مريت في شارع

[الطائر المهاجر]

مريت في شارع طفح بالمجاري= ومن مر يتلطم ولافيه احساس
سألت شايب يوم مر بجواري = قال خلك بحالك ودرعم مع الناس
وكل من نشدته قال اسأل لجاري= حتى وصلت لبيت مرفوع بالساس
شفت المجاري طالعه للمساري= طقيت بابه دون خوف وهوجاس
طلع لي اعمى قال بالعلم داري= وش لك بشارعنا تبي تثير اوجاس
شارع مكسر ثايرٍ بالغباري= نبي نغسله من رجوله الى الراس
فارق ولا نشوفك بهذي الحواري= وان جيتها فانته من جموع الانجاس
رجعت حزنانٍ واحس بدواري= من ريحة الشارع ومن بعض الاجناس
ومشيت ادور فاهم بالمواري= عاقل حكيم وعارفٍ معنى الاتعاس
لكن لقيت الكل للوقت شاري= وكلٍ يتلطم خوف يرجع بالافلاس
وافز من نومي والاقي جواري= قطو يتبطح مطلقٍ بعض الانفاس

[داعي الشوق]

ههههههههه سواها القطو وطلعت قصيده

القطو خلا العود بالليل ساري
يمشي بلا راي على الناس عساس

متكدر نومه ولاهوب داري
وفي بحر هوجاس العنا صار غطاس

القطو يمكن طاري له طواري
يبي يتقاضا منك يا لطير قرناس :d

[منيع]

الابيات لها مغزى اخر وليس من باب الفكاهه اوالتندر
الله يستر منك يادكتور الظاهر اخر كتاب قريتة كليلة ودمنة
شكرا لك
تحياتي

[بنت النور]

وش فيكم على الدكتور
قال ابيات وهذا اللي صاير الان من جد
صح لسانك يادكتور
ولا عليك منهم
لاهنت

[الطامي]

صح السانك
ولاهنت

[عبدالله الشويمان]

صح لسانك يا أبو عبدالله

طرح جميل في ابيات رائعة تحكي الواقع.

لا هنت لا هنت