الضعف ينتج ضعف في كل الاحوال

[الطائر المهاجر]

الضعف ينتج ضعف في كل الاحوال= ومن لا درى بالضعف ينظر لدينه
يومه غدا محارب من اخصام وانذال= وحنا بسذاجه نقبل محاربينه
قالوا هو الأرهاب من كذب دجال= الصق به التهمه وأكد يقينه
لقى شعوبٍ ساذجه تاخذ القال= ولو الحقيقه بعضهم عارفينه
فالبعض منهم اثبت الحق ف الحال= بوثائقٍ تكشف رموز الرطينه
هو صانع الأرهاب مافيه اشكال= فاحداث سبتمبر صناعة يمينه
مافيه اسم ليعربي وين ما جال= ممن ركب ف الطائرات المهينه
ولا احدٍ تحرك يطلب الحق طوّال= كلٍ سكت خوفه من احدٍ يدينه
وصار الضحيه دين في عصر الاهمال= ومعه العرب من كل عرقٍ وطينه
مساجدٍ تمنع وتقفل بالاقفال = وكنايسٍ تفتح وتلقى الضمينه
وحنا نعامل دون حقٍ بإذلال = من وين مانسافر نشوف الضغينه
ياطالب الدنيا ترى العمر لو طال= في يوم ترحل والذكر عارفينه
وش قيمتك لا قيل ماهوب رجال= يقبل بكل الذل حتى لدينه
وفي يدك تاقف وقفة رجالٍ ابطال= ومن هان دينك واجب انك تهينه
ودام الله اللي رازقك كثرة المال= سخر حلالك ف الأمور الثمينه
تشري قناواتٍ بها الحقد اشكال= على الأقل تنطق بكلمة رزينه
فالغرب عقله ينغسل مثل الاطفال= من وين وجه ينعجن كالعجينه
من يكسبه ف السبق لاشك خيّال= على الأقل بالصوت يحمي عرينه
ومن يهمله خسران في كل مكيال= دامه ضعيف وما لقى من يعينه
وان استمر الحال والدين باغلال= ماللعرب غير الخزي والغبينه

[صعبة المنال]

هو صانع الأرهـاب مافيـه اشكـال
فاحـداث سبتمبـر صناعـة يمينـه
مافيه اسم ليعربي ويـن مـا جـال
ممن ركـب ف الطائـرات المهينـه
ولا احدٍ تحرك يطلب الحـق طـوّال
كلٍ سكت خوفـه مـن احـدٍ يدينـه
وصار الضحيه دين في عصر الاهمال
ومعه العرب من كل عـرقٍ وطينـه

الله الله عليك ...واحداث سبتمبر ..وما ادراك ؟؟

صح لسانك
دوم مميز


صعوووب

[داعي الشوق]

وان استمر الحال والديـن باغـلال=ماللعـرب غيـر الخـزي والغبينـه

.............................. .

صح لساااااااااااانك مليووووووووووون يالطائر المهاجر

و لله درررررررك

قصيدة طيبة و جزلة

لي عودة للرد بما يليق

ولاهنت

***************

[عبدالله مذكر العقيلي]

جزله من راس جزل

صح لسانك

والله لايهينك


تحياتي

[عبدالله راشد الثويني]

صح لسانك شاعرنا الجزل / أبو عبدالله ولا هنت
طامعين بجديدك دائماً
تقبـّـل ازكى التحايا واعطرها

[عبدالعزيز البليهد]

منذ توجه الحكام العرب لبناء القصور في الاندلس والتنافس على الدنيا تناسو الدين وحقوقه

وبدات النهايه

وهذه الشامخه تعبر عن احوالنا في حاضرنا مع ضعفنا كثرت المؤامرات حتى اصبحنا عاجزين

حتى عن التعبير وهذا ابسط حقوق الانسان العربي المسلم

الله المستعان

لله درك يابو عبدالله رغم انها تفتح الجروح لكن هذه هي الحقيقه

صح لسانك ولاهنت

[منيع]

ابيات معبرة عما حصل لهذه الامة من خنوع وذل
ولصاحب الحق دائما مقال
شكرا لكم
تحياتي

[الطامي]

وصار الضحيه دين في عصر الاهمال
ومعه العرب من كل عـرقٍ وطينـه
مساجـدٍ تمنـع وتقفـل بالاقـفـال
وكنايـسٍ تفتـح وتلقـى الضمينـه
وحنـا نعامـل دون حـقٍ بــإذلال
من وين مانسافر نشـوف الضغينـه
،،،،،،،،،،،،،،،،،،،،،،،
الطائر
صح الاسنك
رائعة وهادفه
لاهنت اخي

[الـزلـزال]

الطائر المهاجر

نص متقن ومميز

من شاعر تعودنا منه تقديم كل مايليق

ابدعت وأمتعت طائرنا رعاك الله

حلق بشعرك المميز ولنا الأستمتاع بكل تحليقة

صح لسانك ملايين ملايين

ولك فائق تحياتي وتقديري

[نجم الإبداع]

والغبينه

الله الله

صح لسانك يادكتور

لاهنت

وجهة نظر صائبه ونصائح وافيه

والله يصلح الحال

تقبل مروري

وتقديري