ردا على قصيدة ( الى أهل حايل )

[سناعيس]

هذه قصيدة أبونس قال فيها

حيّـاك ياحايـل جعـل بـرّك السيـل=جـوّك نفـاه وبـك رجـال كريميـن
لقيـت فـي حايـل زحول(ن)حلاحيـل=شيمتهم الفزعـه للاقصـى والادنيـن
لو جيت في بر(ن) خلا قفـر ومحيـل=تلقى الربيع بوجه ناس(ن) بشوشيـن
من طيب اهل حايل هل البـن والهيـل=ومن حبهم للطيـب ومعانـق الزيـن
ودك تونّـى عندهـم لـو بتعطـيـل=تلقى النشامى واهل فزعـه وذربيـن
انت استرح وابشر ولـك زود تبجيـل=ياحلو لهجتهم الى انـدب تبـي شيـن
عسى الروايح كـل مـا عـدّت تميـل=تهـل ماهـا فـي ريـاض وبساتيـن
من رايح(ن) فـالعصر سحب وهماليل=والى ادلهم الليـل فالضعـف ضعفيـن
دافق رفوق(ن) وما يجي بـه بهاذيـل=يملا الفياض ويبهـج القلـب والعيـن
تلقـى بـه المربـاع نبتـه تشاكيـل=فيه النفل والروض فـل(ن) ويسميـن
وتلقـي الحـلال وتابعتـه المطافيـل=ومن حولهم راعي يسـوق البعاريـن
ومجالس(ن) فيها رجـال(ن) مشاكيـل=سن(ن) ضحوك بقولة ارحب مضريـن
والنـار مشبوبـه عليهـا المعامـيـل=من كل صنف(ن) والمقهوي على الدين
سلام يـادار(ن) بهـا الطيـب ماكيـل=هم يشربونـه مـع لبنهـم صغيريـن

وهذا ردي المتواضع
والذي أرجو أن يرقى الى مستوى ماقاله سعد
والى مستوى أذواقكم الراقيه
وأتأسف لأخي أبو أنس على التأخير في الرد وذلك لظروف خارجه عن الاراده

يالله يالمعبود يامولج الليل=يامن تصير بقدرتك ثاني اثنين
انك تعدل مابديته عن الميل=وتغفرلي الزلات ياوالي الدين
وللي بقوله يرفع الراس ويشيل=وكفة ردانا رجحه بالموازين
أبو أنس خيال والطيب له خيل=حاز المراجل من أوانه وهالحين
بابه مشرع والمجالس مداهيل=ماقول قول فلان والا سباحين
وعن قولة أقلط مايتونا وبه حيل=ولاتنثني رجله عن وصل الأقصين
وعلى الصنايا عادته يذبح الحيل=ولا يعترف بالصين ويا الملامين
ويقهوي ضيوفه بصفر المعاميل=ماهو من اللي حطهن بالكراتين
وله بالشعر والطيب والبن والهيل=حب(ن) قديم الين باكر وبعدين
نجمه تعلّى بالسماء كنه سهيل=ويعانق الجزلات مثل الشياهين
ياجعل دربه يوم وجه تساهيل=يومه نحر سلمى واجا والشعيبين
حايل كساها الورد مثل الأكاليل=وزاد بشرفها طلتك يوم الأثنين
يوم(ن) لفيتو مع رجال حلاحيل=مصدر فخرنا وكل أبوهم عزيزين
وعن القصور المعذره والبهاذيل=وترى لكم بأرقابنا باقي الدين
وصلاة ربي عد ماسيل السيل=على النبي وعداد ورد البساتين

وسلامتكم
سناعيس 17/1/1427هـ

[الطائر المهاجر]

صح لسانك على هالرد الطيب
من راس طيب ، واهل حايل طيبين
ويستاهلون الطيب
لاهنت يالغالي
تحياتي الطيبة

[الشريف الشرّقي]

كفيت ووفيت اخوي سناعيس .. وعز الله ان حايل واهلها يستاهلون المدح .
صح لسانك ولسان أبو أنس .

اللـهـم .. صــلِّ .. وسـلـِّـم .. عـلـيــه ..

/


مـشـرفي .. الـ .. فـاضـل ..


سـنـاعـيـــس ..


صــدىً .. رائــــع ..


لـ .. صــوتٍ .. عــذْب !!


كـتـبـتَ ..


فـ .. أبـدعــت ...


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


يا .. رائــــع !!

..

[نجم الإبداع]

سناعيس
وفيت وكفيت يالذيب
صح لسانك ولسان سهيل
ياسلام على الصوت والصدى

تسلم قلوبكم

تحياتي واحترامي

[ابو أنس]

سناعيس....................

ألبستني خز وجواهر وش آشيل=وكسيتني ثوب الثنا والنياشين
وانا ترى ما قلت بدع وتماثيل=نزف المشاعر صغتها بس بيتين
في خاطري هرج اوعلوم وتهاويل=يضنها السامع وهي حق وِِيْقِيْن

أخي الفاضل
بقدر ما اطربتني كلماتك واسعدتني فقد اثقلت كاهلي بحمل ينوء به كتفي ولاأقوى على حمله
انا لم أذكرسوى بعض ما رأيته ولم ألبسهم غير ما اتشحوا به ورأيته ولم أنزلها الا تعبيرا وعرفانا لهم
لك من الشكر ما تستحق ومن التحايا ما يضاهي عبق كلماتك

[الخنساء]

صح لسانك اخوي الشاعر سناعيس قصيدة رااائعة
من شاعرقدير لاهنت ولاهانوا اهل حايل الغاليين
تحياتي لك ولاهل حايل

الشاعر سناعيس

الله الله صح لسانك انت وابوانس

قصيدة رائعة حقا ايها المبدع

لافض فوك

[ابو زياد]

الشاعر سناعيس الله عليك
وسلمت وسلموا اهل اجا وسلمى
جعل داركم للعمار
وصح لسانك ولسان ابو انس
الله يبيض وجيهكم كل يقول الحق عندي من الطيب

[نسناس الهوى]

صح لسانك ولسان استاذي ابو انس

اطربتونا يالمبدعين (: