( كوكب القلب )

[سعيد الصاعدي]

مرثيه ..........
في اخي //محمد بن عطاالله الصاعدي رحمه الله

كــــــــــــوكــــــــــب القلـــــــــــب

تسعة عشر نفرح وتسعة عشر آه= عقب الفرح للحزن جيش يسيقه
ولا الفرح في موت منهو فقدناه=وضؤ الفرح ماعاد يضؤي بريقه
وسحاب حزني(كوكب القلب) غطاه= ورياح خوفي زايد في صفيقه
اعيش وقت مخلفات نواياه= دون الامل احزان وقت تعيقه
مالوم عيني دمعها لو نثرناه= تبكي عزيز في فوادي حريقه
في وسط قلبي بالحشاء نار تصلاه=في مهجتي شبت جروح عميقه
وآويل قلبي يوم نزل بمثواه=انهد حيلي والمدامع غريقه
من عقب "أبو يوسف" تراء الزين عفناه= والحزن من مر التعاسه نذيقه
يالله ياواحد ملايين تخشاه= عسى عظامه عن جهنم عتيقه
يالله تغفر له وتسمح خطاياه=وانك تفرج ساعة الجمع ضيقه
وانك تعين اللي شكى نار فرقاه=يقولها من ذاق فرقا شقيقه
بموتكم تبكي المحبين وعداه= ماله معادي من يعرفه صديقه
انظر لموتي عقبكم واتحراه= ادور موتي واتعرض طريقه
فين الوفاء ومعاشر الطيب نلقاه=الطيب فاقد من بعدكم رفيقه
ببكي واسيل واديا(ن) مانثر ماه=برسوم وجه مشقيات الخليقه
بوسوم حزن من نظر فيه بكاه= ياكيف صبري والمشاعر رقيقه
ادعي رحيم مايمن بعطاياه=يعطى بيمنى يوم عرض الوثيقه
حكم من المولى ولابد نرضاه= مكتوب لك بالثانيه والدقيقه
تسعة عشر نفرح وتسعة عشر آآآه= حلم فرحها والتعاسه حقيقه

(تحياتي للجميع)
س / ص

[نجم الإبداع]

الله الله

صح لسانك ياسعيد

قصيده جزله


ابدعت ياشاعر

لاهنت


تقبل مروري

وودي

[سناعيس]

سعيد الصاعدي
الله يرحم أخوك ويسكنه جنات النعيم
ويرحم امواتنا واموات المسلمين اجمعين
وصح الله لسانك على هذه المرثية المعبره

لاهنت

تحياتي

[الطائر المهاجر]

جزل ومبدع
الله يغفر له ويرحمه ويتقبله في فردوسه الأعلا
ويجمعكم به في مقر رحمته
صح لسانك
ولاهان راسك
تحيتي واحترامي

[صوت الإحساس]

حضور قوي يا الصاعدي


الله الله




بيض الله وجهك

وعظم اجرك


وغفرله ورحمه



صادق الود

[داعي الشوق]

أحسن الله عزاكم يا سعيد

والله يصبركم على فقد الغالي

ويرحمه الله ويغفر له ان شالله

وصح لسانك ،

شعور وجداني والله يعينك يا سعيد

لك تحياتي مع التقدير

ودعائي لك ولذويه بالصبر والسلوان

،،،،،،،،،،،،

[عبدالله البهلولي]

صح لسانك ملايين
وتقبل الله الفقيد في رحمته
ودمت بالف خير

وكل عام وانت بالف خير

[الـزلـزال]

سعيد الصاعدي


عظم الله أجركم ورحم ميتكم

وأسكنه فسيح جناته

أبدعت في وصف ألمك والله يعينك

صح لسانك ملايين ملايين

لك تحياتي

[مشاري بن محمد]

الله الله الله يا سعيد


صح لسانك وعلى شانك


وصفك مؤلم جدا


واسكن الله فقيدكم الجنان


امين

[حوريه]

سعيد الصاعدي
الله يرحم أخوك ويسكنه جنات النعيم
ويرحم امواتنا واموات المسلمين اجمعين
وصح الله لسانك على هذه المرثية المعبره
صح لسانك ....ولا هنتــــــــ.................