|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
عا صفات الياس
الديار اللي بها دمعي ذرف=واعسى صافي قمرها للخسوف
في ديار الجوف دمعي مايجف=كيف اطيق العيش في ارض ٍ جحوف آه ياابو سعود أنا نجمي خسف=أظلمت دنياي من جور الصروف وين أيام السعادة والترف=يوم لي دنياي تصفق بالكفوف تبكي عيوني على عهد ٍ سلف=قبل ماتقسى على قلبي الظروف كل شي ٍ في حياتي اختلف=آه من دهر ٍ بحالي ما يروف ياهلي وان كان فيكم لي عطف=أنقذوني قبل صيحات الحتوف من هموم قاتله فوق الوصف=وعاتيات اليأس في قلبي تلوف في ديار الجوف كفي فوق كف=مثل كهل ٍ طاح ما يقوى الوقوف في أمان الله يا أهل الشرف=عند ديار الجوف لي قلب ٍ عزوف وادعوني لو سمحتوا في لطف=في وداع ٍ ما أعتقد يقفاه شوف واللقاء خلوه في حكم الصدف=يكفي المشتاق أوراق الظروف لو أعيش العمر في ظلمة كهف=وسط صمت الليل في وحشة وخوف ولا أعيش بذل مكسور الطرف=أسقي بدمع الأسى زرع الشفوف ياعجوز الخير ما عنك خلف=لكن الشكوى إلى رب الألوف مالي بدنياي غيرك أي شف=كم عليك النفس مليانة حسوف وكم تمنيت ألبسك صوغ وتحف=وآخذك للحج لو فوق الكتوف وأبني لك فوق القمر عرش وغرف=ومن خيوط الشمس أغز لك شفوف ما أحسب أني أنعثر بالمنتصف=وتقطع الأقدار حظي بالسيوف لين من جور الزمن قلبي تلف=أجرع الأمرار أشكال وصنوف صرت بعد العز في موقف ضعف = كل ما أحكي كلمة أسبقها بأووف لو تحقق لي من الدنيا هدف=البكا والهم والضيق مخلوف ياعجوز الخير لو حظي وقف=كان مابعت الحرير بثوب صوف ياعجوز الخير قلبي يعترف=بالقصور بواجب الأم الرؤوف ياعجوز الخير قلبي يرتجف=ولا أحد ٍ غيرك بأحوالي عروف لكن الدنيا بها عدل وملف = والحظيظ الي بها مثل الخروف ياعجوز الخير في أقصى ظرف=عجعجت في مهجتي ريح ٍ عصوف خايف أن العقل مني ينخطف=والبشر خلفي يطقون الدفوف |
||
![]() |
![]() |
رقم المشاركة : 2 | ||
|
نص بديع من شاعر رائع |
||
![]() |
![]() |
رقم المشاركة : 3 | ||
|
فـي أمـان الله يـا أهـل الشـرف |
||
![]() |
![]() |
رقم المشاركة : 4 | ||
|
اكثر من رائعة |
||
![]() |
![]() |
رقم المشاركة : 5 | ||
|
صح لسانك مليون المليون |
||
![]() |
![]() |
رقم المشاركة : 6 | ||
|
|
||
![]() |
![]() |
رقم المشاركة : 7 | |||
|
اقتباس:
صح بدنك لاهنت طال عمرك بس ترى كل هذا الاسى كان زمان ونحمد الله على الستر والصحه والعاغيه احترامي لك |
|||
![]() |
![]() |
رقم المشاركة : 8 | ||
|
منيع شكرا وماعليك زود وياهلا فيك |
||
![]() |
![]() |
رقم المشاركة : 9 | ||
|
صح بدنك اخوي عمر وماعليك زود تحياتي لك |
||
![]() |
![]() |
رقم المشاركة : 10 | ||
|
صح لسانك وقلبك |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
القطاع الخاص أناني ومشاريعه الاجتماعية ل | عابر67 | المواضيع المنقوله | 15 | 16-12-2010 06:50 AM |