اهداء لسيف قحطان

[النداويه]

قصيده اهداء للمبدع سيف بن محمد بن معيض بن طفله ال سلمان القحطاني

بمناسبة فوزه بالمركز الول باعذب الاصوات للاشبال

نومستنا ياسيف ياسيف الظفر =من عادة الحرقان يالسيف الشطير
انشهد انك فاللقا محزم ظهر=فالموقف الغصاب والوضع الخطير
وانشهد انك للعدو نشبة نحر=وانشهد انك للخوي درع ستير
خذيت من ربعك نواميس وسطر=واعطيتهم مايملك الرجل الكبير
كل قحطاني" كسب عز وفخر=يومك رفعت الحمل عن ظهر البعير
من ظهر عود يلبس الجوخ الحمر=هو فزعة المضيوم والشخص الفقير
كفو لها لاقيل في وقته ندر=واللي ندر في وقتنا سمي امير
ومعيض بن طفله عسى عمره دهر=ستر الهنوف وعزوة الشيخ الضرير
اليا احتمى الميقاف مع ربعه هدر=شويرهم لاحتاجت الدعوى شوير
ياسيف من دونك ومن قدمك بحر=اللي يمينه تعطي الشيء الكثير
حر على المرقاب فالقمه شهر =النادر اللي للعرب وجه وسفير
من فوق ربعه كنه الغصن الخضر=مزبانهم ظله ليا اشتد الهجير
ياسيف بيت بانقشه على حجر=واللي مثل شرواك للمعنى خبير
اللي يبي العليا توطا له جمر=في ماضي الازمان والوقت الاخير

[داعي الشوق]

صح لسانك يالنداويه

و الحمدلله على السلامه

و مبرووك فوز سيف

و يستاهل القصيدة و المركز الاول

و يا هلا بك من جديد

و صح لسانك

[منيع]

ابيات ولااروع
ومبروك الفوز ويستاهل من قيلت فيه والنعم بقحطان
شكرا لكم
تحياتي

[عبدالمحسن الرحمه]

مبروك فوزه والله يسعده بالدنيا والآخرة وصح الله السانك

[الراقي]

صح لســـانك ودام هتانك على هالطرق
نتطلع جديدك وتقبلي فائق الاحترام

[عبدالإله]

صح لسانك
و سلمت يمناك ودام نزف قلمك
سجــلي إعجــابي بما سطرتي

ولله درك

[الـزلـزال]

النداويه

نص رائع وجميل
من شاعره رائعه في كل ماتقدمه
أبدعتي وأمتعتي رعاك الله

صح لسانك ملايين ملايين
ولك فائق تحياتي وتقديري

[نجم الإبداع]

الله الله

جزل

ياسلام عليك اخت النداويه

صح لسانك ويستاهل سيف

ماشاء الله

ابدعتي

تقبلي مروري

وتقديري

[احمد الكثيري]

نص رائع وجميل
بارك الله فيك

[سناعيس]

يستاهل
والف نعم بالجميع
وصح لسانك ولله درك
بالتأكيد انه وفاء لمن يستحقه
لاهنتي
تحياتي