لا صرت عاطل او تبي لك وظيفه

[الطائر المهاجر]

لا صرت عاطل او تبي لك وظيفه = تعطيك راتب مثل باق الخواجات
ان كان ماانت ابيض تراها كليفه= قشر لوجهك لو دفعت الألوفات
حتى يصير ابيض ولو كان شيفه= واذهب على لبنان تاخذ لدورات
تاخذ دروسٍ ف الغنج لو خفيفه = وتضبط اصول النصب لاصعب مهمات
كلش تعرفه ف الأمور السخيفه= وكلش حلالٍ في دروب الملذات
وتغير اسمك للاسامي اللطيفه = جوزف وبطرس بعد ما تشري اثبات
وتشري شهاده من اميركا نظيفه= خبير ناجح في جميع المجالات
وخلك جزوم ولا تجي لك وجيفه= انحر كبار القوم وابن العلاقات
هذا يبي سهره فتعطيه كيفه= وهذا يبي يقلع وينصى المجرات
وهذاك دلخٍ لو تشوفه بسيفه = ياسرع طرحه من جميل البنيات
جمد ضميرك ف الظروف العنيفه= دامك ضبطت الدور تلقى المسرات
ومن بعدها تبني القصور المنيفه= وتصير واحد من كبار الزعامات
في امةٍ لو فتحت كالكفيفه= او نخلةٍ عوجا تحتها مجاعات
ولا صرت فاشل في الدروس الضعيفه= وتبغى مناصب صانعه للقرارات
تدير من تبغى ومن جاء حليفه= تحتك عقول كبار باكبر شهادات
ذلل لنفسك للخوي اووصيفه = وخلك سلوقي في بلاد الوساطات
اكذب ونافق في العلن بالصحيفه= وامدح بشعرك من جزيلات الابيات
حتى تصل للي تبي او عريفه= من اللي يبي تطبيل في كل حزات
وليّا تفوّت كل يومٍ مضيفه = قرّب لحوله تختصر للمسافات
حاول تفهّم وش يبي من غريفه = ومن قبل يامر اسبقه بالمهمات
حتى يثق بك لين تصبح وليفه= يبيك جنبه دوم في كل الاوقات
من بعدها تصبح سهامه وسيفه= وتفتح لك الأبواب لو هي صعيبات
هذا هو الواقع بحالٍ مخيفه= الذيل يعلى الراس بارض الحضاوات

[صعبة المنال]

الله الله عليك يا ابو عبدالله
ههههههه
وتغيـر اسمـك للاسامـي اللطيفـه
جوزف وبطرس بعد ما تشري اثبات
وتشري شهاده من اميركـا نظيفـه
خبير ناجح فـي جميـع المجـالات

اجل نخليه جوزفين

صح لسانك ونبضك
دووم فى القمة

صعوووب

[الطامي]

الطائر
صح السانك ملايين
رائعة وهادفة
دام حرفك وقلمك وفكرك

وذكرتني بابيات قيلت قبل60 عام في شركة ارامكو وكان ابن فطيس رحمه الله سوف اوردها لاحقا بالمنقول
شكرا لك

[داعي الشوق]

صح لسااااااااانك يالطائر المهاجر

واقع مرير بالفعل ،

لكن أهل لبنان بــ يزعلون عليك يا بو عبدالله ؟

ولاهنت

لي عودة للرد بما يليق

تقديري لك

[سناعيس]

صح لسان يابو عبدالله
قصيدة طيبه من شاعر جزل
لاهنت

تحياتي

[الخنساء]

لا صرت عاطل او تبي لـك وظيفـه

تعطيك راتب مثـل بـاق الخواجـات

ان كان ماانت ابيض تراهـا كليفـه

قشر لوجهك لـو دفعـت الألوفـات

حتى يصير ابيض ولو كـان شيفـه

واذهب على لبنـان تاخـذ لـدورات

تاخذ دروسٍ في الغنـج لـو خفيفـه

وتضبط اصول النصب لاصعب مهمات

صح لسانك مليوون ولايكفووووون

قصيدة جزلة من شاعر متمكن

سلمت ودام حرفك

[منيع]

هههههههههه
اجل السالفه كذا
شكرا لك
تحياتي

[عبدالعزيز العمار]

الله الله يابوعبدالله

صدقت صدقت في كل ماقلت

شاعر قريب من هموم العاطلين والخريجين

صح لسانك مدد بلا عدد

تحياتي وتقديري

[الـزلـزال]

الطائر المهاجر

نص شعري مميز ومتقن وهادف

من شاعر تعودنا منه الضرب على الأوتار الحساسه

ابدعت وأمتعت طائرنا المحلق بشعرك في القمم

حلق وزد بتحليقك الشعري وعلينا الأستماع والتلذذ بمايحويه

صح لسانك ملايين ملايين

ولك فائق تحياتي وتقديري

[منصور العبدالله]

هـذا هـو الواقـع بحـالٍ مخيفـه
الذيل يعلى الراس بارض الحضـاوات

هـذا هـو الواقـع بحـالٍ مخيفـه
الذيل يعلى الراس بارض الحضـاوات


هـذا هـو الواقـع بحـالٍ مخيفـه
الذيل يعلى الراس بارض الحضـاوات

هـذا هـو الواقـع بحـالٍ مخيفـه
الذيل يعلى الراس بارض الحضـاوات


روووووووووووووعه يا دكتور

قصيده شخصت بها الحال

وبالاخر اختصرت الموضوع ببيت

فن لا يجيده الا الكبااااااار ياكبير