عذري وعذرك في سجون المعاذير

[النوماس]

ياصاحبي مادري جروح المقادير = او هي جروحي قبل ماهي جروحك
يمكن كذا او هي كذا جت مخاسير = تاهت بي الخطوة بتوهت دروبك
مدري وتدري كم ليالي معاثير = ماتسمح ظروفي وصعبة ظروفك
عذري وعذرك في سجون المعاذير = واوصوا بعد شكري لهم يشكرونك
على جهودك يوم صغت التبارير = قدامهم واعلنت عرض لفنونك
ماعاد باقي للعنا والمشاوير = وتلقى مع الأيام من يِفرحونك
يبقى الغلا 0 يبقى الوفا 0 والتقادير = في داخلي حتى اندفن يحتوونك
انت الغلا مهما تطول التفاسير = وانت الذي تبكي دموعي عيونك
وانت الذي فالقلب مانته كما الغير=تبقى لك الذكرى وابى اعيش دونك

[منيع]

ابداع وتميز
شكرا لكم
تحياتي

[حي الضمير]

صح لسانك ياجزل
قصيده رائعه وابدعت بارك الله فيك
أجزل التحايا والاحترام

[سهيل الشمري]

طيب الله فالك وسلم راسك يالحبيب



سهيل

[زهرة اللوتس]

صح لسانك ولا هان راسك
جزلة من جزل
دمت كماانت مبدعا
تحية طيبة

زهرة

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[سناعيس]

صح لسانك يالنوماس
ولله درك على هذه الدره
لاهنت

تحياتي

[داعي الشوق]

صح لسانك يالنوماس

معاني جميلة

من شاعر جميل و جزل

صح لسانك مدد

مع التحية لك

***********

[ترانيم المطر]

عذري وعذرك في سجـون المعاذيـر
واوصوا بعد شكري لهـم يشكرونـك

صح كلك ولا هنت

تحيـــــــــــــ/تي

[ام العمده]

الله الله
صح لسانك واعتلا شانك
لاهنت على هذه الشامخه
ابداااااااااااع
جزاااااااااله
دمت بهذا الابداع والشموخ