ماخاب رجل طير شلوى سنايده

[رفيعة الشان]

بمناسبة اليوم الوطني لبلادي العزيزة


دولة قطر

اهديها هذه الأبيات التي اتمنى أن توفّي

وان تصل لذائقتكم

علماً بأنها محاولة أولى على هذا البحر

حروفي تراقص و(اْ)تّغنّى بفخرها=فخرها وفخر اللي نثرها فرايده
وثمّ اجزَلَتْ فالقول والقول وافي=ومن عاد حاجه ما يخلي عوايده
وفي مدح من يستاهل المدح صيَّحَتْ=وثمّ (اْ)لبست ذالليل ازهى قلايده
حمد حامي الدولة وهو راعي الاوله=ولاخاب رجلٍ طير شلوى سنايده
وحنّا عوينٍ له بلينه وشدته=واليا من بنا الدولة فحنا عمايده
حكم دارنا الدرّه على نهج قاسم=الين اصبحت في كل الاقطار رايده
اقوله وانا بنته وبِذرةْ دولته= ولاني على ذالقول ياناس زايده

[صوت الإحساس]

كل لحظة وقطر واهلها بالف خير

صح صح صح لساااانك


وافيه لله درّك



وافر التقدير

[راجي الحاج]

صح لسانك وبنانك

وافيه من وافيه

تقبلي احترامي وتقديري

[مبروك بن ماضي]

اخي النبيلة الشاعرة / رفيعة الشان
صح لسانك مدد بلا عدد
ودمتي ودامت قطر اميراً وحكومةً وشعباً بعز وامن واستقرار
في عهد أمير البلاد المفدى الشيخ حمد بن خليفه آل ثاني حفظه الله
تقبلي تحياتي واحترامي الكبيرين،
أخوك / مبروك بن ماضي

[الصمت الثائر]

صح لساااااااانك مدد بلا عدد

ودمتي ودامت البحرين واهلها

لك ودي

[حوريه]

شاعرتنا القديره /رفيعة الشان
صح قلبك وكلك ....
رووووووووعه....
تستاهل قطر......
وكل عاام وقطر بألف خير.....
دمت بووووود

رفيعه الشاان

اخت عزيزه وشاعره مبدعه
شهادتي بك مجروحه لعظيم قدرك عندي

لكن اقولهاا مبدعه يا رفيعه

وكل سنه وبلادك وكل بلاد المسلمين
في عز وتمكين واستقرااااار

صح صح صح كلك وقولك يا غلااااي

اموااااج

[سناعيس]

الاخت الفاضله رفيعة الشان
صح لسانك ولله درك
وطنية رائعه وجزله
وكل عام وقطر حكومة وشعبا بألف خيرر
والله يديم عليكم نعمة الامن والامان


تحياتي

[الخنساء]

صح لسانك ولاهنت

ابيات جميلة وتستاهل

قطر واهلها

سلمتى ودمتى بخير

[زهرة اللوتس]

رفيعة الشان

سلمتي وسلم فكرك

جزلة من شاعرة متمكنة

لك مني

اطيب تحية