أبي لي من ينادمني

[ابو أنس]

للتواصل مع قلوبكم النقيه وذوائقكم الراقيه
بكل الود...
أضع هذا النص طامعا في المشاركة من قراءتكم التي استشعرها وأطرب لها واتذوق مداخلاتكم

أبي لي من ينادمني على فنجان بن وكيف=على ربوة رمل في ليلة ن بيضا وقمّاري
ابنثر ما لجا في الصدر وهمومي بلاتكليف=لعله وان تعب سمعه أناجي نجمي الساري
ألاياهمي الساكن ورا ماصرت مثل الضيف=تحط وترتحل ما ابيك لاخلي ولاجاري
غرابيل الزمان ان جت تجي يمّي بلاتسويف=على غفله تداهمني بلاميعاد واجباري
لها موج ن تقول.. جبال ـ وا..بعد البلد والسيف=ولاني ماهر وسبّاح مير الله هو الذاري
الا ياليت لي قلبن صليبن ما هترى ورهيف=مطنش ماحسب حسبه ولاهو بالعرب داري
ينام وينتبه ماهمّه المدخال والتصريف=ولاهمّه شراع الجيلبوت اوكَسْرة الصاري
سألتك يالهموم ان كان لك خيره تخلي الحيف=ترا قسمك علينا جور منك الظلم لي جاري
وانا ماقلت ياهمي ابيك تمر مر الطيف=ولكن صر خفيف الظل دارك ماهي بداري
الى جانا الشتا قلنا يقولون الفرج في الصيف=يمر الصيف وتمر السنين وطيفك يباري
تعبت اليوم ياهمي ولاعاد اقدر التحريف=على وجهي بدت كل الوسوم وما اقدر اداري
فرح في العدو وعاذلي لومه غدا تعنيف=وانا ياهم من ثقلك قعدت آكسر عباري
وانا ما احب كثر البلبله ولااعشق التزييف=ولااحب ان أجي في موطن ن ويقل مقداري
احب الناس واطرب للصغير وللضعيف آحيف=ولالي برج واشوف البشر من فوق واماري

أبو أنس...14/04/1431هـ

[داعي الشوق]

صح لسااااااااانك يا بو أنس

شاعر مبدع و رائع و مميز ،،

و القصيدة جدا جميلة

كـ حضورك الجميل دائما

رغم التأثير الجسدي و النفسي

و الله يبعد الغرابيل و يصلح الحال يا بو أنس


وصح لساااااانك مدد

تقديري لك مع التحية

****************

[عبدالعزيز البليهد]

صح لسانك واعتلا شانك

ويشرفنا منادمة شراوك

ولي عوده لقراءة متأنيه ورد يستحق ان يكون لمثل هذا النص

[عبدالعزيز العمار]

الفاضل ابوانس

صح لسانك وجاد بيانك..

نص راقي وجميل من شاعر متمكن وجزل...

تقبل مروري وخالص تحياتي وتقديري

[عمر ال شيبي]

الين انها طيبه من طيب

صح لسانك مليون

يا زين اللي يسامرك على القهوه
لا هنت
تقديري وودي

[سعيد الصاعدي]

الاخ الفاضل /ابو انس
صح لسانك لاهنت
نص شعري راقي جدااااا
من شاعر متمكن
تسلم ويسلم فكرك يالغالي
تحياتي
أخــــوك
س / ص

[الـزلـزال]

ابو انس

نص مميز ومتقن

من شاعر متمكن ورائع في كل مايقدمه

دائمآ تمتعنا بنصوصك المميزه الراقيه

أسعدني الأبحار بين حروف هذا النص الشامخ

دمت بخير ودام لنا طيب حرفك وروعته

صح لسانك ملايين ملايين

ولك فائق تحياتي وتقديري

[حي الضمير]

سلامة قلبك من كل هم يابوأنس
والمسلم النقي التقي شرواك هو من يوطن النفس على ماتكره

ومدد صح لسانك الحقيقة ابدعت ابدعت الوصف
ولاغرابه شاعر كبير ومتمكن
لاخلا ولاعدم يامميز

[عيدالماجد]

ابو انس صح لسانك ملايين امتعتنا بهذه الرائعه

[منيع]

احساس شاعر مرهف ترجمة حروفه لواعج مايختلج قلبه الكبير
شكرا لك ولحرفك المميز
تحياتي