الهاجس اللي البارحه طيّر النوم

[حي الضمير]

شاعرنا العلم الطائر المهاجر
انت شاعر الحكمه ولاجديد عندما تبدع ياعميد
ومدد صح لساااااااانك

[ابومياس]

اخي القدير وشاعرنا الراقي

نص جزل من شاعر جزل

ابهرتنا بجمال المعنى وروعة الاسلوب

عانقت بهذا النص الفاخر قمة الهرم

صح لسانك وبيض الله وجهك
دمت بخير

[الخنساء]

المشاركة الأصلية كتبت بواسطة الطائر المهاجر

الهاجس اللي البارحه طيّر النوم= صحّى الجروح الغافيه في ضميري
عشرين عامٍ ما بها صافي اليوم= ومن بعدها عشرين عيشي مريري
واليوم طعنات الغدر جات بالكوم= من جاحد المعروف ناكر لخيري
مقدر ابينها ولو صرت مكلوم = ولا اقدر على كتمان نار السعيري
ولا اقدر احارب من تجي منه كالقوم= مهما تمادى دون عقل ونظيري
باسباب من لاخاف شومٍ ولا لوم= ولاخاف من ربٍ عقابه عسيري
الحقد في قلبه على الطول موسوم= لئيم طبع وللنذاله سفيري
يبيني افرط وامشي بدرب ملغوم= ما يدري اني في طريقي حذيري
ان كان داويته مثل أي منجوم= اخشى غبارٍ يعمي اللي غريري
من جاهل مايعرف الغطس والعوم= ياخذ بهرجه ماطلب للشويري
وان كان خليته مثل اي مطموم= جاني الخياس بشره المستطيري
يعني كذا وإلا كذا الحل معدوم= حتى يشاء ربٍّ بحكمه قديري
ودامي على درب النقاء مقبل السوم= ماهمني من بالحقد كالبعيري
ومهما يطول الوقت فالحق ملزوم = يظهر ويدري به عمى لو بصيري
اصبر على بلواي لو كنت مضيوم= وارجي الفرج ممن عليم بضميري

صح لسانك ولاهنت
ابيات رائعة وجزلة
سلمت ودمت بخير

[حمود السكراني]

الطائر المهاجر صح صح نبضك يالغلا

اصبر على بلواي لو كنت مضيـوم
وارجي الفرج ممن عليم بضميـري

سبحانه فارج الهم وكاشف الغم

سلم نبضك ياشاعر

[همس الورد]

الدكتور عثمان العبد الله

قصيدة رائعة من شاعر رائع

صح لسانك مليون و بيض الله وجهك

	اصبر على بلواي لو كنت مضيـوم وارجي الفرج ممن عليم بضميـري

[صعبة المنال]

صح لسااااااانك

مدد

صعوووب

[الطائر المهاجر]

شكرا اخي مبروك
على كريم الحضور والتفاعل
لاهنت
تحياتي

قصيده رااائعه

جميله

تستحق المرور مجددا

سلمت

[صعبة المنال]

للتميز عودة

صح لسانك

صعووووووووب