موجهه

[ابو أنس]

الشاعر صالح السكيبي شاعر عرفته من خلال برنامج شاعر المليون وكان مميزا وله حضور مميز كنت استلذ لمتابعته واطرب لكلماته وكنت انتظره ان يصل للنهائي ولم يخدمه التصويت . او هكذا بدا لي. وفي الحقل الختامي جاء ترشيحه من الشعراء بإسم يليق به فجاءت تلك البويتات وهي موجهه للأخ الشاعر (سناعيس)سليمان السكيبي
وللجميع حق القراءة والمداخلة والنقد

يالسكيبي اوقف اوقف وانتظر مني رساله=رح لابن عمك وسلّم والهدف قل له كفو
يوم ورد اليوم وردن به على المارد حباله=رشحوه وميزوه وله بها الحق انصفو
شاعر(ن)يهوى المكارم ما التفت يم الحثاله=ما ورد عكر المشارب ما يبي غير الصفو
يوم عادوا وانصفوا له قلت عادوا للأصاله=حق له ما هو وهيبه تو للحق اعرفو
جابو اسمه وارتكز شَعري وانا احب الشكاله=إيه احب الشعر من شاعر ليا قال اهتفو
واعشق القول المهندَس واعشق الفكر وخياله=واطرب لإبداع شاعر عِد لو غيره حسو
ياالسكيبي خذ رساله ودها راعي الجزاله=شي في نفسي وابيك توصله قولي كفو

12/3/1428هـ

[كريمة محمد]

ياالسكيبي خذ رساله ودها راعـي الجزالـه
شي في نفسي وابيك توصله قولـي كفـو

الشاعر ابو أنس
جمييع ما خطاه قلمك واناملك
تسلم لنا اناملك يالغالى
ودمت ولا هنت
اختكم
كريمة

[سناعيس]

الغالي أبو أنس
صح لسانك
وكفو كفو كفو
ويقولون من طول الغيبات جاب الغنايم
أبو أنس الانسان
وجهت وأبدعت وقلت فأجزلت
لله درك من شاعر تأبى الكلمات الا أن تعانق قريحتك الشعريه فتنتثر كاللآلئ

تحياتي

صح لسااانك وفكرك اخى الغالى
وبيض الله وجهك
قصيدة جزلة
تسلم اخى
وارجو ان تتقبل مرورى واعجابى
تحياتى لك

يسلمووو اناملك اخى الشاعر
ابو انس
قصيدة روووعة
الله يعطيك الف الف عافية
ولك منى فائق التقدير والاحترام
تحياتى لك
.............................. .......

مشكووور اخى على هذا الابداع
كلمات عن جد روعة وقوية
تسلم خوى
ودمت بود

اي والله كفوووووووووو

أبو انس صح الله لسانكـ مليــار يالطيب

جزلهـ من شاعر جزل وله وزنهـ..


تسلمـ يمينكـ


ولاهنت ..

شيخـ القوم ــة

[يزيد النمي]

عز الله انه كفوووووو
شاعر مبدع ومحترم ويستاهل كل خير
صح لسانك يابو أنس واعتلا شانك
من طول الغيبات جاب الغنايم
عاد عقب هالغيبة انتحرالك في شاعر المليون الجاي حتى ان تنتقل راية شاعر المليون من قطر للحريق لكن الله يستر عليك عقبها

[الــذاهبه]

الشاعر ابو أنس

قصيده رائعه

صح الله لسانك

دمت بخير

[عبدالله الشويمان]

المشاركة الأصلية كتبت بواسطة أبوأنس

الشاعر صالح السكيبي شاعر عرفته من خلال برنامج شاعر المليون وكان مميزا وله حضور مميز كنت استلذ لمتابعته واطرب لكلماته وكنت انتظره ان يصل للنهائي ولم يخدمه التصويت . او هكذا بدا لي. وفي الحقل الختامي جاء ترشيحه من الشعراء بإسم يليق به فجاءت تلك البويتات وهي موجهه للأخ الشاعر (سناعيس)سليمان السكيبي
وللجميع حق القراءة والمداخلة والنقد

يالسكيبي اوقف اوقف وانتظر مني رساله=رح لابن عمك وسلّم والهدف قل له كفو
يوم ورد اليوم وردن به على المارد حباله=رشحوه وميزوه وله بها الحق انصفو
شاعر(ن)يهوى المكارم ما التفت يم الحثاله=ما ورد عكر المشارب ما يبي غير الصفو
يوم عادوا وانصفوا له قلت عادوا للأصاله=حق له ما هو وهيبه تو للحق اعرفو
جابو اسمه وارتكز شَعري وانا احب الشكاله=إيه احب الشعر من شاعر ليا قال اهتفو
ياالسكيبي خذ رساله ودها راعي الجزاله=شي في نفسي وابيك توصله قولي كفو

12/3/1428هـ

الاخ ابو انس

صح السان صح السانك

رساله جميله عنوانه الحب ..

والشاعر صالح السكيبي على ما قلت ونقول (كفو ) .

لا هنت انت وسناعيس.

ولكم تحياتي