أشوفها صورة وصورة عقيمه

[ابراهيم غضيان الشراري]

يالعنبوه الحب كم عذب انسان=كم عذب اصحاب القلوب الرحيمه
هذا وأنا للهم معلم وعنوان =حالي عليله فوق ماهي سقيمه
اسباب غالي مسكنه وسط الاعيان=أقفت به ظروف الزمان الأليمه
احيان يذكر ليّ وفي بعض الاحيان=أشوفها صورة وصورة عقيمه
والشخص لولا أنه مشاعر ووجدان=يعيش في هالكون مثل البهيمه
وأنا زماني جار فيني وليّ هان=ياويل من صار الزمن هو خصيمه
من جور وقتي رحت أنا في خبر كان=يهدني لولا أن عندي عزيمه
ياصاحبي وين أرضك وبأي الاوطان=يامن طعنت القلب طعن بصميمه
حضورك غيابك نتايجهن أحزان=جيتي عظيمه وأ رتحلتي عظيمه
=الشاعر/ إبراهيم بن غضيان الشراري

[ساهر الليل]

ياصاحبي وين أرضك وبـأي الاوطـان
يـامـن طعـنـت القـلـب طـعـن بصميـمـه

الله الله عليك يالشراري

صح لسااانك يا شيخ على هذا الجمال

والابداع والنظم المتقن,,,,,,,,,,,,,,

جزل يا شاعرنا جزل

لاهنت ولاهان راسك

سرني ان اكون اول من يعانق هذه الباذخه

تقبل مروري واعجااابي

[الراقي]

نص اكثر من راائع

وحضور جميل

صح السانك

و دام نبضك الجميل

[ابراهيم غضيان الشراري]

الأخ العزيز / ساهر الليل.

صح الله بدنك والله يعطيك العافية.

بيض الله وجهك على هذه الكلمات الرائعة.

وهذا الإطراء الجميل وهذا من طيب اصلك ومعدنك.

الله لايهينك لاخلا ولا عدم.

تقبل تحياتي وتقديري وأحترامي لشخصك العزيز.

أخوك الشاعر/ إبراهيم بن غضيان الشراري

[ابراهيم غضيان الشراري]

الأخ العزيز/ الراقي.

صح الله بدنك والله لايهينك طال عمرك.

لاخلا ولا عدم.

تقبل تحياتي وتقديري وأحترامي لشخصك العزيز.

أخوك الشاعر/ إبراهيم بن غضيان الشراري

[الخنساء]

والشخـص لـولا أنــه مشـاعـر ووجــدان

يـعـيــش فــــي هـالـكــون مــثــل البـهـيـمـه

صح لسانك ولاهنت

قصيدة جزلة

سلمت ودام حرفك

[بنت النور]

نثرت قطرات الروعه من سحابك
وأبدعت*
اهنئك على بوحك المفعم بالمعاني النابضة
صح لسانك وسلم بنانك

سابقى هنا*
ارتشف من نبع سطورك

الصافيه
تحيتي

[طوفـــان]

جيتي عظيمة وارتحلتي عظيمة ..

هالله هالله ..

صح لسانك شاعرنا على طرحك الجزل ..

تحياتي لك ولطرحك الرائع

[مشعل التريباني]

ابراهيم غضيان الشراري
شاعر راقي ومميز ابدعت يابراهيم
صح لسانك وجادبيانك تحياتي لك

[الطامي]

الشراري
صح السانك ملايين
ابداع لافض فوك
شكرا لك
ولاهنت اخي