جديدي ..{ حكم الإزالـه}

الله أكبر انتهت عشرة الزين=والله أكبر ضاع مني وصاله
والله أكبر انزلت دمعة العين=والله أكبر كيف بأقوى زواله
والله أكبر بين جمع المصلين=والله أكبر فالخلا وارتحاله
والله أكبر عد رجم الشياطين=بالشهب من ربِ عظيم جلاله
من بعد كنا نرتجي يوم حطين=يرفع ستار الظلم بعد انسداله
صرنا نفاوض في قضية فلسطين=والقدس يبكي في يدين الحثاله
وكل بقعه طاهره صارت الحين=تشكي من المحتل ونار احتلاله
حتى بقلبي كان قصر السلاطين=وبطاغوت ظالم كان حكم الإزاله
هَدّوه جعل الموت فال الملاعين=اللي بلوني شيء صعب احتماله
ماني صلاح الدين أو ناصر الدين=أنا متيـّم فيه ما أرضى بـداله
لكن بأصلي واطلب الرب تمكين=واطلبه ريحٍ صرصرٍ من خلاله
تهوي بها جدران ماهي ببرلين=جدران بيته فوق راسه لحاله
ويرزقه ربي صوتهم عنه مقفين=بعد ادفنوه وكل حيٍ دعى له
في حينها يذكر قلوب المحبين=اللي حرمها وكل شيءٍ طراله
وفي وقتها يذكر طعون السكاكين=اللي بحشايه قال عنها سهاله
مايدري إن كليب خاصم كثيرين=وجساس ناله برمح كله جهاله
والزير سالم كان ثاره بثارين=وسبّة جبير أبوه كف اعتزاله
وللحق حلٍ ما اعتقد كان حلين=حتى الجرو في يوم.. بَارز خواله

[الطائر المهاجر]

أهلا ومرحبا بك أخي الكريم
مصافحة رائعة من شاعر مبدع
لاهنت ولاهان مغليك
صح لسانك مليون
تحياتي العطره

الطائر المهاجر


الله يسلمك ويبقيك


لم تكن أبياتي قصيدة


إلا بعد هذا المرور الميمون




صح بدنك وطاب فالك



كل التحايا لك

[الخنساء]

صح لسانك اخى الشاعرفارس

لاهان راسك قصيدة رائعة

سلمت وسلم شعرك

دمت بخير

[مبروك بن ماضي]

الاخ الفاضل الشاعر / الرمق الأخير
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[الأموره]

الله أكبر انتهت عشـرة الزيـن
والله أكبر ضاع منـي وصالـه
والله أكبر انزلت دمعـة العيـن
والله أكبر كيف بأقـوى زوالـه

الرمـق الاخـير ،،

يا هلا بك في الفطآحله

و صح لسـآنك ملآيين على هذي الرآئعه

سلمت و سلم فكرك

ألف شكر لك

دمت برعآية الخآلق ،،

[دايود صالح الخلف]

صح الله لسـانـك مدد بلا عدد

ولا هنـت

جزلـه من راس جزل

والله يعين المسلميـن !!

تحيتي

[داعي الشوق]

صح لسانك يالشاعر الرمق الأخير

أبدعت بشكل رائع يا فارس

وحياك الله وألف هلابك

وصح لسانك مع التحية لك

،،،،،،،،،

[النهج المختلف]

فارس الحربي صح السانك ,,,,,
قصيدة جزلة من شاعر جزل ,,,,
الله يعطيك العافية لاهنت يالغالي ,,,,
حياك الله يفارس بين ربعك وخوانك ,,,,
تحياتي وتقديري ,,,,

[عبدالله راشد الثويني]

صح لسانك وعلى شانك
أبيات با الصميم تسلم والله ها الانامل
والله يعين المسلمين
وُدي