في ثالث العيد

[عبدالله الشويمان]

السلام عليكم ورحمة الله وبركاته..
هذه قصيده من الاشيف,,
اتمنى ان تلاقي ولو قليل من اعجاب القراء..

في ثالث العيد القدم بامر الله=حثت خطاها ما تبي مجلاسها
عدَّت بي بعالي مشاريف ديرتي=أمتع الناظر بزاهي إلباسها
ومن اعتلا خرطم تزايد علومه=عن ديرةٍ تحيا قوي أساسها
المذنب اللي عمها كِلهَا الحيا=من وسطها حتى أقاصي اعساسها
يحدها اوثيلان إلى رحت مِجْنِب=وحدود ابو غارٍ شمال اقياسها
ومن شرق لين انك تشوف ام الحزم=والشْقَيِّقَه من غرب فيها اغراسها
ديرة هل النخوه مذللة الصعاب=اللي بطيب الفعل هم نبراسها
محلا طبيعتها يحليها النخل=اللي عليها الورق غنى إلناسها
ومعها الطيور مرفرفاتٍ تغرِّد=وقت الصباح إلين وقت إنعاسها
مد النظر اشجارها والمزارع=من فضل ربي لطَّفَت نسناسها
اهل الشيم واهل الكرم هم أهلها=حمايلٍ تحرص على نوماسها
كلٍ وضع لبنه الين ان البناء=علا بديرة عز يرفع راسها

عبدالله الشويمان-الرعد

[الطائر المهاجر]

صح لسان وفكرك
والنعم بك وبخرطم والمذنب واهله
جزلة وطيبة من راس طيب
لاهنت
تحياتي

[منيع]

ابيات اكثر من رائعة
والنعم فيكم
تسلم اخي الكريم
ربي يرعاك
تحياتي

[الطامي]

الشويمان
صح السانك
رائعة جدا رغم قدمها
لاهنت بو بدر

[داعي الشوق]

صح لسانك مليوون يالرعد

و الله يغيثنا و يغيث البلاد و العباد

قصيدة جدا جميلة

شاملة الوصف الجغرافي بشكل دقيق



و صح لسانك

و لاهنت

[الراقي]

بيض الله وجهك وصح السانك لين ترضا

جزله من راس جزل

[الـزلـزال]

عبدالله الشويمان

نص رائع وجميل
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[سمّار]

صح لسانك يابو بدر
وونعم بك وباهل المذنب من طرفها لين طرفها
قصيدة طيبة ,ووصف وافي
تعيش وتعيَّد وانت ومن تحب بالف خير وتجينا بمثلها
لاهنت وكل عام وانت بخير

[نجم الإبداع]

صح لسانك يابو بدر

وكل عام وانت بخير وونعم بك وبربعك

لاهنت

تقبل مروري

وتقديري

[السويد]

سلم اناملك وفكرك
لاهنت
تقديري واحترامي