احفظ وصاتي

[انكسارات النخيل]

قد يكون للشعر دور اسمى من مجرد مقدرة الشاعر

على الكتابه...من هذا المنطلق اضع وصاتي المتواضعه لابني

بين ايديكم راجية من المولى ان يحفظ لكل من سيمر من هنا

حشاشة قلبه وفلذة كبده من كل شر.

غانم أنا بوصيك يابني من الحين=واحفظ وصاتي مثل حفظك صلاتك
احذر من انجاسٍ تحدك على الشين=والزم حدود الدين تضمن نجاتك
جنب مجالس من يعذرب مقفين=واجلس مع اللي يزيد لك بحسناتك
يابني ترى للناس حكم وموازين=خلك كريم الساس عالي ثباتك
اختار منهم ربعةٍ لك على الزين=تكفيك شر اللي يدمر حياتك
خلك حريصٍ ماتهزه شياطين=ترى الندم ماينفعك بغفلاتك
وان صار لك حقٍ ترى به قوانين=طالب بحقك دون ترفع عصاتك
لمهايطي مانال مدح السلاطين=لايخدعك بالصوت مادح عباتك
حافظ على عرضك وعرض المسلمين= شوفاتهم خلها بمنزل خواتك
هذي وصاتي وانت نسل الكريمين=واحفظ وصاتي مثل حفظك صلاتك

وسلامتكم

[إستبرق]

الشــآمخــة : إنكســآرآت النخـيـل ..



قصيــدة تنهـآل علينـآ بـأعذب العـوآطـف وأصدقهـآ ..


حفـظ الله إبنــكـِ مــن كـل مكــروه .. وأســأل الله أن يفــرحكـِ بـه دومــآ ..


لـلـه دركـِ آيتهـآ الـمتمــيـزة .. وكـمـ تسعدنـي مصـآفحـة أبيـآتـكـِ

[علي محمد العتيبي]

احذر من انجاسٍ تحدك على الشين

والزم حدود الدين تضمن نجاتك


انكسارات النخيل
ياسلام عليك
نصيحه قيّمه
ومعاني نبيله
ابدعتي فيما كتبتي
صح لسانك ملايين
والله يخلي لك ولدك



اعجابي واحترامي

انكسارات النخيل

ابيات رائعه ووافيه

صح لسانك على هالنص الهادف

والله يصلح ماعطى

لك الشكر والتحيه

[نجم الإبداع]

وصيه راقيه


صح لسانك اخت انكسارات

رساله ساميه هذه التي خطها قلمك

حفظ الله لكي غانم ومتعك به

لاهنتي

فائق الاحترام

[منيع]

ربي يحفظه لك
ابيات رائعه ومعبره
بارك الله فيك
تحياتي

[الصريح العتيبي]

الاخت الشاعر/انكسارات النخيل---------------------سلمها الله
ابيات جزله ووصيه قيّمه
اصلح الله لكي ذريتك
دمتي بهذا التالق والابداع
سجلي اعجابي وتقبلي مروري

[فهد الغنام]

نصيحة رائعة يأم غانم والله يخليه لك ويصلحه ...



صح لسانك ولا هنتي ..




تحياتي

[ابومياس]

صح لسانك\

اختي انكسارات النخيل

وبيض الله وجهك نص جميل وجزل

دمتي بخير

انكسارات النخيل

صح لسانك
ابيات جزله ونصيحه قيمه
تحياتي الطيبه