ياسرعها مرت

[الذيب الذيب]

السلام عليكم
قصيدة بمناسبة العام الجديد

ياسرعها مرت سنين وتعدت=واعمارنا تطوى وتنقص معاها
عام ٍجديدٍ حلً واعلوم جدت=وعامٍ رحل في حلوها مع غثاها
ماخبرت ايامٍ مضت ثم ردت=مافات مات ويحسن الله عزاها
ياما بنت لبيوت وبيوت هدت=يوم انّها دارت علينا رحاها
تقبل على ناسٍ وعن ناس صدّت=دنيا العنا دايم كثيرٍ عناها
واشوف لي خلق عن الحق لدت=تطرد ورا دنياً قصيرٍ مداها
ياليتها ليومٍ طويل استعدت=قبل انها تفلت ويقطع رشاها
ياحظّ من فيها علومه تقدت=الله على درب الهداية هداها
مامشيت ادروبٍ على النار ودت=نارٍ توقد ما افلح اللي غشاها

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[داعي الشوق]

االه الله يابن بشري

صح لساااانك وطاب حالك يا جزل

الجزاله حاضره هنا بقوة

وكل عام وانت بخير

وصح لسانك مدد
والحمد لله على السلامه

[منيع]

جزل ومبدع
شكرا لك
تحياتي لكم

[الذيب الذيب]

صحت ابدانكم واعتلى شانكم ولاهنتم جميعا
شكرا لكم تحياتي وتقديري للجميع

[الطامي]

صح السانك ياعايض
قصيدة طيبة تحاكي واقع كلنا ماشين فيه
الله يعيننا واياكم على الدنيا بخير
شكرا لك

[الذيب الذيب]

صح بدنك ولاهنت يالطامي

[بنت النور]

صح لسانك وعلتى شانك
لاهنت

[الذيب الذيب]

صح بدنك وشكرا لك يابنت النور