في موضوعي انت المعني

[عبدالله الشويمان]

السلام عليكم ورحمة الله وبركاته..

من جديدي القصيده التاليه..وهي بمناسبة اسبوع المرور لهذا العام 1430 هـ..
اتمنى انت تحصل ولو على جزء بسيط من الاعجاب..وتحقق قدر لا بأس به من الهدف المنشود.

يا سايق ودي تسمعني=والى سمعت فطاوعني
في موضوعي انت المعني=ولا به شك ولا جدال
السلامه ودك فيها=لكن تكفا لا تخطيها
في كل دروبٍ تمشيها=إنتبه يابن الحلال
دامك راكب بالسياره=عاين للدرب ومساره
تسلم من انواع اضراره=ماهي صعبه يا رجال
ان صال بنغمه جوالك=خله لا يجي في بالك
تراه من اقشر حلالك=جيد في تبذير المال
ليته على المال وبس=يمكن باسبابه ترفس
ثمِّن توضع وسط الرس=كله من سو الافعال
الله يحماك ويفكك=من واحد مسرع يصكك
وانت بطريقك متلكك=لاهي اتكلم بالجوال
كانه كلامٍ فهو اشوى=لكن الرساله اقوى
خوفي تحدك للبلوى=تكتبها ردن بالحال
تستقبل وترسل نكته=واللي من حولك ما شفته
ما تسمح حتى في لفته=يمينك ولا شمال
لا تشغل غيرك بافعالك=اللي وراك ويبرالك
منتب بالسكه بلحالك=ولا بالصحراء همال
ومنتب تراك معذور=ولاحدن بفعلك مسرور
ولو شافك رجل المرور=يمكن يربطك بأغلال
كانك هاوي قرق وجازم=وقف جنب وقم باللازم
أكتب واحزم بالمحازم=وارسل لين ايطيب الفال
هذي نصيحه يالسايق=خذها وبالك خله رايق
لا تصير إلخلق الله عايق=وتحدحدهم على الجال
واختم كلامي وانهيه=يا جعله كلن راضيه
من أوله الى تاليه=حقق يالله الآمال

عبدالله الشويمان-الرعد

[صنداح الزلامى]

تشفرت بان اكون اول من تصفح هذه

الباذخة والمفيده جدأ

ابو بدر بيض الله وجهك


وصح الله لسانك يابن الوطن المخلص

يالوفي اتجاه وطنك واخوانك تعبر لنا بهذا النصيح المفيدة

قلت من الشعراء ان يتطرق مثل هذي الامور

اشيدبك واشد على يدك في وطنيتك ومحبتك للظام

اساس وفاك وعطاك ايه المواطن وعسى فينا من

يحذو حذو شاعرنا عبدالله الشويمان التي وظف شاعريته

للنصح والفيادة وليس للترف و غيره كما ان الشعر رساله

من استغل المهوبه وادى الرساله وفق خيرأ

[رفيعة الشان]

لا تشغـل غيـرك بافعـالـك=الــلــي وراك ويـبــرالــك
منـتـب بالـسـكـه بلـحـالـك=ولا بـالـصـحـراء هــمــال

الله
وكأني ارى القصيدة
تمثلت في هذين البيتين
صح الله لساانك شاعرنا الفاضل
واحييك على هذا القصيد المفيد والهادف
الله يواجرك

ولاااهنت

[داعي الشوق]

دائما ما يكون لك سابقة رائعة في كل موضوع يهم المجتمع يا بو بدر

لله دررررررررك يالرعد

شاعر وطن و صاحب رسالة للمجتمع الواحد

صح لسآآآنك مدد بلا عدد

تحياتي لك مع التقدير

،،،،،،،،،،،،،،،،،،،،،،،

[الحــ فهد ــربي]

أبن شويمان

صح لسانك وإعتلا شانكـ ,,

هذيـ نصيحهـ ولاهي مستغربه عليك ابد ,,

تسلم وعسى الله إن يفيد بكـ وبما تقدمهـ للمجتمع بأكملهـ ,,

تحياتي لكـ ,,

[ترانيم المطر]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

[حوريه]

قصيده اجتماعيه وافيه من وافي

عبدا لله الشويمان

صح لسانكـ و احساااااسك

ودااام عزكـ


.

[سناعيس]

الله الله
دائما انت في الحدث
صح لسانك يابو بدر
على هذه الاجتماعية الرائعه
صغتها بحرفنة الشاعر ولاهي غريبه عليك لله درك

تحياتي

[نجم الإبداع]

صح لسانك يابو بدر

قصيده راقيه ونصائح طيبه

ابدعت ياشاعر

لاهنت

تقبل مروري

وتقديري

[عذب القوافي]

صح لسانك

ابوبدر

نصيحة جميلة

والله يعطيك العافية

لدي استفسار اخي الرعد عن هذا البيت

ثمِّن توضـع وسـط الـرس,,,,,,,,,,,,كـلـه مــن ســـو الافـعــال

هل هناء خطا غير مقصود

والمقصود الحبس

تقديري ,,,,,,,