![]() |
رقم المشاركة : 1 | ||
|
العين لا من شافت الزين ترتاح = والقلب لا منّه عشق بان عيبه
ياما شجاعٍ كان للجيش نطاح= استسلم لعشقه على غير ريبه اعطاه اسرارٍ على اخوه ماباح = ولا حسّب لوقتٍ يغيّر حبيبه ياهاجسي والهم بالصدر ما انزاح= وش لك تزاورني بعد طول غيبه ما عاد تشفي لو ولا ليت لجراح= اسبابها قلبٍ بلاويه طيبه دش الهوى في ظنّته خوش سباح= لكن بحر العشق يجهل جذيبه حتى لقى نفسه غريقٍ بضحضاح= واللي رجا فزعته سرّ المصيبه في وقت صار الحب باليد مسباح= يلعب به اللي كل فكره بجيبه القلب مثل القفل والعشق مفتاح= فاخذ الحذر من قبل تدفع ضريبه يروح عمرك ما عرف طعم الافراح= بين الندم والياس يجني نصيبه لاتنخدع بالرعد والبرق لا لاح= اصبر الين السيل يجري شعيبه والسر ملكك دام بالقلب ماراح= ولا من ظهر ما لك على احدٍ طليبه |
||
![]() |
رقم المشاركة : 2 | ||
|
مشكور |
||
![]() |
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|