احمد رده الحارثي

[احمد رده الحارثي]

,,

,,

,,

بدايةً

اليكم هذه المتواضعه

اتمنى ان اكون وفقت في اختيارها

اببدا ما بقف عالرجم والا اوقف على الاطلال=ولاني قايلا يا وجد روحي يا معنيها
سرا صوت الشعر باصدق مشاعر في بيوت جزال=بيوت جزال واصعب ذايقه فالشعر ترضيها
على صهوة سبوقاً عبقريه تتعب الخيال=تحقق حلم نفسا ما تحقق ربع امانيها
سبوق تحطم قـْـلوب العداه وتقهر الانذال=عيون الناس فالمضمار ما تلحق خطاويها
مهي مهرة ردياً صابها ضعف , ومرض , وهزال=من سنيناً طويله ناشبه في حلق راعيها
ابدخل في الصميمْ , وشرهة الحمله على الجمال=يودي حملته , والا يقصر ما يوديها
ماْ ساورني شكوك ولا اجتلد في داخلي زلزال=عيون النقد تكشف سترها وتبيح خافيها
ابكتبها عروسا فاتنه في مشيها تختال=توقف كل عشاق الجمال وتنبهر فيها
ابكتبها ملاكْ وْكلها طهر وسمو واجلال=قصيده شامخه في عين سامعها وقاريها
اذا عديتها بين النشاما طيبين الفال=تشرفني بوزن ابياتها , والا معانيها
وانا كنز الرجوله وارثه , لو ما ورثت ريال=ورثته ضمن عادات ومبادي ما اقدر احصيها
ولي فعل الجمايل طبع ما هو كذب والا اقوال=ما دام ان الجمايل ما حدا يعدم جوازيها
ادوس اقسى المخاطر , والظروف تبين الرجّـال=اذا هاب الردي حتى الصغاير لا يعديها
كتبت الشعْـر مدري هو كتبني غطرسة همال=يعبر عن مدى شوق ارض للهمال يحييها
كتبت الشعْـر شامخ شمخة الحرّث هل الافعال=بدون قصور فافعال القبايل دون اسميها
كتبته سيل رحمهْ , وزنه الما , والمعاني جْـبال=شموخ الارض فكرَهْ , والقوافي اشجار يسقيها
كتبته عز شجـْره وارفه , فيها ثمر وظلال=يظلل راس رجلا ياخذ الجزله ويعطيها
كتبته سيف في وقت اللوازم يردع العـيَّـال=وللصاحب سلام , يخلد افعاله ويرويها
كتبته غيض , مدري هيض , مدري حلم جا رحال=وسرقني من عنا الايام في غفلة لياليها
كتبته قلب ينبض بالحياه , ولا هو بْتمثال=يجاهد لاجل يبقى في القلوب ويحتفل فيها
كتبت , وما نويت بما اكتب الشهره وجمع المال=يكفي ارضي غروري وارسم الآمال وامحيها
وانا لا قلت شعر وْلا اعجب الحساد والعذال=انا ماني مكلف بالعباد بشعري ارضيها
اذا قلت القصيده ما استمع للاش مهما قال=يسب حروفها واوزانها والا يزكيها
انا يكفيني ان مرت على واحد من العقـّـال=ليا منه سمعها قال صح لسان راعيها

ابو فارس

[الطائر المهاجر]

مصافحة رائعة من شاعر رائع
صح لسانك وفكرك
ودام ابداعك
تحيتي ومودتي

[منيع]

ياسلام عليك
ابداع وتميز
بارك الله فيكم
تحياتي وتقديري

[الـزلـزال]

ابكتبـهـا عـروســا فـاتـنـه فـــي مشـيـهـا تـخـتـال=تـوقــف كـــل عـشــاق الـجـمـال وتـنـبـهـر فـيـهــا
ابكتبـهـا مــلاكْ وْكـلـهـا طـهــر وسـمــو واجـــلال=قصـيـده شامـخـه فــي عـيــن سامـعـهـا وقـاريـهـا
اذا عـديـتـهـا بــيــن الـنـشـامـا طـيـبـيــن الــفـــال=تـشـرفـنــي بـــــوزن ابـيـاتـهــا , والا مـعـانـيـهــا

احمد رده الحارثي
مصافحة راقيه ووافيه وجزله
من شاعر متميز وراقي وجزل في ماقدمه لنا
أبدعت شاعرنا وأمتعت
سرني تواجدي بين حنايا حروفك الجزله
صح لسانك ملايين ملايين
ونتطلع لجديدك القادم
تقبل فائق تحياتي وتقديري

[احمد الكثيري]

سمي سلمت على هذا النص الراائع والجميل
نثرا الروعه والجمال هنا وكان عنوان التميز حليفك
وفقك الله تعالى

[الطامي]

ابو فارس
صح السانك ملايين
جزلة من جزل
شكرا لك

[عذب القوافي]

صح لسانك

وافية من وافي

يعطيك العافية

يالغالي

تقديري ,,,,,

[جلال ابراهيم الصبيح]

صح لسانك واعتلى شانك قصيدة جزلة من شاعر جزل.....دمت بخير وألف شكر لرائعتك....لاهنت


عاشق دمشق

[نفحات حساسة]

صح السانك.اخوى احمد
قصيده رائعه,,وجزله من جزل
يعطيك العافيه
وسلمت ودام حرفك..تحياتى

[همس الورد]

صح لساااااانك مليون

و صح بدنك

بووووووووووح في غاية الروعة

تحيتي و تقديري