حمــــام الـــــورقــــ

[عادل بوبدر]

بسم الله أبدأ

لا يـا حمـام الـورق ياللـي مهنتـك جــرّ اللـحـون=أسـرفـت فــي الاجـــواد حـتــى بـيّـحَـت مكنـونـهـا
ما دام خلانك قريب من الغصون إليـا الغصـون=وش لك على ذيـك الطـروق اللـي تجـرّ لحونهـا؟
صوتـك ترانيمـه شجَـن وانـا بـعـد كـلـي شـجـون=لا واعـذابـك يالقـلـوب الـلــي تـهـيـض شجـونـهـا
دارك قـريـب ولا عـرفـت البـعـد فــرّاق الـضـعـون=و حــرّ الـفـراق يـولّــع الـجـمـره عـلــى غليـونـهـا
الشـوق يجبـرنـي عـلـى بــدع المثـايـل والفـنـون=وانـــا سـلـيـطٍ فــــي مثـايـلـهـا و بــــدع فـنـونـهـا
دنيـا تجرّعـنـا العـنـا مــن كــل شـكـل وكــل لــون=لا قـلـت زانــت عــوّدت ثـــم عرّضـتـنـي متـونـهـا
والنـاس مـا منهـا رجـا تـوعـد وتخلـفـك الظـنـون=حـتـى الامـانــه ضـايـعـه مـــا عـيّـنـت مامـونـهـا
مـاكـل مــن يدّانـهـا يـصـدق و يـوفـيـك الـديــون=مـنـهـا بـــري لانـيــب ضـامـنـهـا ولا مضـمـونـهـا
بلـشـت بعـيـال الظـهـر والـيــوم بـعـيـال الـبـطـون=الله يـكـافـيـنــا عـــيـــال ظــهــورهــا و بـطـونــهــا
لا جيت تضحك لك ولا قفّيـت تضـرس بالسنـون=مـثـل الـذيـاب الـلـي عـلـى البـيـدا تـحـدّ سنونـهـا
وجدي على اللي يسبق الكلمـه بنظـرات العيـون=أدعَــج غـنَـج يـاخـذ مــن الآرام زيـــن عيـونـهـا
ابو رمـوش ٍ ظلّهـا يضفـي علـى ذيـك الجفـون=تعيـش رعشـات الرمـوش الـلـي زهَــت بجفونـهـا
وابو جديل ٍ لا ضوى يسدل على بيض المتون=ليلـة دجـى تصعـب علـى الساريـن مـا يسرونهـا
يـا عـود مـوز ٍ مرتـوي يسقيـه هتّـان الـمـزون=لا هـبّ نسنـاس ٍ مـن الغربـي تميـل غصونهـا
يا مسحة الكف الندي يـا نبضـة القلـب الحنـون=يـــا غـيـمـة ٍ خـيّــل عـلــي بـرّاقـهـا و مـزونـهــا
يا نسمـة العطـر العـذي لا فـاح عطـر الزيزفـون=الـرنــد فـــي طـرّافـهــا والـعـطــر عــطــر ردونــهــا
قالوا لنا بعض المحبه مـن جنـون ٍ فـي جنـون=وانــــا غــريــم ٍ بالـمـحـبـه جـنّـهــا و جـنـونـهــا
لا هان قدرك يا غضيض صباك وحنا ما نهـون=عِـشـرة زمــن مــا اظــن ننـسـاهـا ولا تنسـونـهـا
يشهد على صدق المشاعـر رب مكـه والحجـون=إنــي عـلــى ذيـــك الـعـهـود أحـنّـهـا و أصـونـهـا
أنـت الوفـا سـاس النقـا كِفيـت صـكّـات المـنـون=يــا بلـسـم جــروح ٍ دهــاة الـطـب مــا يبـرونـهـا
بنيت لك وسط الحشـى درع المـوده و الحصـون=تـمـوت عــذال الـهـوى مـوتـة قـهـر مــن دونـهــا

قلم عادل بوبدر

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير

[عبدالمحسن الرحمه]

صوتـك*ترانيمـه*شجَـن*وانـا*بعـ د*كلـي*شجـون = لا*واعـذابـك*يالقـلـوب*الـلـي* تهـيـض*شجونـهـا
دارك*قـريـب*ولا*عـرفـت*البـعـد *فــرّاق*الـضـعـون = و*حــرّ*الـفـراق*يـولّـع*الجـم ـره*عـلــى*غليـونـهـا
الشـوق*يجبرنـي*عـلـى*بــدع*الم ثـايـل*والفـنـون = وانـــا*سـلـيـطٍ*فـــي*مثايـلـ هـا*و*بــــدع*فـنـونـهـا

ياويل حالي على هذا الترف الابداعي من شاعر لا يعرف سوا
التميز بسم الله عليك من كل شر حاسد
شرف لي أول من يرد على هذا الابداع

[نجم الإبداع]

ياسلام عليك يابو بدر

مصافحه جزله ذات شجن

صح لسانك ياشاعر


لاهنت

[هترل]

الله الله
صح لسانك يابو بدر
نص جميل بجمال حضورك يالنشمي
ابدعت وامتعت لاهنت لاهنت

تحياتي وتقديري

[سعيد عوده الحويطي]

صح لسانك عادل ابو بدر على هذه الرائعه ابداع يستحق القراءة مرات ومرات. تحياتي لكم

[داعي الشوق]

صح لسانك مليوون

وطاب حالك يالشاعر

و مافيك حيله

ولاهنت

[الراقي]

لا فض بوحك على هذه المصافحة الرائعه كل الود لك

و صح السانك مداد

[ساهر الليل]

الله الله على الجمال واهله

صح لسانك وقلبك وكلك يامبدع

نص من الوزن الثقيل لايجيده الا انت

جمال لايفوقه جمال ( والصمت في حرم الجمال جمالٌ)

تقبل تحياتي

[الـزلـزال]

عادل بوبدر

نص مميز وجميل
من شاعر متميز ورائع في كل حالاته
أبدعت وأمتعت شاعرنا المميز
دمت بخير وسرور
صح لسانك ملايين ملايين
ولك فائق تحياتي وتقديري