(كلن في قلبه الشقى اللي له) يالثويني..!!

[رفيعة الشان]

بينما كنت ارتب الملفات القديمة بجهازي , وجدت هذه القصيدة
التي سبق وان نسختها لانها اعجبتني , كعادتي عندما تعجبني اي قصيده ,
وهي لشاعرنا الفاضل/ عبدالله الثويني
ولكني لبستها واخرجتها بشكل آخر
بمشاعري
بعد قرائتي لــ (مالوم قلبي كل ماحن غنّا)
وتراها غبطة يالثويني ماهيب حسد





قصيدة الثويني :

ياصاحبِـي كـل الخلايـق تمنٌـا=وانا تمنٌـا مثـل بـاق الخلايـق
إن جيت تسأل قلـت يابـو مهنٌـا=بقول لـك كـل العلـوم الوثايـق
البارحه قلبـي مـن الضيـم ونٌـا=محتار من زود البهاذيـل ضايـق
يومـه طرالـي زولهـا لا تدنٌـا=زادت على قلب المولٌـع حرايـق
هاجوس شعري با الحروف إستجنٌا=والنوم راح النوم والفكـر فايـق
قمٌت أستعير بوصفهـا كـل فنٌـا=لعلي أقدر وصفهـا بـا الحقايـق
الخصـر أسطوره،،ليامـن تثنٌـا=فيها الدلع ياخوك با الحيـل لايـق
لامن حكـت يـارب .. لا تمتحنٌـا=لقلوب من يتبع هوى الغيد بايـق
يالعنبـو دآره .. علينـا تجـنٌـا=يذبح ولا همٌه .. يسولف ورايـق
عـزٌ الله اللـي شافهـا ماتهـنٌـا=يسلك بهاجوسه جميـع الطرايـق
ياما إنتظرت وقلـت ليتـه يحنٌـا=من بعدهـا ياماحسبـت الدقايـق
طال إنتظاري والهـوى ماحضنٌـا=مابيننا حالت ضـروف وعوايـق
مالـوم قلبـي كـل ماحـن غنٌـا=يسوقني لمجـاذب القـاف سايـق
ليت العيون اللـي بسهمـه رمنٌـا=ترحم صويب(ن) للعنا صار ذايـق
أو ليت قلبـي فـي غرامـه تأنٌـا=ولا شال حمل(ن) فوق ماهو بطايق !!
أسلٌـي الخافـق عسـى يرجهنٌـا=من سبٌته .. كنٌي وهمٌـي رفايـق
ياخافقـي فـي ذكرهـا لا تعـنٌـا=دنياك هذي .. كل أبوهـا وفايـق

قصيدتي :

(مالـوم قلبـي كـل ماحـن غنٌـا=يسوقني لمجـاذب القـاف سايـق)
حرفٍ قريته قاله آبو مهنّا=وخلّف بصدري معركات وحرايق
تمنّ مادام الخلايق تمنا=وامنيّتك ماهيب مثل الخلايق
يوم ان حرفك يالثويني استجنّا=جنن حروفي واطلعنّ الحقايق
قامن بعدها بالهجوس ودعنّا=تبا العلوم اللي عليها وثايق
قلت ابشري لو كان يثّر حزَنّا=على سطورك لو غدا الكل رايق
مالوم قلبي كل ما حن ونّا=ويعيقني من فرحته ألف عايق
مابال خلق الله علينا تجنّا=ومابال بيبان المواصل غلايق
اللي قطع بالوصل واللي غبنّا=واللي يبا كسري بشتّى الطرايق
حاصرني الغربال منّا ومنّا=وصارن عيوني من دموعي غرايق
باصبر وبادعي الرب الافراج عنّا=اغراب واقع .. بس قرب ببطايق
عسى الولي يرفق علينا ويحنّا=ونرجع مثل الاول ربوع ورفايق
يا هاجسي من ذا الامر لا تعنّا=دنياك هذي كل ابوها وفايق
وقل الثويني دام تشعر تمنا=وآنا اتمنّا .. بس غير الخلايق

[الطائر المهاجر]

مجاراة رائعه
صح لسانك واعتلى شأنك
لاهنتي
تقديري واحترامي

[مبروك بن ماضي]

مجاراه رائعة بروعة حضورك
صح لسانك ولسان ابومهنا
شاعرتنا القديرة / رفيعة الشان
دمتي بسمو يشبهك
تقبلي التحيات والاعجاب
أخوك / بن ماضي

[سناعيس]

شاعرتنا الرائعه رفيعة الشان
صح لسانك ولله درك
على هذه المجاراة الجزله والرائعه
الكل منكم جزل انتي والثويني
لاهنتوا جميعا

تحياتي

[مجدي صالح المبارك]

الشاعرة القديرة ( رفيعة الشان ) الله واكبر , صح لسانك وجاد بيانك صوت وصدى في قمة الروعة والجمال , يحير القارئ في المقارنة بينهما فكلاهما جزل يفيض يالإبداع والإمتاع , تقبلي مروري اختي الكريمة مع فائق التقدير .

[نجم الإبداع]

صح لسانك يارفيعه

مجاراه رائعه لشاعر رائع

صوت وصدى غير

لاهنتي

تقبلي مروري

وتقديري

[حوريه]

رفيعة الشان

مجارة رااائعه

صح لسانك واحساااسك

دمتِ...... ودااام حرفكِ

[سعيد مقبل الأكلبي]

ياسلام ياسلام
لاعجمتي يالشاعرة رفيعة الشان

[عذب القوافي]

رفيعة الشان

صح لسانك

نص جميل يعافيك ربي يالغالية

تقديري ,,,,,

[عبدالله مذكر العقيلي]

صوت وصدى جميلين

صحت السنتكم

والله لايهينكم

تحيتي