ثمر الوداد

[عمر ال شيبي]

ثمر الوداد

يا ونة ٍ ونيتها تحت القمر ابلا سعود = يوم اقربت مني غثا جمرِ انطفا اصبح رماد
للنار تحتاج الحطب يا الطير لو تدري برعود = فيني هواجيس امطرت لا غاب نورَ مْن الوجاد
البارحه يوم اقبلت ارعاش قلبي ابلا حدود = لا منّها غابت سنه بديرة ٍ اقفت سواد
لين القلوب الوالفه ما همها شوك الورود = اليا تدق ابلا حسن عاشق رحيقه وذا وكاد
سبة ابوها والمهر عسره وعسيره لا وجود = الفقر من صوبي حدر والبيت مقصوم العماد
يا لايمي عشق النسا مثل الملح للزاد رود = لين الامور امحالنا يا ويل قلبي من النّكاد
فيه الحموضه والحلا لا منه يخلط بالكبود= اللي ينومس بالصدر لا منّها تشكي البُعاد
يا علتي يا بلوتي ياحسرتي قالت عنود = اليا احضرت مروادها والكحل عيا لستِباد
فيني سوالف اضرمت نيران هفات الوعود = فالدمع ساري مستبيح اخدودنا حادن لباد
يا رمش عيني والهوى مطرق لابواب السدود = لا تمتحني واسترن ما بينيْ بينك فالحماد
يشهد على اربوع الغرام اللي سكن بي للخلود = يا ظلع حنات الصدر يا واردن يم المراد
من بعد روحك والهنا ما عاد لي رحب وصدود = يومن اهوجس بك خلا نفسي وتاهت بالرّقاد
واليوم حنا بديرة ٍ صارت لنا مثل الجمود = اليا تمره تسمعن اشواق تحنان الرّواد
قلت اجمعي دمعن سقط بشراط مامنه بجود = ابغى اسولف بك عرب هالغانمين اليا مداد
ولفيلي ما منه نِعد مقلاد صدرك والصمود = يوم اقتني به اظهرن لعيون بيك لعتِماد
اني احيله وحيلتي قهوه بِهيله ذا صيود =لا منّيْ ارميها نِكد بين الربع طاف السواد
فلكلّ يدري بالسلوم الحقّ مرصود الشهود = واخذ حليله ابها سمر لاْبيوتنا تحمِيْ الرّغاد
قالت على هونك غلا ما هقوتي نرضى الحرود = اجمع شيوخ الحولنا وشوارهم مد الرّفاد
ال شاعرن يبغى القمر لا بد يحمى من الشرود = من صحرة ٍ ابها الهيام الحنّ قلبي والزّواد
هذا الصحيح وغلوتي بريتها لجل الحمود = بيت الشعر واسط علا ودلالنا رحب العِباد
يوم الفوارس تستحل اقلوب عذراي الفهود = ما تمحل ابطون الصحر ورمالها مدٍ لِماد
مثل النحل طب الزهر يحمل لقاحه بالجلود = لا منه عاشق للعسل منتوجها ثمر الوداد

[نجم الإبداع]

ثمر الوداااااااااااااااااااااااااا اااااااد

صح لسانك ياعمر

مصافحه طيبه

لاهنت

تقبل موري

وتقديري

[حي الضمير]

صح لساااااااااااانك
قصيده رائعه وابدعت
سلمت يمناك

[الخنساء]

صح لسانك مليوووون ولايكفوون

قصيدة جزلة من شاعر متمكن

سلمت ودام حرفك

[الطامي]

الشيبي
صح السانك ملايين
رائعة جدا
لاهنت اخي

[طلال البدور الشهراني]

لاهنت مبددددددددع

[داعي الشوق]

صح لسااااااااااااااانك مليووووووووون يا مبدع

شاعر فحل و غزير المعنى

لاهنت يا عمر

بلعون انك شيخ يالشيبي

ولاهنت

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[عبدالعزيز العمار]

عمر

صح لسانك ولاهنت

قصيدة جزله بالحيل ابدعت وامتعت بها

تحياتي وتقديري

[مسلم عواد العميري]

صح لساااااااااااانك ياعمر
قصيده رائعه وابدعت