كل رجلٍ عظيمٍ من وراه امرأه

[الطائر المهاجر]

كل رجلٍ عظيمٍ من وراه امرأه= حكمةٍ من كتبها ما درى وش يصير
في زمانٍ تغيّر جاه ما غيّره= يوم صارت تقوده مثل قود البعير
ويوم صار الرجل في "النت" ما امكره= يكتب بْإسمها والكذب حبله قصير
سرع كشفه علينا ما هقى نحجره= لو تلون ولون ما لقى من مطير
الغريبه بعضهم بالعقل مااكبره = لكن اللي يسوّي لو يفكّر خطير
ولو يناديه واحد يالمره.. ينحره = كيف يرضى لنفسه بإسم هند وعبير
ظنتي لو تكلّم مالقى المعذره = شاعرٍ عند نفسه في القوافي خبير
ولا نشر له قصيده كلها مكسره= ولا انتقد ركب راسه شاف حاله امير
كيف ينقد وهو الشاعر وهو عنتره= مادرى النقد للأشعار امره يسير
ماهو لشخص ذاته او أصل يفخره= ولو تقبّل تعلّم مثل غيره كثير
الشعر بالتعلّم كلنا نخبره = محد يولد وهو شاعر ولو هو جرير
بين حبل الرجوله والخكارى شعره= ومن تسمى بإسم البنت خكري حقير
وكل مرأه خبيله خلفها محفره= ناقصٍ بالرجوله لو بربعه كبير

[داعي الشوق]

ماهو لشخص ذاته او أصل يفخـره
ولو تقبّل تعلّـم مثـل غيـره كثيـر

،،،،،،،،،،،،،،

صح لسانك يالطائر المهاجر

قصيدة تحكي واقع وأنواع من البشر المتقلب

رائعة جدا و رسالة واضحة

صح لسانك مع التحية لك ،،،

[الخنساء]

صح لسانك مشرفنا

لاهان راسك قصيدة راائعة

تترجم الواقع الاليم

سلمت وسلم شعرك

دمت بخير

[عوض سحمان العتيبي]

يالطائر المهاجر

قصيدة تحكي واقع وأنواع من البشر المتقلب



صح لسانك واعتلى شانك
جزله من جزل

[منيع]

ضربة حجر ب عصفورين

تحياتي

[حوريه]

سرع كشفه علينا ما هقـى نحجـره
لو تلون ولون ما لقى مـن مطيـر

صح لسانك.. يالطائر

قصيده رااائعه تحكي عن الوااااقع

دمت بخير وداااااالشعر

[سعيد الصاعدي]

الاخ الفاضل / الطائر المهاجر
صح لسانك لاهنت
تسلم ويسلم فكرك يالغالي
أخــــــــــوك
س / ص

[الأموره]

الله يالمهآجر ،،

ابيات قويه و ربي

لكنها حقيقه ،،

صح لسـآنك يا رب

و سلم لنا هالفكر المبدع

الف شكر لك

دمت برعاية الخالق

[سناعيس]

صح لسان وبيض الله وجهك يابو عبدالله
على هذه القصيدة التي جاءت لتحرك بعض العقول النائمه
لاهنت
تحياتي

[محمد عبدالله البدراني]

العزيز الغالي الطائر المهاجر سلمه الله


صح السانك وعلا شانك

لاهنت يابو عبدالله

قلت ووفيت وكفيت

ابيات قمه تعالج وضع منتشر وخطير لله دررررك


تحياتي