نواف خذها ونا المرجوج

[ماجد الزيد]

نواف خذها ونا المرجوج =مجنون شعْر ٍ ونا خالك
نصايح ٍ سقتهن لك هُوج=من تجربه في زّمن حالك
اقشر علي من بني ياجوج=ياعلّ فالي مهو فالك
سجت الجزيرة وربّي سوج=من قصر كاف لبني مالك
والا العرب نصفهم معووج=وربْعِن بهم يعوج ظلالك
سْلومهم كلها بهروج=ياعل ماهي على بالك
الحرِّ يكاكي مع الفروج=سكّر اذانيك اشوالك
وسموتهم لعبة ٍ للموج=لوح ٍ على اليمِّ متْهالك
كذّابهم قايد ٍ للفوج=لا زاد ماله على مالك
والصّادق مْكذّبن محجوج=كانه فقير ٍ ومتعالك
لو كان فيهم ليدّك حوج=غنّوا لليلاك موالك
ون شحّت ارضك من المنتوج=الاّ يبخْسون مكيالك
على البقر مسرجين سْروج=وانت الاصيلات منزالك
لا لا يغرّك جمال الرّوج=قبح الحقيقة بيغتالك
ومدام ولاّ زمان الغوج =خلّ القبيلة على عيالك
ايّاك عن رفقة ٍ بنعوج=ذيب ٍ ولا هيب تصفالك
ياذيب رج بالطويلة روج=حتّى ولو كنت بلحالك
لا تستمع للحكي الممجوج=قل ايْهن وْكمّل اعمالك
الكون لاجلك وسيع فجوج=دج به مدام انـْه ِ يحلالك
خل البهم نازلين رتوج=ودْعس على الغيم بنعالك
خلّك مثل حالتي مرجوج=وطْعج ونا خالك عقالك

[حي الضمير]

نص مميز مليء بالحكم والابهار من شاعر القمه
وابدعت يابوحمد وعوااااايدك
وحفظ الله نواف لعين ترجيه

[رفيعة الشان]

الله
قصيدة جميلة ووافيه
ومليئة بالحكم من خبرة شااعرنا فالحياة
صح الله لساانك مليون مليوون

ولاااااهنت

[نجم الإبداع]

الله الله

صح لسانك ياماجد

هجينيه راقيه

ابدعت ياشاعر

لاهنت

تقبل مروري

وودي

ماجد الزيد

صح صح صح الساانك

قصيده راائعه

ونصايح هادفه

لا هنت

موج القصيد

[الأموره]

الله يالزيد

صح لسانك ملايين

سلمت و سلم فكرك

الف شكر لك

دمت برعاية الخالق

[حوريه]

الشااعر مااااجد

نص راااقي وجميل


بدعت وابدعت


دمت وداام حرفك

.

[محمد عبدالله البدراني]

خلك مثل حالتي مرجووووووج

واطعج وانا خالك عقالك



الله الله


يابو حمد وينننننننننننننننننك ياشيخ



مليون صح السانك

وعلا شانك


حضوووووور مبهج ومشررررف دوما ولايضاها


لله درررررررررررك

لله دررررررررررررك




تحيتي وتقديري

[عايض ابوشيبه]

صح لساااانك

اخوي ماجد

مبدع في جميع الحالات

[الطامي]

الزيد
هذا هو الزيد الخالدي
كما عودنا على الطلة المباركه بالطرح الرائع
صح السانك لافض فوك
شكرا لك والله يخليك له ويخليه لك
وتعيشون بعزة دائما