محاورة 3 مارس رقم(1)

[الطائر المهاجر]

الصريح=
جنّبوا ياناس عن برقا وروق=قبل نقشطكم اليا حد العراق
صداح=
المهاجر خابره ماهو سروق = بس رجلآ فيه نوع من النفاق
فلاح=
هاتها ياعود واشعلها بروق = من جميل السجع وان تبغي طباق
صنداح=
يافلاح ان كان في بديك طقوق = لاتسابق مانت قادر للسباق
المهاجر وقفت فيه العروق = صايبه باحدى العضلات انزلاق
الصريح=
ماحسبنا للكذوب ولا حسبنا للسروق=وان بغيت فراق وما حولك فراق
فلاح=
انت ياصنداح دايم ماتفوق = شوف رمية صاحبك والانفراق
صنداح=
وانت تاكل بالسنون وبالشدوق = والعلوم تزين من حسن الذاق
فلاح=
يحسب ان القاف لعبه مع صفوق= مادرى ان الحرف ياجيه انفتاق
انت ياصنداح لاتغدي شفوق= بانت العوره وخلصنا السباق
المهاجر=
حال ابن سرحي رعود ابلا بروق= لا المطر شفنا ولا شفنا غراق
جاكم المنشار ينشر في المروق= سيفه الأصلي مثل لمع البراق
فلاح=
نسهر الليله ليا وقت الشروق = عودنا كنه يسابق له براق
صنداح=
انت ياسواق ماتعرف تسوق = ظاق في البال وبك الكون ظاق
المهاجر=
وانت ما تعرف غروب ولا شروق= هرش ضايع بين صبحا والعراق
فلاح=
بل ياصنداح بالماي العروق = واترك الي وارثٍ طيب الشقاق
المهاجر=
لاهو محصل صبوح ولا عبوق = ولو تجمل مابغاه من العتاق
صنداح=
الغليم هج والعود مخنوق = يابن سرحي ماعلى الدنيا وثاق
المهاجر=
وان بغيت العلم انا منك شفوق= مابغيت ارميك في جب احتراق
فلاح=
خف من الرحمن يالعود السبوق= يالذي عندك لصنداح اختراق
المهاجر=
برطمك يقطر وبه كثر الشقوق = لاجنى للشوك ولا حس المذاق
فلاح=
حسبي الله كل ماقلنا يتوق= اثر عودك شاربن قاز ه وعاق
المهاجر=
مابقى بك غير نبضات العروق= حتفك اقبل في مقابيله يساق
صنداح=
الطعام اللي تريقته ريوق = جايبه من وين ياراع النياق
فلاح=
روح ياصنداح واشكه بالحقوق = وانا باشهد وانت ضيق بالختاق
المهاجر=
كلما حس الصريح انه مخنوق = قال اغير قاف او انوي الفراق
والعرب كل على راس زرنوق= كل يدور عذر من خوف ترياق
فلاح=
ياعود ما ينقع الزير مشقوق= حتى الزلامي سار مخفي بالانفاق
صنداح=
ماعاد ياشعار للمعني فروق = ولا حد يفكر بالسمسك من الدقاق
المهاجر=
يوم جيت ياعنتربسيف فاروق= كلن تهرب في الملاقا بالإشفاق
صنداح=
ياصحابنا اللي تسوون الزنوق = فلاح بن منشار فوق العود ظاق
فلاح=
مادري عن الاصحاب بالسوق = كني عليهم شلت لي سيف محاق
صنداح=
اللي من الايام في صدره فتوق = يصبر شويه لايجيه الانشقاق
المهاجر=
رعد بلا امطار لو جاء على بروق= هذا الصريح لنحشته دوميشتاق
فلاح=
ياعود وش رايك في القاف منتوق= والا نمشيها وماصار ينلاق
صنداح=
الراس فيه الشعر والذق محلوق = والجسم من جور الزمن غادي حراق
المهاجر=
رمية سلاحه رمية البيه مطفوق= تراعد يدينه وفي القلب دقاق
فلاح=
ياصاحبي خلك معي بالهوى طوق = وشبك تحاربني وشغلت دقاق
صنداح=
يهزني عليك يافلاح شوق =والعود مابي منه ياغيرالفراق
فلاح=
ياصاحبي لاتاكل الرز مسلوق= خلك على الحنطه وشكل بالاطباق

[الطامي]

بن سرحي
الطائر
صنداح
فلاح
جميعا لاهنتو وصح السنتك
عمالقة الشعر
الوجه بالوجه
الله عليكم
رائعه وفريدة من نوعها

[داعي الشوق]

بن سرحي
الطـــــــائر
صنــداح
فـــلاح

صح لسانكم على هالمساجله الممتعه

هكذا هم الفطاحله

إبداع بلا حدود

صح لسانكم قلطة اسطوريه لا تتكرر

[محمد الأحمري]

هههههههههههههه
صح لسانكم جميعاً
وبيض الله وجيهكم
جمال وفكاهه
تحياتي لكم

ياعيني عليكم كلكم صح السنتكم