إهدا لكل هلالي بمناسبه الهزيمه

[عبدالله راشد الثويني]

السلام عليكم

الصراحه ماني بنصراوي ، لكني احب الزحمه ههههههههههههههههههههههه

وشفت فرحه اللي حولي بمناسبه فوز النصر ، وقهر الهلاليين اللي حولي واللي يقول الحكم واللي يقول ولابد من كثر الاقاويل


كتبت ها الكيبورديه وياويلنا من الهلاليين

الكاس لاهله مايباعد خطاويه = للنصر ، إيه النصر منهو يساويه
اسمه يفسر با البطوله معانيه = يومه كسر خشم الهلالي وهده
للكاس ارفع فووووق لله درك = فووق السما عسى الولي مايضرك
فوق السحابه فووق هذا مقرك= اقهر عدوك ، وافرح اللي توده
وان قالو العذال لا تسمع القول = ماله على الطولات قوه ولا حول
حاول وحاول بعدها عاد مخذول = يبكي ويشكى ماجرى للمخده
قال الحكم عشاش ماهو بعادل = لازم بكثر القول دايم يجادل
لازم يفوز او ينتهي با التعادل = ودك تلوحه كف من فوق خده

وُدي

[ابومياس]

صورة مع التحية لكل شامت

انا هلالي بس الروح رياضية

التواضع عند الفوز وياما تواضعنا

وقبول الخسارة بصدر رحب

صح لسانك ياعبدالله السمح

الله يسمح دربك

دمت بخير

[الطامي]

الثويني
صح السانك
والكوره مدوره لك وعليك
ادام الله افراح المسلمين دائما على طاعته
شكرا لك ولاهنت

صح لسانك يالشاعر






والزعيم زعيم



قبلها ولي العهد والان هذي وراحت والجاية كاس الملك



ما همتني الكوره قدر مافرحت لدماعت فيصل بن عبدالرحمن والله

انه يستاهل على صبره والف مبروك

[ســُلاف]

الكاس لاهله مايباعـد خطاويـه
للنصر ، إيه النصر منهو يساويه
طبعاً طبعاً النصر للنصر
مبروك لنا ومن فوز لآخر يارب
الله يسعدك ياعبدالله

[سناعيس]

صح لسانك يالسمح
بس السنين العجاف تسوي أكثر هههههههه
صدق اللي قال ان الفقيّر يبتل فقّير ولاينعطى ولا حتى بياله مو عاد كاس
أنا ماني هلالي لكن أقول للهلاليين هذي زكاة الكم الهائل من البطولات لديكم
وعلى حسب علمي ان الهلال لديه 46 بطوله وأقرب منافس له هو نادي الإتحاد بنصف العدد تقريبا يعني على كذا يبغا للنصر أو غيره 100 سنه لكي يصل لعدد بطولات زعيم نصف الأرض كما هو معروف وبشرط أن يشطب النادي نهائيا لكي يلحق به باقي الأنديه
وعلى حسب علمي أيضا ان نادي الهلال هو النادي الوحيد الذي يلعب على جميع البطولات سنويا وباقي الأنديه على بطولة واحده فقط وهذا بحد ذاته يكفي لأن يزكي ببطوله ليكسب بطولات أخرى والدليل أن الهلال لم يفكر بالبطوله لأنه لم يلعب بخمسة لاعبين اساسيين ولو لعب بهم لما جفت دموع النصراويين ولم يكفوا نواحا ولا عويلا كالعاده
أأكد أنني لست هلاليا ولكنني اعرف هذه المعلومات البسيطه عن نادي الهلال والخافي اكيد أعظم

تحياتي

[عبدالله المسعودي]

صح لسااانك اخووي الكريم ..؛

[احمد الفارس]

صح لسانك ... ومبروك الفوز

[العمده]

صح لسانك ومبروك للنصر أخيرا خذو بطوله بعد عشر سنوات
يقولون ان الهلال مسوي حفلة كيك للنصر بمناسبة الفوز

الكاس لاهله مايباعـد خطاويـه
للنصر ، إيه النصر منهو يساويه


صح لسانك ياعبدالله

خوش ابيات الله يعافيك ابدعت

ومبروك للكره السعوديه عودة فارس نجد

تحياتي