تشتكي لوسادتك وآنا من همومي اصيح

[حرف وشعر]

ان شاء الله نترقب الاصلاحات عما قريب فهم والخير وجهان لعملة

واحدة

صح قلبك شاعرنا الكبير

[الأديب]

قصيدة من الطراز الأول
صح لسانك
ولاهنت
ودي واحترامي

[الخويلدي]

صح لسانك وقلبك
ولا هان راسك يالقرم
على هالدره
تحياتي وودي

[حي الضمير]

المشاركة الأصلية كتبت بواسطة الطائر المهاجر

تشتكي لوسادتك وآنا من همومي اصيح= من عنا الدنيا اعاني غير ماني من يبوح
مسكني بيتٍ اجار وكل سقفه من صفيح = والمكيّف ما اعرفه في وسط صيفٍ لفوح
ليتني ماني بصحرا نفطها دايم طفيح = رزقها عم الديار ومن بوضعي في شحوح
والفساد اللي نخرها صاحبه عيا يطيح = دام متجود بواوٍ ترفعه فوق السفوح
ولا شبع بالسرق يعفى مثل غيره من مليح= ويخلفه شفقٍ على النهبه ويسرق في وضوح
ويستمر الوضع حتى صرت من قهري جريح= كل ما صوّتّ مالي غير همي والجروح
ولو بغيت اكتب همومي قيل اعقل يافصيح=العلن ممنوع لانه مثل اعلانٍ فضوح
بابنا مفتوح للي يشتكي ظلمٍ صريح = ولا وصلته قيل ارجع مامعك له من فسوح
احسب اهل الدين تنطق كلمة العقل الرجيح= واثرهم باعوه حتى يبنوا لعال الصروح
ما بقى به من مبادي فالخلايق في جميح = والضماير ميتاتٍ سادراتٍ ف الطموح
كل واحد ما يبالي لو مشى الدرب القبيح = كل همه كيف ياصل لو غدى ذيلٍ نضوح
لو تقول انك رقيقٍ قال انا وضعي مريح = كاسبٍ سيدي وربعه والمكاسب لي تلوح
من بغى درب المكاسب مايفكر بالصحيح= يحني لراسه مع التيار لو ريحه يفوح
ومن بغى درب الفقارى قال انا الحر الجريح= رافعٍ راسه يحسبه عايش بعصر الفتوح
النفط ما جا بخيرٍ لو بعضنا مستريح = فالبعض ينزف بصمت ولا احد سمع الشروح
كلمةٍ لابد منها ما تبي فكرٍ لميح= الفقر لا حل بارضٍ فالأمن يبدا بجنوح

قصيدة الموسم
مكانها القمه
لافض فوك ياعلم

[الـزلـزال]

ولو بغيت اكتب همومي قيل اعقل يافصيـح=العلن ممنوع لانـه مثـل اعـلانٍ فضـوح

[كايدهم]

قصيدة كتبت بمداد من الفكر النير
فجاءت نبعا فياضا من الإبداع
كل الشكر والتقدير
مع أطيب تحياتي

[الطويان]

تميز في الإبداع
وجزاله قي الأسلوب
صح لسانك
ولاهنت
تحياتي وتقديري

[نفحات حساسة]

صح السانك،،ولاهنت

ابيات رائعه،،راقت لي..سلمت شاعرنا

ودمت بخير..

[اتعبني زماني]

ابيات عذبه تعجز حروفي
عن الإشادة بها
صح لسانك
ولاهان راسك
اجمل التحيه

[الخنساء]

صح لسانك مليووووون

قصيدة تجبرنى للعوووووووووودة