ياعين هلي من دموعك هماليل

[الذيب الذيب]

السلام عليكم ورحمة الله وبركاته
تحية واحترام للجميع قصيدة ارجوا أن تنال إعجابكم

يا عين هلي من دموعك هماليل =أبكي على وقتٍ(ن) مضى ما يعادي
أقفى زمانٍ(ن) به تزين التعاليل = يوم البدو رحّل نـــزولٍ(ن) وشدّادي
لا جا سحابٍ(ن) بارقٍ(ن) له تعازيل = وريح الخزامى فاح في كل وادي
صارت خضرذيك الفياض التهاويل = وغنّت طيورالجوّ بحلا نشادي
لا هب شمالٍ ميّل الغصن تمييل= يا ما حلاريح الزهر يالبرادي
شيئ(ن) جميلٍ(ن) ما يوصّف بتمثيل = فيها فرح فيها طرب مع عيادي
واليوم راحت صار فيها تباديل = عقب البياض اليوم صارت سوادي

[عبدالله الشويمان]

صح السانك يا اخ عايض

ابيات طيبه من طيب

ولكن مازال البدو متواجدين في الباديه ..وليس جميع البدو نزلوا في المدينه..

دمت بخير.

[الذيب الذيب]

صح بدنك أخي عبدالله وشكراً لك

[الخنساء]

صح لسانك اخي الشاعرعايض
لاهان را سك قصيدة رائعه
سلمت وسلم شعرك
دمت بخير

[خافي العبره]

الله الله عليك
قصيدهـ ولا أروع واسلوب حلو
ماشاء الله عليك
صح الله لسانك ولا هانك
^^

[احساس أنثى]

البشري


صح لسااااااااااااانك وسلمت يمناك


يعطيك ألف عافيه..........لاخلى ولاعدم


مع التحيه

[ابومياس]

لا هب شمالٍ ميّل الغصن تمييل
........................يا ما حلاريح الزهر يالبرادي

صح لسانك يالذيب

نص جميل المعاني

دام حرفك

ودمت بخير

[سعيد الصاعدي]

الاخ الفاضل / الذيب الذيب
صح لسانك وعلى شانك
قصيدة رائعه
تحياتي
أخــــــــــوك
س / ص

[حي الضمير]

صح لسااانك يالذيب
وهيضتنا للمطر والبر بهذه القصيده الجزلة
والرائعه

صح السانك
اخوي على القصيده الجزله