طرقت باب الهوى وابواب عديده

[الطائر المهاجر]

طرقت باب الهوى ابغى اتعرف عليه = لاقاني درب الغوى يضحك بسن الملاك
حسيت صدق النوى قلت انتظر واحتريه = طلّع بطاقة سوا اشحن ونا اركض وراك
الجيب خاوي ذوى ومنين لي اشتريه = وقلبي ولو ما ارتوى ما اظن فيه الحراك
قال الغوى به دوا للي فؤاده سفيه = وقلبك ولو انكوى عقلك يحدد سماك
********=
ومشيت ادور عروس فالعرس ماله شبيه= والقى خطابه مجوس قالت ترانا فداك
العرس يبغى فلوس وانته رجّالٍ نبيه = ضيعت رقم الجلوس هاته نلاقي غلاك
قلت العرس يالبسوس يبغى له رجلٍ نزيه= ماهوب مثل التيوس مابين هذي وذاك
قالت اجل لاتحوس يا عود لوك فقيه = ماعاد عندك تروس والعمر روّح وراك
********=
وطرقت باب الثراء اما يجي او اجيه = وافاتي ذيبٍ عوا قال الثراء ما يباك
خلك وفقرك سوى حتى ولو ما تبيه= كل امرئ وما اهتوى والفقر ظني هواك
قال الفقر بي دوا للي عرف يحتويه = اقنع بفكر ورؤا ترتاح مما شقاك
واطلب شديد القوى واللي كتب ترتضيه= فالمال كله غوى يخدعك حتى الهلاك
********=
وطرقت باب العلوم فتح لي حاضر يابيه= اشتر ترى ما يدوم الا العلم في بناك
شريت كيس مختوم من دون لكن وليه = يمكن به اصل نجوم قال النجم وش دهاك
من دون واوٍ دعوم او ظهر تسند عليه = حطه ورثّ الهدوم وارمه ودور فكاك
الوقت وقت الرخوم واللي عرف يحتويه= يسلك طريق العموم ماهو يسير بخطاك
********=
وقت النصب يالحبيب انفخ لريشك وتيه= طاووس منفوخ جيب والمظهر كله شياك
قسّط همر ولاّ جيب وانفخ على ذا وذيه = امير شكله لبيب شغل النصب والنماك
وقتٍ اشوفه عجيب من ذل له يرتهيه = ومن كان عاقل اريب اصبح مثار الشكاك
من دون فلسك غريب لو الأصل تنتخيه = ومبدا مشيته عريب يصير مصدر بلاك

[زهرة اللوتس]

الوقت وقت الرخوم واللي عرف يحتويه. . يسلك طريق العموم ماهو يسير بخطـاك


لله درك..ولا فض فوك
صح لسانك
تحية طيبه

[منيع]

ابيات اكثر من رائعة ومعبرة
ولك فلسفة خاصة لايجيدها غيرك
تحياتي لكم

[حرف وشعر]

خلك وفقرك سوى حتى ولو مـا تبيـهكل امرئ وما اهتوى والفقر ظني هواك
قال الفقر بي دوا للي عـرف يحتويـهاقنع بفكـر ورؤا ترتـاح ممـا شقـاك
واطلب شديد القوى واللي كتب ترتضيهفالمال كله غوى يخدعك حتـى الهـلاك
اوقفتني هذه الابيات


لله درك يالطائر مبدع حتي النخاع

[جهاد الشعلان]

الله الله

ابداااااااع يابوعبد الله

صح لسانك وسلم بنانك

لاهنت

تقبل مرووري

[عمر ال شيبي]

من دون فلسك غريب لو الأصل تنتخيهومبدا مشيته عريب يصير مصدر بـلاك

صح لسانك مليون المليون حكيمنا الشاعر

يا زين الحرف يوم يكون منك يالطير

[فارس القوافي]

طرقت باب الهوى قلت افتحوا آنا حجاب طاخ طيخ طيخ طاخ

اول ماشفت العنوان تذكرت حجاب

ويوم قريت لقيت حكم ومعاني وابداع من شاعرنا المخضرم

صح لسانك

لاهنت

متالق بكل حالاتك

يعطيك العافية

دمت بخير

[صعبة المنال]

وقتٍ اشوفه عجيب من ذل لـه يرتهيـهومن كان عاقل اريب اصبح مثار الشكاك
من دون فلسك غريب لو الأصل تنتخيهومبدا مشيته عريب يصير مصدر بـلاك


صح لسانك وحرفك

صعوووب

[عبدالعزيز العمار]

ياسلام عليك يالعود

إبداع بطريقة الطائر الخاصه

صح لسانك ولاهنت

تحياتي لك

[صعبة المنال]

شريت كيس مختوم من دون لكن وليـهيمكن به اصل نجوم قال النجم وش دهاك

من دون واوٍ دعوم او ظهر تسند عليـهحطه ورثّ الهدوم وارمـه ودور فكـاك

صح لسانك

صعووب