![]() |
رقم المشاركة : 21 | ||
|
الجسر جنب بيتك عارفٍ مدربه = والشويب ببيته في صلاة العتيم
وين هذا لهذا فكرتك مهربه = لاتجرب حلاقه في رويس اليتيم |
||
![]() |
![]() |
رقم المشاركة : 22 | ||
|
ضربتك بالقوافي ياخوي معطبه = ويل من طب بين ايديك يغدي اديم
خابرك مير كلٌ شرفه مذهبه = مارزحنا ونجم الليل خلف السديم |
||
![]() |
![]() |
رقم المشاركة : 23 | ||
|
كان تبغى السوالف ياهلا ومرحبه = خذ علومٍ وخبره وخل قلبك سليم
للاناثي صنوف وكل صنف اعربه = بين سمرا وشقرا او ذهب يالزعيم |
||
![]() |
![]() |
رقم المشاركة : 24 | ||
|
كل تاجر يحسب حيل في مكسبه = من هبط سوق لايصدر بغير الصريم
وانت سوق المعارف عالي المرتبه = من يلامس حروفك صار كنه فطيم |
||
![]() |
![]() |
رقم المشاركة : 25 | ||
|
كان تبغى الدفى فالسمر لك مصحبه = في الشتاء تتقي بردٍ يهاجم لئيم
وان بغيته تصيف فاطلب مربربه = في بياض الثلوج وخل قلبك رحيم |
||
![]() |
![]() |
رقم المشاركة : 26 | ||
|
خابر السمر ريحتهن تقول اخشبه = والمربرب يموت الحيل قبل النهيم
حي لي راعيه للضان فيها الهَّبـــه = تتحمل طلوع اخليص واليوم هيم |
||
![]() |
![]() |
رقم المشاركة : 27 | ||
|
ماعرفت العلوم وخبرتك كركبه = كان هذا مرادك فاطلبه يالرضيم
الفصول اربعه والعلم ما تطلبه = ليش ربي خلقهن باختلافٍ جسيم |
||
![]() |
![]() |
رقم المشاركة : 28 | ||
|
اهب ياعود واثرك مار بالتجربه = ماتخاف القبس وعذاب ذاك الحطيم
قصدنا بالحلال ومانبي العقربه = يمكن انحد للمسيار لو بت قيم |
||
![]() |
![]() |
رقم المشاركة : 29 | ||
|
كل شي بحلال وفاهم مذهبه = ماعرفت الحرام ولا نويت الجحيم
من يقابل وحيده بالعصى ترطبه = ايتساوى معاها في حصاد الهشيم |
||
![]() |
![]() |
رقم المشاركة : 30 | ||
|
فاهمك ! يامعلمنا وذا مشتبه = فيه قانون مايسمح وحكمه مليم
حرّموا الرق هذا حق من يسـلبه = والمتعه حرمت من عند ربٍ حكيم |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|