أغـصـان الـقـريـحـة

[محمد بن عمار]

السلام عليكم
من جديدي مشاركة عسى أن تكون
بالمستوى المأمول لذوائقكم ..

أغـصـان الـقـريـحـة

تعالي ، هـزيّ أغصـان القريحة ، هـزّة ٍ بالهـون = خذي مـالاق مـن جـزل المعانـي وإتركـي الباقـي
تعالي أشعلي ، شمـع الأمـل ، يالطايـر، الميمـون = تعالـي إنثـري ، نفـح العبـيـر ، بعـطـرك الـراقـي
تعالي فكيّ أصفاد الأسـر، مـن كاحـل المسجـون = وروفي ، بحالـه اللي ينتظـر ، إذنـك بالإطـلاقـي
عقب صدّك وهجرك ، ما بقى للـزاد طعـم ولـون = وصارالشرب من زود الشقـاء ، ماهـوب ينذاقـي
سمان الهرج ، تطربني وأنا ، من قبلها ، محزون = ويهيضنـي جزيـل القـاف يشعـل نـار الأشـواقـي
تواقد في محيط الصدر ، لاعـج شوقـي المكنـون = على روض الحشاء نار ٍ سناهـا يحـرق إحراقـي
وفاحت دلة المعنى ، على جمـر الحشـا المدفـون = ومن عذق السنيـن أقـدع مـرار الصبـر، ترياقـي
ومسباح القصايد ، ناظمه من فكـري المشطـون = علـى الإبهـام والشاهـد ، أقلـب ، جملـة أوراقــي
تصافحنـي تصاريـف الـزمـان بكفـهـا المـدهـون = خضاب ٍ نصفه اهموم ٍ ونصفـه ضيـق وارهاقـي
أهوجس في العنـود ، اللـي تثنـى بقدهـا المـوزون = وحبل الفكر، قيّـد هاجسـي ،، وأحكـم بـه وثاقـي
ذكـرت الوردتيـن اللي عـلـى وجناتـهـا يـزهـون = وبياض اللولو اللي في الثنايا ، يشـرق إشراقـي
تهـزّع ، بالمشـي ، مـع نابيـات ٍ خلفهـا يشكـون = كما هزعت غضيض الورد في ظـل ٍّ على ساقـي
متى مالـدّت ، بطـرف ٍ حجاجـه بالشعـر مقـرون = يفزالقلب ، مـن شوقـه ، مـع النظـرات ، خفاقـي
على سـدرة غديـر الوجـد تبكـي الفاختـه بلحـون = يجاوب نوحها الخفاق بأقصـى روض الأعماقـي
أهـدّي ثايـر العبـرة ، وعيـنـي تنـثـر، المـخـزون = وبين الرمش والوجنة ، أكفكف ، نـزف الآماقـي
وأنا لولا الحياء ، وأخشى يقولون الفتـى مجنـون = وحـق اللي بنى ، مـن فـوق خلقـه سبـع ٍ طباقـي
لأجهّزعـدة الغـازي ، وأصبّـح ديـرة المضنـون = وأطفـيّ ، من لهـيـب ًٍ ، داخــل الـوجـدان حـرّاقـي
ويحلى النوم من عقب اللقاء بالصاحب المزيون = ونفتـحٍ للوصـل صفـحـة ، عـلـى عـهـد ٍ وميثـاقـي
مدام الموت سنة ، وش حدا بعض العرب يبكون = إذا جـت سكرتـه وإلتـف سـاق ٍ مـن علـى ساقـي
يطيب الوقت لك ساعة وساعات ٍ يضيـق الكـون = ومهمـا ، طـالـت الأيــام ، فيـهـا سـاعـة فـراقـي

مودتي وتقديري
محمد بن عمار

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[منيع]

ياسلام عليك ياابن عمار
متألق ومبدع دائما
تحياتي

[داعي الشوق]

ساعة افراقي ..

الله الله يا بن عمار

تناثر الابداع في حروف المفردات

و اجزلت في معناها و مغناها يا مبدع

صح لسانك و كلك

ولاهنت

[عبدالله الشويمان]

صح السانك واعتلا شانك يا مبدع

محمد انت مبدع وتستاهل البيرق.

لا هنت لا هنت

[الطامي]

بن عمار
صح السانك
ابداع متجدد وعودا حميدا
لاهنت

[عبدالإله]

صح السانك الوف
مع ارق التحايا

[بنت النور]

صح لسانك مليون مايكفون
يعطيك العافيه بن عمار
لاهنت
تحياتي لـ سموك

[طوفـــان]

يطيب الوقت لك ساعة وساعات ٍ يضيق الكـون
ومهما ، طالت الأيـام ، فيها ساعـة فـراقـي

هالله هالله ، أحسنت وأبدعت والجزالة كل الجزالة في منطوقكـ

لك كل الشكر والتحايا والتقدير أخي العزيز الشاعر محمد بن عمار


..

[محمد بن عمار]

المشاركة الأصلية كتبت بواسطة الطائر المهاجر

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

ارحب / ابو عبد اللههلا وغلا بحضورك
وتألق مرورك لاعدمتك
تحيتي وتقديري