همس القوافي

[نجم الإبداع]

همس القوافي بين زرعك شكى الطير=والي شجاني جزل حرفن قريته
صوغة ذهب ماهي نحاسه على كير =والقول ماعمري بزور افتريته
طلعه يشوق النفس في تالي اعصير=والحرف مايعصى ليا من نخيته
قال انت رد الطيب دامك على خير = والود بين اقلوبنا زان بيته
جاريت طاروق الجزال الشواعير=والحرف من موال جزلي كسيته
الي تعذر ماتفيده معاذير =والعلم مايخفاك لوّك طويته
درب الهوى مابه دوى والمقادير=والي تذكر يوم ماقد نسيته
اعامل اصحابي بطيبه وتوقير=كم قلب بين العالمين اشتريته
عل القلوب اتعلّ عقب الضماء مير=ماحدن يطفي نار بالامس ميته
ياغصن بانِ لالتوى جاه تهصير = يوم انثنى للحب بايدي لويته
ياليت شعري وين من يبري الضير=لو هو بكيفي كان قلبي كويته
نظم القوافي ماهتنى عقبه الحير=يحكم على روس السيوف الصليته
همس القوافي علم اهل المغاتير=ان الكلام العذب مرفوع صيته
لو يصبح الشعار لاجلك طوابير =مامل نبعك يوم قلب اهتويته

[الطامي]

فلاح
صح السانك ملايين
جزلة وطيبه لافض فوك اخي
شكرا لك

[الطائر المهاجر]

ما يهرول الذيب عبث
فيك بلى
صح لسانك وقلبك
ولا هنت
تحياتي

[يوسف بن سليم المشرافي]

فلاح بن منشار

صح الله السانك يالغالي

جزله من راس جزل

تقبل تحياتي واعجابي

[سناعيس]

الله الله
صح لسانك يابو محمد
تغيب وتحضر معاك الدرر
لله درك على هذه الجزله

تحياتي

[عدنان كريزم]

صح لسانك يالغالي ولا هنت

[منيع]

ياسلام عليك
للتميز مذاق وله نكهه خاصه
دمت مبدعا
تحياتي لكم

[زهرة اللوتس]

فلاح بن منشار
جمال حرفك يغريني .. للبقاء على شاطئِك
وإنتظار قارب نجاة في نص قادم يحمل الكثير من الفرح
دمتـ بسعادهـ
زهرة

[حمود السكراني]

جاريت طاروق الجـزال الشواعيـر

والحرف من موال جزلـي كسيتـه

كفو يافلاح وصح لساااااانك

[داعي الشوق]

صح لسانك يا بو محمد

و الحمد لله على السلامه

إبداع يتجدد

و جمال مكتمل

لله درررررررك يا بن منشار

شاعر كبير و رائع دائما

صح لسانك مع التحية لك

،،،،،،،،،،،،،،،،،،،،،،،،،،،