مصافحة بعد طول اغياب

[متعب المينيح]

كل ماهبت نسانيس قلب(ن) ماقوى=قلت يا لله مقدم الوقت والمقسوم خير
ليالي تجرح القلب لو ما هي سوى=كل ليله غير ليله ودرهم يا بعير
هب نسناس الهوى والهوى ما هو هوى=الهوى كثر الحسايف وتانيب الضمير
لا طرالي ماطرا وستوى وش ما ستوى=المفتح مشيته ما تجي مثل الضرير
لا طرتلي صحبة ألاش ملعون الثوى=وليال ألي مضت والخديعة فـ العشير
ما أرتفع عن مستوى السطح يا صالح هوى=كل شي ٍ له نهاية ومحتوم المصير
كل ذيب ٍ نط في رأس مرقاب ٍوعوى=فـ الزمان ألي مضى ما عليه من الصفير
مير تبلاك أليالي بفارغ محتوى=ما يشَاور يابو بندر ولا مثله يشير
يجرح الرجال ويصير في رأسه خوى=جير ني يا عالم الحال يا مولاي جير
ولعلل واجد لكن بعضها ماله دوى=علتن فـ البطن صارت ولا أدري وش يصير
وآه لا هب نسناس قلب(ن) ماقوى=قلت يا لله مقدم الوقت والمقسوم خير

[الطائر المهاجر]

حياك
والحمدلله على السلامه
طيبة وجزلة من راس جزل
صح لسانك ولا هنت
تحياتي الطيبة

[زهرة اللوتس]

حمد لله على سلامتك
وصح لسانك
جزلة من شاعر جزل
لاهنت
تحياتي

[عبدالرحمن بن زهير]

تغيب وتجيب يا متعب صح الله لسانك شاعر متمكن وجزل

[الطامي]

المنيح
صح السانك ملايين
جزلة من شاعر مفقود من مده
لاهنت اخي
ولاتقاطعنا
شكرا لك

[عبدالله مذكر العقيلي]

حياك الله في محلك

وبدايه رائعه

وجزله من راس جزل

صح لسانك

ولاهان راسك


تحيتي

[منيع]

ابداع وتميز
ياهلابك
ومن طول الغيبات جاب الجزلات
تسلم والله
تحياتي لكم

[عبدالعزيز العمار]

الشاعر متعب /

صح لسانك وجاد بيانك ...

شاعر جزل وقصيدة جزله ...

تحياتي وتقديري ...

[نجم الإبداع]

ارحب يامتعب

وصح لسانك على المصافحه الجزله

لاهنت ياشاعر

لاهنت

تقبل مروري

وتقديري

[سيد الحرف]

السلام عليكم ورحمة الله وبركاته

أبـدع ــت فأمتـ ع ــت ،،

للــه در هـذه المعــزوفه ،،
بهآ روعة تفوق الخيآل وصفآ ،،

فـصح بـوح ــك ،،
وصح كلك ،،

تــ ح ـآآيآآي