مابه جديدٍ كود شَحّ الصّيد والبيد

[عبدالله الدخيل]

بسم الله الرحمن الرحيم

السلام عليكم ورحمة الله وبركاته

قصيده للتواصل ، أتمنى أن ترتقي لذائقتكم

أسندتها إلى أخ عزيز يلقّب بـ ( مقدور ) حينما سألني عن حالتي وعن جديد المقانيص .

( مابه جديدٍ كود شَحّ الصّيد والبيد )

مابه جديدٍ كود شَحّ الصّيد والبيد=مامن علوم اسوقها لك يا رفيقي
آنا عيوني من طغا اللوعه مراميد=وهْجوس فكري طافحٍ كنّه غريقي
من أوّل نْشوف الفضا زاهي مراديد=مع روضةٍ من فوقها غيمٍ يويقي
غيمٍ مديّم في طواريق المواريد=يضْفي على لون الورق لمْع البريقي
هذاك بسْتانٍ حَوَى خضْر العناقيد=إنْشمّ برْحابه شَذَا مسْك ورحيقي
وهذاك جُولٍ عابرٍ دونه بواريد=أصْغرْ مداريجه يكفّي له فريقي
إنْسج ونسْمع مع سَنَا الفجري تغاريد=إتْـقودهنّ امْ سـالم بْصـوتٍ طليقي
نسْري مع اللي سلْوته قنص المباعيد=ياكمّ في غرْب الجزيره من طريقي
طرْد الهوى يَبْغي مَزانيدٍ صنَاديد=ما تلْحَق اللومه مطالـيقٍ تشيقي
واليوم يا مقدور طاحنّ الجلاميد=زود المعَاصي والشّفَاحه به تعيقي
الله يخَارِجْنا ويجْعلْنا مساعيد=في شوفة الأمْطار معْ غصْنٍ وريقي
هذي علومي يا خَويْ قومٍ أجاويد=مامن جـديـدٍ ينْـحكَـابه يا رفيقي

وســلامـتكم جميعـاً

أخوكـم \ إبن دخيل

[النوفل]

شكرا لإمتاعنا بإبداعك
لاهنت
تحياتي

[عبدالله الدخيل]

المشاركة الأصلية كتبت بواسطة النوفل

شكرا لإمتاعنا بإبداعك
لاهنت
تحياتي

العفو الله لا يهينك

شكرا على الاشراقه الأولى

واقبل

ودي واحترامي

[حوريه]

ما شاءالله اثاريك صياد يا عبدالله
لاتنسى حق الفطاحله من الصيد لا تقول شح الصيد
ابدعت صح قلبك جميله ورائعه
لك مني كل التقدير

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[عبدالله الدخيل]

المشاركة الأصلية كتبت بواسطة حوريه

ما شاءالله اثاريك صياد يا عبدالله
لاتنسى حق الفطاحله من الصيد لا تقول شح الصيد
ابدعت صح قلبك جميله ورائعه
لك مني كل التقدير

الله يجزاك خير

مرحبا فيك يا سعادة النائبه حوريه

والفطاحله يستاهلون كل خير كل فياضهم راويه من الجزل والطيب

صح بدنك ولا هنتي

واقبلي

ودي واحترامي

[عبدالله الدخيل]

المشاركة الأصلية كتبت بواسطة الطائر المهاجر

صح لسانك واعتلى شأنك
نص رائع من شاعر رائع
لاهنت
دمت بود

صح بدنك ولا هنت يابو عبدالله

الروعه في مرورك

لا خلا ولا عدم

واقبل

ودي واحترامي

[الطامي]

الدخيل
صح الاسنك ملايين
رائعة جدا
لاهنت اخي

[حي الضمير]

صح لساااااااااااانك
قصيده رائعه وابدعت
سلمت يمناك

[الـزلـزال]

عبدالله الدخيل

نص مميز ومتقن وجميل
من شاعر متميز ورائع في كل حالاته
أبدعت وأمتعت شاعرنا رعاك الله
دمت ودام لنا حرفك
صح لسانك ملايين ملايين
ولك فائق تحياتي وتقديري