور]

شكرا لإمتاعنا بإبداعك
لاهنت
تحياتي

[حوريه]

كتبت فأبدعت واجزلت
صح لسانكـ ولاهـنـتـ
تقديريلكـ

[بيدي رسنها]

صح لسانك مليون ومايسدون .. ويسلم عمرك وحرفك ... ولا هنت شاعرنا .. تحياتي .

[بيدي رسنها]

صح لسانك مليون ومايسدون .. وسلم عمرك وحرفك .. ولا هنت شاعرنا .. تحياتي .

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
ودام ابداعك
تحيتي ومودتي

[داعي الشوق]

صح لساااااااااانك مليوون يا راشد

و الحمد لله على السلامه

حضورك جميل و رائع

نتمنى أن لا ينقطع

و يا هلا بك من جديد

و لاهنت

**********

[عبدالإله]

صح السانك و نبضك و أناملك وكُلك

و لاعدمناك

@@@@@@@@

[عطر الياسمين]

صح لسانك ملايين
قصيده رائعه وابدعت
بارك الله فيك

[عبير الورد]

الله الله
صح لسااااااانك ملايين
سلمت وسلم منطوقك الجزل
ربي يعطيك العافية