غـــــــــــــــــزلــــــــــ ــــــــية

[عبدالمحسن الرحمه]

بسم الله الرحمن الرحيم

بعد الفجر جالس على شطها الهادي=سكونه اللي يروي أزهار وردية
نور الغلا نورة على شطها زادي-=من قدها نالت تواصيف حصرية
لو أشرت يم القمر جاك منقادي=في ليلته كلّ الخجل فيه مقرية
يا زهرة النرجس على ضفة الوادي=يضلها مزن الغلا كل عصرية
ياريحة العنبر ويا ريحة الكادي=بارسلكم من خافي الشوق برقية
النفس عافت مالها شف بالزادي=أصبحت مع درب المحبين طرقية
أنتي بقلبي يا هوى البال ومرادي=ناحت لك أشواقي مثل نوح قمرية
عز الله أني من هوى الزين منصادي=كن الحشا يطعن بطعنات شبرية
جريت لك ياغلا الغلا حلو الأنشادي=حاوي جمال الصوت وابيات منقية
من حسنها ملقى لها شبه ببلادي=الله عليها فاقت أوصاف شامية
أثر الدلع ميزة بها والدلع بادي=والروح يا عمري لكم دوم مهدية
غمزة بخده والحلا فيه ينشادي=والشعر يبهر مدعي الروح مطوية
والخد برّاق ٍ سبق صوت رعادي=و الخشم كنه سلت اسيوف هندية
والعين حوراء زانها رب العبادي=ورموشها صفت جيوش ٍ سعودية
حبه بقلبي يا هلي دوم ينعادي=ينعش خفا روح ٍ من الهم مبرية
لأجن ليلي جاني الشوق جلادي=كن الحشا يقصف بغارات جوية
مسكين قلبي من غلا الريم معتادي=زهرة غلاها داخل الجوف مسقية
من زود حبة ما اهتني دوم برقادي=أحس كبدي من بلا الشوق مشوية
أخشا عليها يا هلي شر حسادي=شر النفوس اللي عن الحق معمية

[الطائر المهاجر]

صح لسانك
طيبه من طيب
لاهنت
تحياتي

[داعي الشوق]

صح لساااااااااااااانك مليوووووووووووووووون يا عبدالمحسن

تقبل مروري السريع يا مبدع

مع تحياتي لك و لابداعك الغزلي الفريد

ولاهنت

[الطامي]

العمر
الله عليى هالابيات اللي من القلب ابداع من مبدع متمكن
صح السانك ملايين
رائعة جدا
لاهنت

[حي الضمير]

ابدعت وامتعت شاعرنا المميز العمر
ولافض فوك ومدد صح لسااانك
الحقيقه نص كااااايف وعوااايدك

[روح الشعر]

صح لسانك واعتلي شانك

طيبه من طيب

لا هنت ولا هانراسك

[وليدالبسطي]

صح لسانك يالعمر


نص عانق السحاب

لاهنت

[طوفـــان]

صح لسانك شاعرنا الكبير عبدالمحسن على طرحك الرائع

جزلة ووافرة ،،،

لك كل الشكر على طرحك الطيب

[منيع]

مبدع ومميز
شكرا لكم
ودي وتقديري

[كظيم]

ياسلام ياسلام

عبدالمحسن العمر
سلمت وصح لسانك
قصيده جزله ووافيه ابدعت فيها يالغـلا
تقبلني وتقبل مروري المتواضع لاهنت
ودي وتقديري