عيدية(الله من قلبٍ من الشوق ذايب)

[متعب المينيح]

الله من قلبٍ من الشوق ذايب = ا لشوق يسريبه إلى عسعس اليل
وتفوح من بين الضما ير لاهايب=وقاد له بين الضما ير مداخيل
عاقبني الله يجعله للعقايب=ما غير أحط من التفا كير وأشيل
من صاحبي شفت الوزاء والمصايب=يا بدر من ما صابني ما معي حيل
أجحد وجامل وليالي غرايب=والعمر يمشي وليالي تساهيل
رحماك يا رباه مجري الهبايب= ولطفك ومغفرتك عن العدل والميل
ملجأي يا ربي ليا ناب نايب=أذنوب عبدك يا وليي زبد سيل
ذنبي عشقت الترف سيد الرعايب=وسرفت في حبه كذا دون تحليل
ألي على شانه نهج اركايب=دايم على الطرقة مقافي مقابيل
صايب ولأني يا هل العرف صايب=الحب يذعن له رجالٍ حلاحيل
ويلوب قلبي ياهل العرف لايب=وذعن لسجات الغلا غصب واعيل
إذا طرا المزيون سيد الحبايب= يفوح صدري مثل فوح المعاميل
خلٍ خليلٍ غظ حبه عجايب= بين الحنايا مربعه والمداهيل
الله وهبني إياه جزل الوهايب= ليا عطا يا بدر ما يبخس الكيل
قمريةٍ تسبي العقول البايب=من غير سبق انذار ولا مراسيل
لا عرضت قدمي بشقر الذوايب=راحن عيوني كنهن الدرابيل
وأقوله يا الترف سيد الحبايب =ميّل علي بلطف يا مُنيتي ميل
وطرق بنجلٍ ذابلاتٍ روايب =سودٍ هدبها ناعساتٍ مضاليل
يقول مسمع قلت ماني بهايب=ميّل عساها لي تزين التعاليل
اغليه واعزه ضلوعي حطايب=في وصف غيره ما تجوز التماثيل
عن حبها ما توب لوصرت شايب=ما توب عنها ياهل الهجن والخيل
عن حبها يابدر ماني بتايب =(احب خلي حب اهل مصر لنيل)

[الخنساء]

اغليه واعزه ضلوعـي حطايـب
في وصف غيره ما تجوز التماثيـل
عن حبها ما توب لوصرت شايـب
ما توب عنها ياهل الهجن والخيـل
عن حبهـا يابـدر مانـي بتايـب
(احب خلي حب اهل مصر لنيـل)

صح لسانك اخي الشاعر متعب
لاهان راسك قصيدة رااائعة
ترجمت روعه الاحساس والمشاعر
يسرني اكون اول المعانقين
سلمت وسلم شعرك
كل عام وانت بخير

[عبدالله بن عسكر]

كل عام وانت بخير وعيدك مبارك

وصح السانك
والله لايهينك

جميله جدا
تحياتي

[حي الضمير]

العذب والمتألق متعب صح لسانك يامميز
قصيده رائعه وعذبه حيل ...
سجل اعجابي

[صوت الإحساس]

كل عام وانت بخير وصح لسانك على ما سكبت هنا من جمال تقبل خالص الود والتقدير

سعدت جـداً بقصيدتك

وقضيت هنا وقتاً جميلاً

شاعر وكاتب رائع

[مسالم]

جزله من راس جزل

جزاك الله بالخير

[منيع]

ابداع جميل جدا
بارك الله فيك
تحياتي

صح لسانك مليار و لا يكفون

سلم لنا تألقك و إبداعك

دمت و لا هنت

[ابوعبدالرحمن القريشي]

كل عام وانت بخير اخوي متعب

وعيدية ولا اروع

دمت بود